完整藏文原文 · 德格版页 当前仅加载第 88 函德格 323a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་གསུམ་གྲུབ་པ་འདོད་པ་ཡིན། །རྒྱ་ཆེའི་གཏམ་དང་ལྡན་པ་དག །མདོར་བསྡུས་ནས་ནི་བཤད་པར་བྱ། །གཙོ་བོ་མྱ་ངན་མེད་པ་ཡི། །དེ་འོག་རྒྱལ་པོ་བྱུང་བ་ནི། །མྱ་ངན་བྲལ་ཞེས་རྣམ་པར་གྲགས། །འཇིག་རྟེན་ཆོས་ཀྱིས་སྤྱོད་པར་ལྡན། །ལྷ་མོ་གོས་
D543.088.0323a01.01དཀར་མོ་ཡི་ནི། །དེ་ཡི་སྔགས་འདི་ཡོངས་སུ་འགྲུབ། །མྱ་ངན་རྣམ་བྲལ་གྱིས་བསྒྲུབས་ནས། །ལྷ་ཡི་གནས་སུ་རབ་ཏུ་སོང་། །ཡུན་རིང་བདེ་བ་མཐོ་རིས་སུ། །རྒྱལ་པོ་ཆེན་པོ་རྗེས་སུ་མྱོང་། །ཕྱིར་ཡང་མི་ཡུལ་ཕྱིན་ནས་ནི། །བློ་ལྡན་ཆོས་ཀྱི་ངང་ཚུལ་ལྡན། །
D543.088.0323a02.01རྒྱལ་ཐབས་རྣམ་པ་སྣ་ཚོགས་ལྡན། །འོད་ཆེན་པོས་ནི་རྗེས་སུ་མྱོང་། །ལོ་ནི་བདུན་ཅུ་རྩ་དྲུག་ཏུ། །དཔལ་ལྡན་མཆོད་རྟེན་མཆོད་པ་བྱེད། །དེ་ནས་དེ་ནི་ནད་བཏབ་ནས། །ལུས་ཞིག་ནས་ནི་ལྷ་རིས་འགྲོ། །དེ་ཡི་འོག་ཏུ་རྒྱལ་པོ་ནི། །དཔའ་བོའི་སྡེ་ཞེས་རབ་ཏུ་བརྗོད། །
D543.088.0323a03.01ཆོས་ལ་སྤྱོད་ཅིང་རྣམ་པར་གྲགས། །བསྟན་པ་འདི་ལ་མཉམ་པར་བཞག །ལྷ་མོ་མཆོད་རྟེན་དཔལ་ཆེན་མ། །དེ་ཡི་སྔགས་ཀྱང་རབ་ཏུ་བསྒྲུབས། །དེས་ཀྱང་སྟོན་པའི་ཁང་ཆེན་ནི། །དེ་ཡི་ཚེ་ན་བྱས་པར་འགྱུར། །ས་རྣམས་རྒྱལ་མཚོའི་མཐར་ཐུག་པར། །མ་ལུས་
D543.088.0323a04.01མཆོད་རྟེན་རྣམས་ཀྱིས་བརྒྱན། །དེ་ལ་རྣམ་སྨིན་ལས་ཀྱིས་ནི། །ལུས་ལས་སྐྱེས་པའི་ནད་ཀྱང་འབྱུང་། །ཟླ་ཕྱེད་གཅིག་ཏུ་སྡུག་བསྔལ་ནས། །དེ་ནས་ཤི་འཕོས་ལུས་ཞིག་འགྱུར། །ལོ་ནི་བདུན་ཅུ་དག་ཏུ་ཡང་། །མི་ཡི་ནང་དུ་རྒྱལ་ཐབས་བྱས། །ཤི་འཕོས་
D543.088.0323a05.01དེ་ནི་མཐོ་རིས་འགྲོ། །ངེས་པར་བྱང་ཆུབ་གཞོལ་བར་འགྱུར། །དེ་ཡི་འོག་ཏུ་རྒྱལ་པོ་ནི། །དགའ་བོ་ཞེས་བྱ་འབྱུང་བར་འགྱུར། །དཔལ་ལྡན་གྲོང་ཁྱེར་མེ་ཏོག་ཅེས། །སྡེ་ཆེན་སྟོབས་ནི་ཆེ་བར་གནས། །ཤ་ཟ་པི་ལུ་ཞེས་བྱ་བའི། །སྔགས་ཀྱང་དེས་ནི་བསྒྲུབས་
D543.088.0323a06.01པ་ཡིན། །དེ་ཡི་སྔགས་ཀྱི་མཐུ་ཡིས་ནི། །ལོངས་སྤྱོད་ཆེན་པོ་ཡོད་པར་འགྱུར། །རྒྱ་ཡི་གཙོ་བོ་ཞེས་བྱ་བ། །འཇིག་རྟེན་འདིར་ནི་འབྱུང་བར་འགྱུར། །དེ་ནོར་ཐོབ་པས་བློན་པོར་འགྱུར། །འཇིག་རྟེན་རྒྱལ་པོ་ཉིད་དུའང་འགྱུར། །དེ་ཡི་དུས་སུ་འབྱུང་བ་ནི། །
D543.088.0323a07.01