完整藏文原文 · 德格版页 当前仅加载第 88 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
རས་རིས་རབ་ཏུ་བཞག་ཅིང་། མཆོད་པ་རྒྱ་ཆེན་པོ་བྱས་ལ། མར་གྱི་མར་མེ་བརྒྱ་རབ་ཏུ་སྦར་ཞིང་ཀུ་ཤའི་ཁྲེས་ལ་ཉེ་བར་འདུག་པར་བྱའོ། །ལག་པ་གཉིས་ཀྱིས་རྡོ་རྗེ་བཟུང་ལ་ཇི་སྲིད་འབར་བ་དེའི་བར་དུ་བཟླས་པ་བྱ་ཞིང་། དེ་བཟུང་ན་དེ་འཁོར་དང་བཅས་པ་ནམ་མཁའ་ལ་འགྲོ་
D543.088.0228b01.01བར་འགྱུར། རིག་པ་འཛིན་པའི་འཁོར་ལོས་སྒྱུར་བར་འགྱུར། ཕྱག་ན་རྡོ་རྗེ་དང་འདྲ་བར་ཕ་རོལ་གནོན་པར་འགྱུར། བསྐལ་པ་ཆེན་པོར་འཚོ་བར་འགྱུར། ལུས་ཞིག་ནས་ཕྱག་ན་རྡོ་རྗེའི་གནས་སུ་འགྲོ་བར་འགྱུར་རོ། །དེ་བཞིན་དུ་མདུང་རྩེ་དང་འཁོར་ལོ་དང་མདའ་དང་མདུང་ལ་
D543.088.0228b02.01སོགས་པ་མཚོན་ཐམས་ཅད་དང་མཆིལ་ལྷམ་དང་སོ་ཤིང་དང་མཆོད་ཕྱིར་ཐོགས་ལ་སོགས་པ་གཞན་གྱི་ཆོ་གའི་བྱ་བས་བསྒྲུབ་པར་བྱ་ཞིང་། ཐམས་ཅད་ཀྱང་གྲུབ་པ་རྣམ་པ་གསུམ་ཡིན་ནོ། །ཞི་བ་བྱེད་པར་འདོད་པ་ལ་པདྨའི་རྣམ་པ་འདྲ་བའི་ཐབ་ཁུང་བྱས་ལ། མཆོད་སྦྱིན་ལ་འོས་
D543.088.0228b03.01པའི་ཡན་ལག་གིས་མེ་རབ་ཏུ་སྦར་ལ་བླུགས་གཟར་གྱིས་ཟས་མཆོག་དང་ཞོ་དང་སྦྲང་རྩི་དང་མར་དང་སྦྱར་བའི་སྦྱིན་སྲེག་སྟོང་རྩ་བརྒྱད་ཞག་གསུམ་བྱས་ན། བདག་དང་གཞན་ཞི་བར་འགྱུར་རོ། །ཞག་བདུན་གྱིས་ནི་གྲོང་ངམ་གྲོང་ཁྱེར་གྱི་འཆི་བ་མང་པོའི་ཉེ་བར་འཚེ་བ་ཞི་བར་འགྱུར་རོ། །
D543.088.0228b04.01ཤིང་ཤ་མའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་རྩ་བརྒྱད་ཀྱང་བྱའོ། །ཡང་ན་ཤིང་ཨུ་དུམ་བཱ་རའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་རྩ་བརྒྱད་ཀྱང་བྱའོ། །ཆར་མི་འབབ་པ་ལ་ནི་མངར་གསུམ་གྱི་སྦྱིན་སྲེག་
D543.088.0228b05.01བྱས་ན་ཐམས་ཅད་དུ་མཆོག་ཏུ་ཞི་བ་ཆེན་པོར་འགྱུར་རོ། །སློང་མོའི་ཟས་ཟ་ཞིང་ཆོ་འཕྲུལ་ཆེན་པོའི་ཟླ་ཕྱེད་ཀྱི་ཟླ་བ་ཉའི་བར་དུ་ནུབ་གསུམ་སྨྱུང་བ་བྱས་ལ། ཟླ་བ་གཟས་ཟིན་པ་ན་བ་ནག་མོའི་འོ་མ་ལ་ལན་བརྒྱ་རྩ་བརྒྱད་མངོན་པར་བསྔགས་ཏེ་འཐུངས་ན་བཅུད་ཀྱིས་ལེན་གྱི་ཡོན་ཏན་
D543.088.0228b06.01དང་ལྡན་པར་འགྱུར་རོ། །རྩྭ་དཱུར་བའི་འཇག་མ་ལ་ཞོ་དང་སྦྲང་རྩི་དང་མར་གྱིས་བཏགས་པས་སྟོང་རྩ་བརྒྱད་ནུབ་བཅུའི་བར་དུ་སྦྱིན་སྲེག་བྱས་ན་དུས་མ་ཡིན་པར་འཆི་བ་རབ་ཏུ་ཞི་ཞིང་ཚེ་རིང་བར་འགྱུར་རོ། །རྒྱལ་མཚན་དང་དུང་ལ་སོགས་པ་ལ་མངོན་པར་བསྔགས་ན། མཐོང་བ་
D543.088.0228b07.01