完整藏文原文 · 德格版页 当前仅加载第 88 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་པ་ནི་བྱང་ཆུབ་སེམས་དཔའ་ཆེན་པོ་འཕགས་པ་འཇམ་དཔལ་ལའོ། །དྲུག་པ་ནི་ལྷ་ཐམས་ཅད་ལའོ། །བདུན་པ་དང་བརྒྱད་པ་ནི་དཀྱིལ་འཁོར་གཉིས་པའི་སྒོ་ཁང་ལ་གཞག་པར་བྱ་སྟེ། །གཅིག་ནི་འབྱུང་པོ་ཐམས་ཅད་ལའོ། །གཅིག་ནི་སེམས་ཅན་ཐམས་ཅད་ཀྱི་ཐུན་མོང་དུ་གྱུར་པར་བསྔོས་ནས་
D543.088.0141b01.01གཞག་པར་བྱའོ། །དེ་བས་ན་སྔར་བཤད་པའི་ཆོ་གས་སྤྱན་དྲང་བར་བྱའོ། །དེ་བཞིན་དུ་མེ་ཏོག་དང་བདུག་པ་དང་དྲི་དང་། མར་མེ་དང་ལྷ་བཤོས་ཀྱང་སྔར་བསྟན་པ་ཉིད་ཀྱི་ལས་ཀྱིས་དབུལ་བར་བྱ་སྟེ། ཐམས་ཅད་ཀྱི་ཐམས་ཅད་དུ་{གོ་རིམས་,གོ་རིམ་}བཞིན་དུ་བྱའོ། །མར་མེ་འཛིན་པས་མར་
D543.088.0141b02.01གྱི་མར་མེ་གཟུང་བར་བྱའོ། །འཕགས་པ་དང་འཕགས་པ་མ་ཡིན་པ་ཐམས་ཅད་ལ་ལྷ་བཤོས་ཞེས་སྨོས་པ་ནི། འབྲས་སཱ་ལུའི་ཆན་ཞོ་དང་བཅས་པ་དང་སྦྲང་རྩི་དང་ལྡན་པའི་འོ་ཐུག་ཁྱད་པར་ཅན་གྱིས་ཉེ་བར་སྦྱར་བའི་མར་ལ་བཙོས་པའི་སྣུམ་ཁུར་གྱི་འབྲེང་བུ་ལ་སོགས་པ་དང་། ཁཎྜ་ལ་
D543.088.0141b03.01སོགས་པའི་བཟའ་བ་ཐམས་ཅད་ནི་དེ་བཞིན་གཤེགས་པ་རྣམས་ལ་དབུལ་བར་བྱའོ། །མར་གྱིས་གང་བ་དང་ཙནྡན་གྱི་ཐང་ཆུ་སྦྲང་རྩིའི་སྙིང་པོ་དང་འོ་མར་བཙོས་པའི་བཟའ་བ་ནི་རང་སངས་རྒྱས་ཐམས་ཅད་དང་། འཕགས་པ་ཉན་ཐོས་དང་བྱང་ཆུབ་སེམས་དཔའ་ཆེན་པོ་དང་འཕགས་པའི་
D543.088.0141b04.01ལྷ་ཐམས་ཅད་ལ་དབུལ་བར་བྱའོ། །དེ་བཞིན་དུ་གརྦྷོད་ཨུ་ལོ་པི་ཀ་རི་ཀ་དང་། ཁྱད་པར་དུ་སྣུམ་ཁུར་གྱི་ཡོ་བྱད་འབྱུང་པོ་ཐམས་ཅད་དང་། སེམས་ཅན་ཐམས་ཅད་ལ་སྔགས་དང་ལྡན་པའི་ཆོ་གས་སྦྱིན་པར་བྱའོ། །དེ་བཞིན་དུ་མེ་ཏོག་དྲི་ཞིམ་པ་སྣ་མའི་མེ་ཏོག་དང་རྒྱ་སྤོས་དང་། ཀླུའི་
D543.088.0141b05.01མེ་ཏོག་དང་མེ་ཏོག་པུན་ནཱ་ག་ལ་སོགས་པ་སྔར་བསྟན་པ་སངས་རྒྱས་དང་། རང་སངས་རྒྱས་ཐམས་ཅད་དང་འཕགས་པ་ཉན་ཐོས་དང་། བྱང་ཆུབ་སེམས་དཔའ་ཆེན་པོ་དང་འཕགས་པ་དང་འཕགས་པ་མ་ཡིན་པའི་ལྷ་ཐམས་ཅད་ལ་དབུལ་བར་བྱའོ། །ཁྱད་པར་དུ་ནི་དེ་བཞིན་གཤེགས་
D543.088.0141b06.01པའི་རིགས་ལ་ནི་སྣ་མའི་མེ་ཏོག་དང་། པདྨའི་རིགས་ལ་ནི་མེ་ཏོག་པདྨ་དང་། དེ་བཞིན་དུ་རྡོ་རྗེའི་རིགས་ལ་ནི་མེ་ཏོག་ཨུཏྤལ་དང་། ལྷ་གཞན་དག་ལ་ནི་གཞན་གང་ཡང་རུང་བས་དབུལ་བར་བྱའོ། །ག་པུར་གྱི་བདུག་པ་ནི་དེ་བཞིན་གཤེགས་པའི་རིགས་ལའོ། །ཙནྡན་ནི་པདྨའི་རིགས་
D543.088.0141b07.01