完整藏文原文 · 德格版页 当前仅加载第 88 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དང་འོད་དཔག་མེད་དང་བསྙེན་པར་དཀའ་བ་དང་སྤྱན་བཟང་དང་ཏོག་བཟང་དང་མེ་ཏོག་དབང་པོ་དང་གཉིད་མཐར་ཕྱིན་དང་འཇིག་རྟེན་ཐུབ་པ་དང་། གསེར་ཐུབ་ལ་སོགས་པའི་དེ་བཞིན་གཤེགས་པ་དེ་དག་གིས་གསུངས་ཤིང་རྗེས་སུ་ཡི་རང་བ་དང་འདས་པའི་ཡང་དག་པར་
D543.088.0190a01.01རྫོགས་པའི་སངས་རྒྱས་ཐམས་ཅད་ཀྱིས་ཀྱང་གསུངས་ཤིང་རྗེས་སུ་ཡི་རང་བ་དེ་ཡང་གང་ཞེ་ན། ཏདྱ་ཐཱ། ཨོཾ་བྷྲུྃ། འཇམ་དཔལ་འདི་ནི་སྙིང་པོ་དམ་པ་དེ་བཞིན་གཤེགས་པ་ཐམས་ཅད་ཀྱི་མཆོག་སྔགས་ཐམས་ཅད་ཀྱི་རིག་པའི་འཁོར་ལོས་སྒྱུར་བ་ཡི་གེ་གཅིག་པ་ཞེས་བྱ་བ་དག་བྱེད་ཆེན་པོ་
D543.088.0190a02.01འདི་ཡང་དག་པར་བསྒྲུབས་ན་སྔགས་ཐམས་ཅད་འགྲུབ་པར་འགྱུར་ཏེ། གཞོན་ནུ་གང་ཡང་ཁྱོད་ཀྱི་ཆོ་གའི་རྒྱལ་པོའི་མཆོག་ལ་སྔགས་ཐམས་ཅད་དང་རྗེས་སུ་མཐུན་པ། མཆོག་ཏུ་གསང་བའི་མཆོག་ཡང་དག་པར་རྗེས་སུ་གནང་བ་ལས་ཀྱི་སྒྲིབ་པ་ཐམས་ཅད་ཡང་དག་པར་སྦྱོང་བར་
D543.088.0190a03.01བྱེད་པ། དང་པོ་རེ་ཞིག་སྒྲུབ་པ་པོས་ངེས་པར་འབུམ་ཕྲག་གསུམ་བཟླས་བརྗོད་བྱའོ། །དེ་ནས་ལས་རྣམས་སྔགས་དང་བཅས་པ་འདིར་གཞོན་ནུ་ཁྱོད་ཀྱི་ཆོ་གའི་རྒྱལ་པོ་ལ་འཇིག་རྟེན་དང་འཇིག་རྟེན་ལས་འདས་པའི་སྔགས་དང་རྒྱུད་རྣམས་བསྒྲུབ་པར་བྱའོ། །འདིས་བསྲུང་བ་བྱས་
D543.088.0190a04.01ན་འབྱུང་པོ་ཐམས་ཅད་ཀྱིས་ཚུགས་པར་མི་འགྱུར་རོ། །འཇིག་རྟེན་དང་འཇིག་རྟེན་ལས་འདས་པའི་བགེགས་ཐམས་ཅད་ཀྱིས་ཟིལ་གྱིས་ནོན་པར་མི་འགྱུར་རོ། །བཅོམ་ལྡན་འདས་ཤཱཀྱ་ཐུབ་པས་དེ་གསུངས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐམས་ཅད་
D543.088.0190a05.01རྣམ་པ་དྲུག་ཏུ་གཡོས་པར་གྱུར་ཏེ། སངས་རྒྱས་ཀྱི་ཞིང་ཐམས་ཅད་དུ་ཡང་སྣང་བས་ཁྱབ་ཅིང་སངས་རྒྱས་བཅོམ་ལྡན་འདས་ཐམས་ཅད་ཀྱང་འཁོར་གྱི་དཀྱིལ་འཁོར་དེར་འདུས་པར་གྱུར་ཏེ། གནས་གཙང་མའི་གཞལ་མེད་ཁང་དུ་འཁོད་པར་གྱུར་ཏོ། །ས་བཅུ་ཐོབ་པའི་བྱང་
D543.088.0190a06.01ཆུབ་སེམས་དཔའ་ཐམས་ཅད་དང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དང་ཉན་ཐོས་དང་རང་སངས་རྒྱས་ཐམས་ཅད་དང་རྫུ་འཕྲུལ་ཆེན་པོ་དང་ལྡན་པའི་སེམས་ཅན་ཐམས་ཅད་དང་རིག་པའི་རྒྱལ་པོ་རྣམས་འོད་ཟེར་གྱིས་ཡང་དག་པར་བསྐུལ་ནས་ལྷགས་པར་
D543.088.0190a07.01