完整藏文原文 · 德格版页 当前仅加载第 51 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཡང་དམ་པའི་ཆོས་ཡོངས་སུ་བཟུང་ངོ་། །ཀུན་དགའ་བོ་རིགས་ཀྱི་བུ་རྒྱལ་བའི་བློ་གྲོས་འདི་ད་ཕྱིན་ཆད་ཀྱང་དེ་བཞིན་གཤེགས་པ་བགྲང་བ་ལས་འདས་པ་རྣམས་མཉེས་པར་བྱེད་པར་འགྱུར། གུས་པར་བྱེད་པར་འགྱུར། བཙུན་པར་བྱེད་པར་
D117.051.0288b01.01འགྱུར། ཕུ་དུད་དུ་བྱེད་པར་འགྱུར། མཆོད་པ་བྱེད་པར་འགྱུར། ཚངས་པར་སྤྱད་པ་ཡང་སྤྱོད་པར་འགྱུར། སེམས་ཅན་ཚད་མེད་གྲངས་མེད་པ་དག་ཀྱང་བྱང་ཆུབ་ཏུ་ཡོངས་སུ་སྨིན་པར་བྱེད་པར་འགྱུར་རོ། །དེ་ཕྱི་མའི་དུས་ན་བྱང་ཆུབ་ཀྱི་ཕྱོགས་ཀྱི་
D117.051.0288b02.01ཆོས་རྣམས་ཡང་དག་པར་བསྒྲུབས་ནས་བསྐལ་པ་གྲངས་མེད་པ་ན་བསྐལ་པ་རིན་པོ་ཆེ་གཅིག་བཀོད་པ་ཞེས་བྱ་བ་ལ་འཇིག་རྟེན་གྱི་ཁམས་བལྟ་ན་སྡུག་པ་ཞེས་བྱ་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་
D117.051.0288b03.01ཕུང་པོ་ཞེས་བྱ་བ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སུ་འཇིག་རྟེན་དུ་འབྱུང་བར་འགྱུར་རོ། །
D117.051.0288b04.01ཀུན་དགའ་བོ་འཇིག་རྟེན་གྱི་ཁམས་བལྟ་ན་སྡུག་པ་དེའི་ལོངས་སྤྱོད་ནི་གཞན་འཕྲུལ་དབང་བྱེད་ཀྱི་ལྷའི་དང་འདྲ་བར་འགྱུར་རོ། །སེམས་ཅན་དེ་དག་གི་མདུན་དུ་ཡུལ་དྲུག་ལས་ཡིད་དུ་མི་འོང་བའི་ཆོས་གང་ཡང་འབྱུང་བར་མི་འགྱུར་རོ། །སེམས་ཅན་
D117.051.0288b05.01དེ་དག་ཐམས་ཅད་གཅིག་གིས་གཅིག་མཐོང་ན་དགའ་བ་དང་ཡིད་བདེ་བ་སྐྱེ་བར་འགྱུར་རོ། །སེམས་ཅན་དེ་དག་ཐམས་ཅད་རྨི་ལམ་དུའང་དེ་བཞིན་གཤེགས་པ་ཡེ་ཤེས་ཕུང་པོ་དེ་མཐོང་ཞིང་དེ་དག་སངས་རྒྱས་རྗེས་སུ་དྲན་པ་དང་མི་འབྲལ་བར་འགྱུར་
D117.051.0288b06.01ཏེ། དེ་བས་ན་འཇིག་རྟེན་གྱི་ཁམས་དེ་བལྟ་ན་སྡུག་པ་ཞེས་བྱའོ། །བསྐལ་པ་དེ་ལ་དེ་བཞིན་གཤེགས་པ་དེ་གཅིག་པུ་འབྱུང་ཞིང་། དེ་བཞིན་གཤེགས་པའི་ཚེའི་ཚད་ཀྱང་བསྐལ་པར་ཐུབ་པར་འགྱུར་ཏེ། དེ་བས་ན་བསྐལ་པ་དེ་ཡང་རིན་པོ་ཆེ་
D117.051.0288b07.01