完整藏文原文 · 德格版页 当前仅加载第 51 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
ཉན་ཐོས་དང་། རང་སངས་རྒྱས་ཐམས་ཅད་ནི་བྱང་ཆུབ་སེམས་དཔའ་དང་ལྡན་པའི་གཏམ་གྱི་སྣོད་དུ་གྱུར་པ་མ་ཡིན་ན། བཙུན་པ་རབ་འབྱོར་བྱང་ཆུབ་སེམས་དཔའ་དང་ལྡན་པའི་གཏམ་ཅིར་དགོས། རབ་འབྱོར་གྱིས་སྨྲས་པ། འཇམ་དཔལ་འདིར་གང་སྣོད་དུ་གྱུར་པ་འབྱུང་
D117.051.0248b01.01བ་དེ་དག་ལ་ཁྱོད་ཀྱིས་ཤོད་ཅིག །འཇམ་དཔལ་གྱིས་སྨྲས་པ། ཚེ་དང་ལྡན་པ་རབ་འབྱོར་འདི་ན་སྣོད་དུ་གྱུར་པ་ནི་གང་དག་ཡིན། སྣོད་དུ་མ་གྱུར་པ་ནི་གང་དག་ཡིན་ཤེས་སམ། རབ་འབྱོར་གྱིས་སྨྲས་པ། འཇམ་དཔལ་བདག་ནི་གཞན་གྱི་སྒྲའི་རྗེས་སུ་འབྲང་བ་ཡིན་པས་སྣོད་
D117.051.0248b02.01དང་སྣོད་མ་ཡིན་པ་ལྟ་ཅི་ཤེས་མོད་ཀྱི་འོན་ཀྱང་འཇམ་དཔལ་ཁྱོད་བྱང་ཆུབ་སེམས་དཔའ་དང་ལྡན་པའི་གཏམ་བརྩམ་པར་སྤོབས་པར་གྱིས་ཤིག །འཇམ་དཔལ་གྱིས་སྨྲས་པ། བཙུན་པ་རབ་འབྱོར་གང་སུ་དག་སྐྱོན་མེད་པ་ལ་ཞུགས་པ་དེ་དག་ཐམས་ཅད་ནི་སངས་རྒྱས་ཀྱི་ཆོས་
D117.051.0248b03.01རྣམས་ཀྱི་སྣོད་དུ་མ་གྱུར་པའོ། །བཙུན་པ་རབ་འབྱོར་གང་དག་སྐྱོན་མེད་པ་ལ་ཡང་རྟོག་ཅིང་སེམས་ཅན་རྣམས་ལ་ཡང་ལྟ་ལ་སྐྱོན་མེད་པར་ཡང་མི་ལྟུང་ཞིང་སྐྱོན་དང་ཡང་ལྷན་ཅིག་མི་གནས་པ་དེ་དག་ནི་སངས་རྒྱས་ཀྱི་ཆོས་རྣམས་ཀྱི་སྣོད་དུ་གྱུར་པའོ། །བཙུན་པ་རབ་འབྱོར་
D117.051.0248b04.01གཞན་ཡང་གང་དག་མཚམས་ལ་གནས་པར་གྱུར་པ། སློབ་པ་དང་མི་སློབ་པའི་ཆོས་ལ་ཞུགས་པ། སེམས་ཅན་ཐམས་ཅད་ལ་བཏང་སྙོམས་པ། སྲིད་པ་ལ་མེ་འབར་བ་ལྟ་བུར་ལྟ་བ། ཡིད་ཡོངས་སུ་སྐྱོ་བ། ཁམས་གསུམ་ཐམས་ཅད་ཀྱིས་སྐྲག་པ། སྐད་ཅིག་ཙམ་
D117.051.0248b05.01ཡང་སྲིད་པ་མངོན་པར་འགྲུབ་པར་མི་དགའ་བ་དེ་དག་ནི་སངས་རྒྱས་ཀྱི་ཆོས་རྣམས་ཀྱི་སྣོད་དུ་མ་གྱུར་པའོ། །བཙུན་པ་རབ་འབྱོར་གང་དག་ཕྱི་མའི་མཐའི་བསྐལ་པ་བྱེ་བར་གོ་ཆ་བགོས་པ། སྲིད་པ་ཐམས་ཅད་ཀྱིས་མི་འཇིགས་མི་དངང་བ། ཁམས་གསུམ་སྤྱོད་ཡུལ་བ། དྲི་མ་
D117.051.0248b06.01གསུམ་དང་བྲལ་བ། འཁོར་བ་ལ་སྐྱེད་མོས་ཚལ་དང་གཞལ་མེད་ཁང་དུ་འདུ་ཤེས་པ། སྲིད་པ་འདོད་ཅིང་སྲིད་པ་ཐམས་ཅད་ལ་ཆགས་པ་དང་བྲལ་བ་དེ་དག་ནི་སངས་རྒྱས་ཀྱི་ཆོས་རྣམས་ཀྱི་སྣོད་དུ་གྱུར་པའོ། །བཙུན་པ་རབ་འབྱོར་གཞན་ཡང་གང་དག་འདོད་ཆགས་
D117.051.0248b07.01