完整藏文原文 · 德格版页 当前仅加载第 51 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
དུ། གཅེར་བུ་པ་ཁྱེད་ཀྱི་སྟོན་པ་དྲུག་པོ་ཐམས་ཅད་ཀྱང་ལམ་མི་ཤེས་པ། ལམ་མི་མཁས་པ་སྟེ། དེས་ཁྱེད་ཅག་སེམས་ཅན་མང་པོ་རྣམས་ལམ་ངན་པར་བཙུད་དོ། །དེ་བཞིན་གཤེགས་པ་ནི་ལམ་མཁྱེན་པ། ལམ་ལ་མཁས་པ་སྟེ། དེས་སེམས་ཅན་དེ་དག་ལམ་ངན་པ་དེ་ལས་
D117.051.0284b01.01བཟློག་ནས་ཡང་དག་པའི་ལམ་དུ་འཛུད་དོ། །གཅེར་བུ་པ་དེ་ལྟ་མོད་ཀྱི་ཁྱོད་ཀྱི་འཁོར་འདི་དག་ཁྲིད་དེ་སོང་ཤིག །དེ་ནས་ཡང་གཅེར་བུ་པ་ཁྲི་ཉིས་སྟོང་གཅེར་བུ་མའི་བུ་བདེན་པ་པོ་དང་ལྷན་ཅིག་ཏུ་དོང་ངོ་། ལྷག་མ་རྣམས་ནི་མངོན་པར་ཤེས་པ་ཐོབ་ནས་དེ་དག་བཅོམ་ལྡན་འདས་ཀྱིས་
D117.051.0284b02.01དགེ་སློང་ཚུར་ཤོག་ཅེས་བྱ་བས་རབ་ཏུ་བྱུང་བར་གྱུར་ཏོ། །དེ་ལ་བཅོམ་ལྡན་འདས་ཀྱིས་ཀུན་དུ་རྒྱུ་རྒྱལ་བའི་བློ་གྲོས་ལ་འདི་སྐད་ཅེས་བཀའ་སྩལ་ཏོ། །རྒྱལ་བའི་བློ་གྲོས་ཁྱོད་ཀྱིས་གང་དག་གཅེར་བུ་མའི་བུ་བདེན་པ་པོ་དང་ལྷན་ཅིག་ཏུ་དོང་བའི་གཅེར་བུ་པ་ཁྲི་ཉིས་སྟོང་པོ་དེ་དག་མཐོང་
D117.051.0284b03.01ངམ། གསོལ་པ། བཅོམ་ལྡན་འདས་མཐོང་ངོ་། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་བའི་བློ་གྲོས་དེ་དག་ཐམས་ཅད་དེ་བཞིན་གཤེགས་པ་བྱམས་པའི་འདུས་པ་དང་པོའི་གྲངས་སུ་གཏོགས་པར་འགྱུར་རོ། །དེ་ཅིའི་ཕྱིར་ཞེ་ན། དེ་ལྟར་དེ་དག་གིས་ཆོས་ཟབ་མོ་འདི་
D117.051.0284b04.01བཤད་པ་ཐོས་སོ། །གཅེར་བུ་མའི་བུ་བདེན་པ་པོ་ནི་འདི་ལྟ་སྟེ་དཔེར་ན་ད་ལྟར་ངའི་དགེ་སློང་ཤཱ་རིའི་བུ་བཞིན་དུ། དེ་བཞིན་གཤེགས་པ་བྱམས་པའི་བསྟན་པ་ལ་ཉན་ཐོས་རྣམས་ཀྱི་ནང་ན་ཤེས་རབ་ཆེ་བའི་མཆོག་ཏུ་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ང་ལ་མོས་པ་ཡོད་
D117.051.0284b05.01དོ། །ལྷག་པའི་ང་རྒྱལ་གྱིས་ནི་ལྟ་བ་ཡོངས་སུ་མི་གཏོང་ངོ་། །དེ་ནས་འཇམ་དཔལ་གཞོན་ནུར་གྱུར་པ་ལ་ཀུན་དུ་རྒྱུ་རྒྱལ་བའི་བློ་གྲོས་ཀྱིས་འདི་སྐད་ཅེས་སྨྲས་སོ། །འཇམ་དཔལ་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མ་ལ་དགེ་སློང་མངོན་པའི་ང་རྒྱལ་ཅན་ཇི་སྙེད་ཅིག་
D117.051.0284b06.01འབྱུང་བར་འགྱུར། འཇམ་དཔལ་གྱིས་སྨྲས་པ། རིགས་ཀྱི་བུ་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མ་ལ་དགེ་སློང་མངོན་པའི་ང་རྒྱལ་ཅན་འབྱུང་བ་ནི་དཀོན་ནོ། །དེ་ཅིའི་ཕྱིར་ཞེ་ན། རིགས་ཀྱི་བུ་བསམ་གཏན་བཞི་མ་བསྐྱེད་པར་མངོན་པའི་ང་རྒྱལ་དུ་ལྟུང་བར་མི་ནུས་སོ། །དེ་ཅིའི་
D117.051.0284b07.01