完整藏文原文 · 德格版页 当前仅加载第 51 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སངས་རྒྱས་འོད་ཀྱི་ཏོག་གིས་འཇམ་དཔལ་གཞོན་ནུར་གྱུར་པ་འོང་བར་བྱ་བའི་ཕྱིར་མཚན་མ་མཛད་དོ། །དེ་ནས་འཇམ་དཔལ་གཞོན་ནུར་གྱུར་པ་བྱང་ཆུབ་སེམས་དཔའ་དེ་དག་དང་ལྷའི་བུ་དེ་དག་དང་ལྷན་ཅིག་ཏུ་བར་སྣང་དེ་ལས་བབས་ནས།
D117.051.0260a01.01བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཀྱི་ཏོག་ག་ལ་བ་དེར་དོང་སྟེ་ལྷགས་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་ནས་འཁོར་དང་
D117.051.0260a02.01བཅས་ཏེ་ཇི་ལྟར་རང་གི་སྨོན་ལམ་དང་། རྫུ་འཕྲུལ་གྱི་མཐུས་སྤྲུལ་པའི་སྟན་ལ་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཀྱི་ཏོག་གིས་འཇམ་དཔལ་གཞོན་ནུར་གྱུར་པ་
D117.051.0260a03.01ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཁྱོད་དོན་གྱི་དབང་ཅི་ཞིག་མཐོང་ནས་འཇིག་རྟེན་གྱི་ཁམས་དང་བ་ཅན་འདིར་འོངས། འཇམ་དཔལ་གྱིས་གསོལ་པ། བཅོམ་ལྡན་འདས་ལ་བལྟ་བ་དང་། ཕྱག་བགྱི་བ་དང་། བསྙེན་བཀུར་བགྱི་བ་དང་།
D117.051.0260a04.01ཡོངས་སུ་ཞུ་བ་དང་། ཡོངས་སུ་ལེགས་པར་ཞུ་བའི་སླད་དུའོ། །བཅོམ་ལྡན་འདས་དེས་བཀའ་སྩལ་པ། འཇམ་དཔལ་ཇི་ལྟར་ན་དེ་བཞིན་གཤེགས་པ་བལྟ་བ་ཤིན་ཏུ་རྣམ་པར་དག་པར་འགྱུར། ཇི་ལྟར་ན་དེ་བཞིན་གཤེགས་པ་ལ་ཕྱག་བྱས་པར་འགྱུར། ཇི་ལྟར་
D117.051.0260a05.01ན་བསྙེན་བཀུར་བྱས་པར་འགྱུར། ཇི་ལྟར་ན་ཡོངས་སུ་ཞུས་པར་འགྱུར། ཇི་ལྟར་ན་ཡོངས་སུ་ལེགས་པར་ཞུས་པར་འགྱུར། འཇམ་དཔལ་གྱིས་གསོལ་པ། བཅོམ་ལྡན་འདས་ནམ་ཆོས་མཐོང་བ་ཤིན་ཏུ་རྣམ་པར་དག་པ་དེ་ལྟ་བུ་ནི་དེ་བཞིན་གཤེགས་པ་མཐོང་བ་
D117.051.0260a06.01ཤིན་ཏུ་རྣམ་པར་དག་པ་ལགས་སོ། །བཅོམ་ལྡན་འདས་ནམ་ལུས་དང་སེམས་ཀྱིས་འདུད་པར་མི་བགྱིད། རབ་ཏུ་འདུད་པར་མི་བགྱིད་ཅིང་བགྱིད་པ་མ་མཆིས། ཞུམ་པ་མ་མཆིས་པར་གནས་པ། མི་གཡོ་བ་ཐོབ་པ། སེམས་དབེན་པའི་ངང་ཚུལ་དུ་སྤྱོད་པ། དྲན་
D117.051.0260a07.01