完整藏文原文 · 德格版页 当前仅加载第 51 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་པས་རྣམ་པར་སྐྱེའོ། །རབ་འབྱོར་གྱིས་སྨྲས་པ། འཇམ་དཔལ་ཅི་བྱང་ཆུབ་སེམས་དཔའ་རྣམ་པར་སྐྱེའམ། འཇམ་དཔལ་གྱིས་སྨྲས་པ། བཙུན་པ་རབ་འབྱོར་གལ་ཏེ་ནམ་མཁའ་རྣམ་པར་སྐྱེ་ན། དེའི་ཕྱིར་བྱང་
D117.051.0250a01.01ཆུབ་སེམས་དཔའ་རྣམས་ཀྱང་རྣམ་པར་སྐྱེ་བ་ཞིག་ན། ནམ་མཁའ་ནི་རྣམ་པར་སྐྱེ་བའམ། ཡོངས་སུ་ཉམས་པར་མི་འགྱུར་ཏེ། བཙུན་པ་རབ་འབྱོར་དེ་བཞིན་དུ་བྱང་ཆུབ་སེམས་དཔའ་རྣམས་ཀྱང་རྣམ་པར་སྐྱེ་བར་ཡང་མི་འགྱུར། ཡོངས་སུ་ཉམས་པར་ཡང་མི་འགྱུར་རོ། །རབ་
D117.051.0250a02.01འབྱོར་གྱིས་སྨྲས་པ། འཇམ་དཔལ་བྱང་ཆུབ་སེམས་དཔའ་རྣམས་རྣམ་པར་སྐྱེ་བར་ཡང་མི་འགྱུར། ཡོངས་སུ་ཉམས་པར་ཡང་མི་འགྱུར་ཞེས་བྱ་བ་ཅི་ལས་བསམས་ཏེ་དེ་སྐད་སྨྲས། འཇམ་དཔལ་གྱིས་སྨྲས་པ། ཉོན་མོངས་པ་རྣམ་པར་སྐྱེ་བར་ཡང་མི་འགྱུར།
D117.051.0250a03.01སངས་རྒྱས་ཀྱི་ཆོས་རྣམས་ལས་ཡོངས་སུ་ཉམས་པར་ཡང་མི་འགྱུར་རོ། །རབ་འབྱོར་གྱིས་སྨྲས་པ། འཇམ་དཔལ་ཉོན་མོངས་པ་རྣམས་དང་། སངས་རྒྱས་ཀྱི་ཆོས་རྣམས་ལ་ཐ་དད་དུ་བྱ་བ་ཅི་ཡོད། འཇམ་དཔལ་གྱིས་སྨྲས་པ། བཙུན་པ་རབ་འབྱོར་ཉོན་མོངས་པ་
D117.051.0250a04.01རྣམས་དང་། སངས་རྒྱས་ཀྱི་ཆོས་རྣམས་ལ་ཐ་དད་པར་བྱ་བ་ནི་{ཆུང་ཟད་,ཅུང་ཟད་}ཀྱང་མེད་དོ། །བཙུན་པ་རབ་འབྱོར་འདི་ལྟ་སྟེ། དཔེར་ན་རིའི་རྒྱལ་པོ་རི་རབ་ཀྱི་འོད་ཀྱིས་རེག་ན་གཟུགས་ཐམས་ཅད་འདི་ལྟ་སྟེ། གསེར་གྱི་ཁ་དོག་ཏུ་ཁ་དོག་གཅིག་པར་འགྱུར་རོ། །བཙུན་པ་
D117.051.0250a05.01རབ་འབྱོར་དེ་བཞིན་དུ་ཤེས་རབ་དང་ཡེ་ཤེས་ཀྱི་སྣང་བར་བྱས་པའི་ཉོན་མོངས་པ་རྣམས་ཀྱང་འདི་ལྟ་སྟེ། སངས་རྒྱས་ཀྱི་ཆོས་རྣམས་ཀྱི་ཁ་དོག་ཏུ་ཁ་དོག་གཅིག་པར་འགྱུར་རོ། །བཙུན་པ་རབ་འབྱོར་དེ་བས་ན་ཤེས་རབ་དང་ཡེ་ཤེས་ཀྱིས་སྣང་བར་བྱས་པའི་ཉོན་མོངས་པ་
D117.051.0250a06.01རྣམས་དང་། སངས་རྒྱས་ཀྱི་ཆོས་རྣམས་ལ་ནི་ཐ་དད་པ་{ཆུང་ཟད་,ཅུང་ཟད་}ཀྱང་མེད་དེ། དེ་བས་ན་ཆོས་ཐམས་ཅད་སངས་རྒྱས་ཀྱི་ཆོས་ཞེས་བྱའོ། །རབ་འབྱོར་གྱིས་སྨྲས་པ། འཇམ་དཔལ་ཅིའི་ཕྱིར་ན་ཆོས་ཐམས་ཅད་སངས་རྒྱས་ཀྱི་ཆོས་ཞེས་བྱ། འཇམ་དཔལ་གྱིས་སྨྲས་པ།
D117.051.0250a07.01