完整藏文原文 · 德格版页 当前仅加载第 51 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །དེ་ནས་ཚེ་དང་ལྡན་པ་བྱམས་མའི་བུ་གང་པོས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རིའི་བུ་ཁོ་བོས་འཇམ་དཔལ་གཞོན་ནུར་གྱུར་པའི་རྫུ་འཕྲུལ་གྱི་ཆོ་འཕྲུལ་ཁ་ཅིག་མངོན་སུམ་དུ་གྱུར་ཏེ། ཚེ་དང་ལྡན་པ་
D117.051.0277a01.01ཤཱ་རིའི་བུ་ཁོ་བོས་མངོན་པར་ཤེས་པ་དུས་གཅིག་ན་བཅོམ་ལྡན་འདས་ཡངས་པ་ཅན་གྱི་གྲོང་ཁྱེར་གྱི་ཚལ་ཆེན་པོའི་ཁང་པ་བརྩེགས་པའི་ཁང་པ་ན། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་སོ། །ཚེ་དང་ལྡན་པ་ཤ་ར་
D117.051.0277a02.01དྭ་ཏིའི་བུ་དེའི་ཚེ་གཅེར་བུ་མའི་བུ་བདེན་པ་པོ་ཞེས་བྱ་བ་གཅེར་བུ་པ་དྲུག་ཁྲིས་ཡོངས་སུ་བསྐོར་ཅིང་མདུན་གྱིས་བལྟས་ཏེ། བསྟི་སྟང་བྱས། བླ་མར་བྱས། རི་མོ་བྱས། མཆོད་པ་བྱས་ཤིང་ཡངས་པ་ཅན་གྱི་གྲོང་ཁྱེར་ན་འདུག་གོ། །ཁོ་བོ་ཏིང་ངེ་འཛིན་ལ་སྙོམས་པར་
D117.051.0277a03.01ཞུགས་ཏེ། གཞན་མུ་སྟེགས་ཅན་དེ་དག་གི་དགེ་བའི་རྩ་བ་ལ་བལྟས་ན། དེར་ཁོ་བོས་སེམས་ཅན་མུ་སྟེགས་ཅན་གདུལ་བར་བྱ་བ་བརྒྱ་ཕྲག་མང་པོ་མཐོང་ནས། ཁོ་བོ་དེར་སོང་སྟེ་དེ་དག་ལ་ཆོས་བཤད་དོ། །དེ་དག་ཁོ་བོས་ཆོས་བཤད་པ་ལ་སྲི་ཞུ་མི་བྱེད། རྣ་བླགས་
D117.051.0277a04.01ཏེ་མི་ཉན། ཀུན་དུ་ཤེས་པར་བྱ་བའི་སེམས་ཀྱིས་མི་གནས་པའི་སྟེང་དུ་ཁོ་བོ་ལ་འཕྱ་སྨོད་གད་མོས་འདེབས་ཤིང་ཚིག་རྩུབ་པོ་དག་ཀྱང་རྗོད་དོ། །དེར་ཁོ་བོས་ཟླ་བ་གསུམ་དུ་སེམས་ཅན་དེ་དག་ལས་འགའ་ཡང་ཡོངས་སུ་སྨིན་པར་བྱ་མ་ནུས་ཏེ་སྐྱོ་བར་གྱུར་ཏོ། །ཁོ་བོ་སྐྱོ་
D117.051.0277a05.01བར་གྱུར་ནས་སླར་སོང་ངོ་། །དེ་ལ་འཇམ་དཔལ་གཞོན་ནུར་གྱུར་པས་མུ་སྟེགས་ཅན་ལྔ་བརྒྱ་སྤྲུལ་ཏེ། བདག་ཉིད་སློབ་དཔོན་དུ་བཞག་ནས་འཁོར་ལྔ་བརྒྱ་དང་། གཅེར་བུ་མའི་བུ་བདེན་པ་པོ་གང་ན་བ་དེར་དོང་སྟེ་ལྷགས་པ་དང་། གཅེར་བུ་མའི་བུ་བདེན་པ་པོའི་རྐང་པ་གཉིས་
D117.051.0277a06.01ལ་མགོ་བོས་ཕྱག་འཚལ་ནས་མདུན་དུ་འདུག་སྟེ། གཅེར་བུ་མའི་བུ་བདེན་པ་པོ་ལ་འདི་སྐད་ཅེས་སྨྲས་སོ། །བདག་ཅག་གིས་འཕགས་པའི་གྲགས་པའི་སྒྲ་དང་ཚིགས་སུ་བཅད་པ་རྒྱ་ཆེན་པོ་ཐོས་ནས་ལྗོངས་གཞན་ནས་ཡངས་པ་ཅན་གྱི་གྲོང་ཁྱེར་འདིར་མཆིས་ཏེ། ཁྱོད་
D117.051.0277a07.01