完整藏文原文 · 德格版页 当前仅加载第 51 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
མ་མེད་པ་དང་། སྨོན་པ་མེད་པའོ། །གཞན་ཡང་ཐོག་མར་དགེ་བ་ནི་འདུན་པ་དང་། བརྩོན་འགྲུས་དང་། བག་ཡོད་པའོ། །བར་དུ་དགེ་བ་ནི་དྲན་པ་དང་། ཏིང་ངེ་འཛིན་དང་། སེམས་རྩེ་གཅིག་པའོ། །ཐ་མར་དགེ་བ་ནི་ཤེས་རབ་དང་། ལྷག་མཐོང་དང་། ཡེ་
D117.051.0278b01.01ཤེས་སོ། །གཞན་ཡང་ཐོག་མར་དགེ་བ་ནི་སངས་རྒྱས་ལ་མི་ཕྱེད་པར་དད་པའོ། །བར་དུ་དགེ་བ་ནི་ཆོས་ལ་མི་ཕྱེད་པར་དད་པའོ། །ཐ་མར་དགེ་བ་ནི་དགེ་འདུན་ལ་མི་ཕྱེད་པར་དད་པས་འབྲས་བུ་ཐོབ་པའོ། །གཞན་ཡང་ཐོག་མར་དགེ་བ་ནི་གཞན་ལས་ཉན་པའོ། །
D117.051.0278b02.01བར་དུ་དགེ་བ་ནི་ཚུལ་བཞིན་ཡིད་ལ་བྱེད་པའོ། །ཐ་མར་དགེ་བ་ནི་འཕགས་པའི་ཡང་དག་པར་ལྟ་བའོ། །གཞན་ཡང་ཐོག་མར་དགེ་བ་ནི་སྡུག་བསྔལ་ཡོངས་སུ་ཤེས་པ་དང་། ཀུན་འབྱུང་བ་སྤང་བའོ། །བར་དུ་དགེ་བ་ནི་ལམ་བསྒོམ་པའོ། །ཐ་མར་དགེ་བ་ནི་
D117.051.0278b03.01འགོག་པ་མངོན་སུམ་དུ་བྱེད་པ་སྟེ། འདི་དག་ནི་ཉན་ཐོས་རྣམས་ཀྱི་ཐོག་མར་དགེ་བ་དང་། བར་དུ་དགེ་བ་དང་། ཐ་མར་དགེ་བའོ། དེ་ལ་བྱང་ཆུབ་སེམས་དཔའ་རྣམས་ཀྱི་ཐོག་མར་དགེ་བ་དང་། བར་དུ་དགེ་བ་དང་། ཐ་མར་དགེ་བ་གང་ཞེ་ན། དེ་ལ་ཐོག་མར་དགེ་
D117.051.0278b04.01བ་ནི་བྱང་ཆུབ་ཀྱི་སེམས་མི་གཏོང་བའོ། །བར་དུ་དགེ་བ་ནི་ཐེག་པ་དམན་པ་མི་འདོད་པའོ། །ཐ་མར་དགེ་བ་ནི་ཐམས་ཅད་མཁྱེན་པ་ཉིད་དུ་ཡོངས་སུ་སྔོ་བའོ། །གཞན་ཡང་ཐོག་མར་དགེ་བ་ནི་སེམས་ཅན་ཐམས་ཅད་ལ་སེམས་སྙོམས་པས་བྱམས་པ་ཆེན་པོའོ། །
D117.051.0278b05.01བར་དུ་དགེ་བ་ནི་སེམས་ཅན་ཐམས་ཅད་ལ་བྱ་བ་ཇི་ཡོད་སྙམ་པས་སྙིང་རྗེ་ཆེན་པོའོ། །ཐ་མར་དགེ་བ་ནི་དགའ་བ་དང་། བཏང་སྙོམས་མཉམ་པའི་སེམས་ཀྱིས་ངེས་པར་སེམས་པའོ། །གཞན་ཡང་ཐོག་མར་དགེ་བ་ནི་སེར་སྣའི་སེམས་ཚར་གཅོད་པ་དང་། འཆལ་
D117.051.0278b06.01བའི་ཚུལ་ཁྲིམས་སྤོང་བ་དང་། གནོད་སེམས་སེལ་བ་དང་། ལེ་ལོ་སྤོང་བ་དང་། རྣམ་པར་གཡེང་བ་ཀུན་དུ་མི་སྤྱོད་པ་དང་། འཆལ་བའི་ཤེས་རབ་སྤོང་བའོ། །བར་དུ་དགེ་བ་ནི་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་
D117.051.0278b07.01