完整藏文原文 · 德格版页 当前仅加载第 51 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
རིག་པ་བསྟན་པའོ། །འདུས་བྱས་ལ་སྨོན་པས་མི་རྟག་པ་དང་། སྡུག་བསྔལ་བ་ཡོངས་སུ་བརྗོད་པ་བསྟན་པའོ། །ཡ་མཚན་ཅན་ཐམས་ཅད་སྤོང་བས་བདག་མེད་པ་བསྟན་པའོ། །མྱ་ངན་ལས་འདའ་བར་འགྲོ་བས་ཞི་བ་བསྟན་པའོ། །ཕ་རོལ་དུ་
D117.051.0271a01.01འགྲོ་བས་ཕ་རོལ་དུ་ཕྱིན་པ་བསྟན་པའོ། །སེམས་ཅན་ཡང་དག་པར་སྡུད་པས་ཐབས་བསྟན་པའོ། །ཞེ་འགྲས་པའི་སེམས་མེད་པས་བྱམས་པ་བསྟན་པའོ། །འཚེ་བ་མེད་པས་སྙིང་རྗེ་བསྟན་པའོ། །མི་དགའ་བ་སེལ་བས་དགའ་བ་བསྟན་པའོ། །བྱ་བ་བྱས་
D117.051.0271a02.01པས་བཏང་སྙོམས་བསྟན་པའོ། །ང་རྒྱལ་མེད་པས་ཡེ་ཤེས་བསྟན་པའོ། །བྱང་ཆུབ་ཀྱི་སེམས་བསྐྱེད་པས་དཀོན་མཆོག་གསུམ་གྱི་གདུང་མི་འཆད་པ་བསྟན་པའོ། །ཡང་འབྱུང་བ་མེད་པས་བདེ་བ་ཐམས་ཅད་དང་འཐུན་པ་བསྟན་པའོ། །བསྟན་པའི་བཤད་པ་འདི་
D117.051.0271a03.01བསྟན་པའི་ཚེ་གང་བདུད་སྡིག་ཅན་དང་ལྷན་ཅིག་ཏུ་ལྷའི་བུ་གང་དག་ལྷགས་པ་དེ་ལས་ལྷའི་བུ་ལྔ་བརྒྱ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་ཏེ། དེ་དག་གིས་བཅོམ་ལྡན་འདས་བདག་ཅག་ཀྱང་སངས་རྒྱས་ཀྱི་བསྟན་པ་དེ་ལྟ་བུ་དང་འཐུན་པར་
D117.051.0271a04.01གྱུར་ཅིག་ཅེས་དེ་སྐད་ཀྱི་ཚིག་སྨྲས་སོ། །བཅོམ་ལྡན་འདས་ཀྱིས་ཀྱང་འཛུམ་པ་མཛད་དེ། ཁོ་བོས་འཛུམ་པའི་ཕྱིར་ཞུས་སོ། །ཞུས་ནས་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་བདུད་ཀྱི་སྤྲུལ་པའི་དགེ་སློང་འདི་དག་ཁྱོད་
D117.051.0271a05.01ཀྱིས་མཐོང་ངམ། བཅོམ་ལྡན་འདས་ལ་ཁོ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་མཐོང་ངོ་། །བདེ་བར་གཤེགས་པ་མཐོང་ངོ་། །བཅོམ་ལྡན་འདས་ཀྱིས་ཁོ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཕྱི་མའི་དུས་ཕྱི་མའི་ཚེ་ལྔ་བརྒྱ་
D117.051.0271a06.01ཐ་མ་ལ་དམ་པའི་ཆོས་འཇིག་པའི་ཚེ་ངའི་བསྟན་པ་ལ་དགེ་སློང་དག་ཕལ་ཆེར་འདི་བཞིན་དུ་ཤམ་ཐབས་ལེགས་པར་མ་གྱོན་པ། བླ་གོས་ལེགས་པར་མ་བགོས་པ། གོས་བརྟུལ་ཏེ་གྱོན་པ། ལྷུང་བཟེད་ཆག་པ། ཤེས་བཞིན་མེད་པ། སྤྱོད་ལམ་མི་སྡུག་པ། ལག་
D117.051.0271a07.01