完整藏文原文 · 德格版页 当前仅加载第 51 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པ་དང་། བདག་གི་གང་ཡིན་པ་དེ་གཉིས་ནི་མཉམ་མོ་སྙམ་དུ་གྱུར་པ་དང་། འཇམ་དཔལ་གཞོན་ནུར་གྱུར་པའི་སེམས་ཀྱིས་ཁོ་བོའི་སེམས་ཀྱི་རྣམ་པར་རྟོག་པ་དེ་ཤེས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་མེ་འབར་བ་ན་འཇིག་རྟེན་གྱི་
D117.051.0263b01.01བར་དུ་འདུག་སྟེ་ཁོ་བོ་ལ་འདི་སྐད་ཅེས་ཟེར་རོ། །ཅི་ཚེ་དང་ལྡན་པ་ཤཱ་རིའི་བུའི་རྫུ་འཕྲུལ་གྱི་མཐུས་འཇིག་རྟེན་གྱི་ཁམས་འདི་ལས་བརྒལ་བར་བྱའམ། འོན་ཏེ་ཁོ་བོའི་རྫུ་འཕྲུལ་གྱི་མཐུས་བརྒལ་བར་བྱ། ཁོ་བོས་དེ་ལ་འདི་སྐད་ཅེས་སྨྲས་སོ། །ཁོ་བོའི་རྫུ་འཕྲུལ་གྱི་མཐུའི་
D117.051.0263b02.01མགྱོགས་པས་འཇིག་རྟེན་གྱི་ཁམས་འདི་ལས་བརྒལ་བར་བྱའོ་ཞེས། ཚེ་དང་ལྡན་པ་རབ་འབྱོར་ཁོ་བོའི་རྫུ་འཕྲུལ་གྱི་མཐུའི་མགྱོགས་པའི་ཆོ་འཕྲུལ་ཐམས་ཅད་བསྟན་ཏེ། འདོམ་གང་ཙམ་ཁོར་ཡུག་ཏུ་མེ་དེ་ཞི་བར་བྱས་ནས་འཇམ་དཔལ་གཞོན་ནུར་གྱུར་པ་དང་ལྷན་ཅིག་ཏུ་ཉིན་
D117.051.0263b03.01ཞག་བདུན་གྱིས་འཇིག་རྟེན་གྱི་ཁམས་དེ་བརྒལ་ཏོ། །དེ་ནས་དུས་གཞན་ཞིག་ན་དེ་བས་ཀྱང་ཤིན་ཏུ་རྒྱ་ཆེ་ཞིང་ཡངས་པའི་འཇིག་རྟེན་གྱི་ཁམས་སུ་མེ་འབར་བ་ན་འཇིག་རྟེན་གྱི་བར་དུ་འཇམ་དཔལ་གཞོན་ནུར་གྱུར་པ་འདུག་སྟེ། ཁོ་བོ་ལ་འདི་སྐད་ཅེས་ཟེར་རོ། །བཙུན་པ་
D117.051.0263b04.01ཤཱ་རིའི་བུ་སུའི་རྫུ་འཕྲུལ་གྱི་མཐུས་འཇིག་རྟེན་གྱི་ཁམས་འདི་ལས་བརྒལ་བར་བྱ། ཁོ་བོས་དེ་ལ་འདི་སྐད་ཅེས་སྨྲས་སོ། །འཇམ་དཔལ་ཁྱོད་ཀྱི་རྫུ་འཕྲུལ་གྱི་མཐུས་འཇིག་རྟེན་གྱི་ཁམས་འདི་ལས་བརྒལ་བར་བྱའོ། །དེ་ནས་འཇམ་དཔལ་གཞོན་ནུར་གྱུར་པས་མངོན་
D117.051.0263b05.01པར་འདུ་བྱེད་པའི་མངོན་སུམ་གྱི་རྫུ་འཕྲུལ་སེམས་བསྐྱེད་པ་གཅིག་གིས་འཇིག་རྟེན་གྱི་ཁམས་དེ་པད་མའི་དྲ་བས་གཡོགས་ཏེ་རྒལ་བར་གྱུར་ཏོ། །བརྒལ་ནས་ཁོ་བོ་ལ་འདི་སྐད་ཅེས་ཟེར་རོ། །བཙུན་པ་ཤཱ་རིའི་བུ་བདག་ཅག་གཉིས་ལས་སུའི་མཐུ་དང་ལྡན་པའི་རྫུ་
D117.051.0263b06.01འཕྲུལ་གྱི་ཤུགས་མགྱོགས། ཁོ་བོས་དེ་ལ་འདི་སྐད་ཅེས་སྨྲས་སོ། །འཇམ་དཔལ་འདི་ཇི་སྙམ་དུ་སེམས། བྱ་ལང་གུ་ལི་དང་། བྱའི་རྒྱལ་པོ་ནམ་མཁའ་ལྡིང་གཉིས་གང་གི་མཐུ་ཤིན་ཏུ་མགྱོགས། སྨྲས་པ། བཙུན་པ་ཤཱ་རིའི་བུ་བྱའི་རྒྱལ་པོ་ནམ་མཁའ་ལྡིང་གི་
D117.051.0263b07.01