完整藏文原文 · 德格版页 当前仅加载第 51 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩལ་པ། འོད་སྲུང་ཆེན་པོ་འཇམ་དཔལ་གཞོན་ནུར་གྱུར་པ་དེ་ཉིད་ལ་ཆོས་ཇི་ལྟ་བུ་ཞིག་བཤད་པས་སེམས་ཅན་དེ་སྙེད་ཡོངས་སུ་སྨིན་པར་བྱས་ཞེས་ཁྱོད་ཀྱིས་དྲིས་ཤིག་དང་། དེ་ཉིད་ཁྱོད་ལ་ལན་ལྡོན་པར་འགྱུར་རོ། །ཁོ་བོས་འཇམ་དཔལ་གཞོན་
D117.051.0274a01.01ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཁྱོད་ཀྱིས་ཆོས་ཇི་ལྟ་བུ་ཞིག་བཤད་པས་སེམས་ཅན་དེ་སྙེད་ཡོངས་སུ་སྨིན་པར་བྱས། འཇམ་དཔལ་གྱིས་སྨྲས་པ། བཙུན་པ་འོད་སྲུང་ཆེན་པོ་སེམས་ཅན་དེ་ལྟ་བུ་དེ་དག་ནི་ཆོས་བཤད་པས་ཡོངས་སུ་སྨིན་པར་མི་
D117.051.0274a02.01འགྱུར་ཏེ། དེ་ཅིའི་ཕྱིར་ཞེ་ན། བཙུན་པ་འོད་སྲུང་ཆེན་པོ་སེམས་ཅན་གང་དག་དགའ་བའི་རྩེད་མོས་ཡོངས་སུ་སྨིན་པར་འགྱུར་བ་ཡང་ཡོད། རབ་ཏུ་གཟུང་བ་དང་། ཚར་གཅད་པ་དང་། སྦྱིན་པ་རབ་ཏུ་སྦྱིན་པ་དང་། ཕོངས་ཤིང་དབུལ་བ་དང་། བཀོད་པ་ཆེན་
D117.051.0274a03.01པོ་དང་། ཀུན་རྗོད་པའི་ཆོ་འཕྲུལ་དང་། རྗེས་སུ་བསྟན་པའི་ཆོ་འཕྲུལ་དང་། རྫུ་འཕྲུལ་གྱི་ཆོ་འཕྲུལ་དང་། བརྒྱ་བྱིན་གྱི་གཟུགས་དང་། ཚངས་པའི་གཟུགས་དང་། འཇིག་རྟེན་སྐྱོང་བའི་གཟུགས་དང་། འཁོར་ལོས་སྒྱུར་བའི་གཟུགས་དང་། སངས་རྒྱས་ཀྱི་
D117.051.0274a04.01སྐུ་དང་། རང་སངས་རྒྱས་ཀྱི་གཟུགས་དང་། ཉན་ཐོས་ཀྱི་གཟུགས་དང་། འཇིགས་པས་བསྡིགས་པ་དང་། ཚིག་རྩུབ་པོ་དང་། ཚིག་འཇམ་པོ་དང་། ཕན་གདགས་པས་ཡོངས་སུ་སྨིན་པར་འགྱུར་བ་ཡང་ཡོད་དོ། །དེ་ཅིའི་ཕྱིར་ཞེ་ན། བཙུན་པ་འོད་སྲུང་ཆེན་
D117.051.0274a05.01པོ་སེམས་ཅན་གྱི་སྤྱོད་པ་ནི་སྣ་ཚོགས་པ་སྟེ། དེ་དག་བྱ་བ་ཡང་སྣ་ཚོགས་པ་ཉིད་ཀྱིས་ཡོངས་སུ་སྨིན་པར་འགྱུར་ཏེ། བཙུན་པ་འོད་སྲུང་ཆེན་པོ་དེ་ལྟར་ཡོངས་སུ་སྨིན་པའི་སེམས་ཅན་རྣམས་ཕྱིས་ཆོས་བཤད་པས་ཤིན་ཏུ་དུལ་བར་འགྱུར་རོ། །དེ་ལ་ཁོ་བོས་
D117.051.0274a06.01འདི་སྐད་ཅེས་སྨྲས་སོ། །འཇམ་དཔལ་ཁྱོད་ཀྱིས་སེམས་ཅན་གྱི་ཁམས་ཇི་སྙེད་ཅིག་སྤྱོད་པ་འདིས་ཡོངས་སུ་སྨིན་པར་བྱས། དེས་སྨྲས་པ། བཙུན་པ་འོད་སྲུང་ཆེན་པོ་ཆོས་ཀྱི་དབྱིངས་ཇི་སྙེད་པའོ། །སྨྲས་པ། འཇམ་དཔལ་ཆོས་ཀྱི་དབྱིངས་
D117.051.0274a07.01