完整藏文原文 · 德格版页 当前仅加载第 51 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་དང་རང་སངས་རྒྱས་ཐམས་ཅད་ལ་བལྟའོ། །ངན་པ་མི་གཙང་བའི་སྣོད་ཇི་ལྟ་བ་དེ་བཞིན་དུ་བྱིས་པ་སོ་སོའི་སྐྱེ་བོ་ཐམས་ཅད་ལ་བལྟའོ། །རབ་འབྱོར་གྱིས་སྨྲས་པ། འཇམ་དཔལ་རྣམ་གྲངས་གང་གིས་གང་དག་སྣོད་དུ་གྱུར་པ་དེ་དག་སྣོད་མ་ཡིན་པར་འགྱུར་བ་དང་། གང་
D117.051.0249b01.01དག་སྣོད་མ་ཡིན་པ་དེ་དག་སྣོད་དུ་གྱུར་པའི་རྣམ་གྲངས་ཡོད་དམ། འཇམ་དཔལ་གྱིས་སྨྲས་པ། བཙུན་པ་རབ་འབྱོར་ཡོད་དོ། །རབ་འབྱོར་གྱིས་སྨྲས་པ། རྣམ་གྲངས་གང་གིས་ན་གང་དག་སྣོད་དུ་གྱུར་པ་དེ་དག་སྣོད་མ་ཡིན་པར་འགྱུར་བ་དང་། གང་དག་སྣོད་མ་ཡིན་པ་
D117.051.0249b02.01དེ་དག་སྣོད་དུ་གྱུར་པ་ཡིན། འཇམ་དཔལ་གྱིས་སྨྲས་པ། བཙུན་པ་རབ་འབྱོར་གང་ལ་ལ་ཉོན་མོངས་པ་ཐམས་ཅད་ཀྱི་སྣོད་དུ་གྱུར་པ་བག་ཆགས་ཀྱི་མཚམས་སྦྱོར་བ་མ་བཅོམ་པ་དེ་དག་ནི་སངས་རྒྱས་ཀྱི་ཆོས་རྣམས་ཀྱི་སྣོད་དུ་མ་གྱུར་པའོ། །བཙུན་པ་རབ་འབྱོར་གང་
D117.051.0249b03.01དག་ཉོན་མོངས་པ་ཐམས་ཅད་ཀྱི་སྣོད་དུ་མ་གྱུར་པ་བག་ཆགས་ཀྱི་མཚམས་སྦྱོར་བ་བཅོམ་པ་དེ་དག་ནི་སངས་རྒྱས་ཀྱི་ཆོས་རྣམས་ཀྱི་སྣོད་དུ་གྱུར་པའོ། །རབ་འབྱོར་གྱིས་སྨྲས་པ། འཇམ་དཔལ་སྣོད་དུ་ཅི་ཞིག་གཞུག་པར་བྱ། འཇམ་དཔལ་གྱིས་སྨྲས་པ། བཙུན་
D117.051.0249b04.01པ་རབ་འབྱོར་ཅི་ཡང་མ་ཡིན་ནོ། །དེ་ཅིའི་ཕྱིར་ཞེ་ན། གང་གི་ཚེ་བྱང་ཆུབ་སེམས་དཔའ་གཞུག་པ་མེད་པ་དང་། དབྱུང་བ་མེད་པ་ལ་སྤྱོད་པ་དེའི་ཚེ་སྣོད་ཀྱི་སྙིང་པོར་རིག་པར་བྱའོ། །གང་གི་ཚེ་གཞུག་པ་དང་དབྱུང་བ་ལ་སྤྱོད་པ་དེའི་ཚེ་སྣོད་ཆག་པར་རིག་པར་བྱའོ། །
D117.051.0249b05.01བཙུན་པ་རབ་འབྱོར་འདི་ལྟ་སྟེ། དཔེར་ན་ནམ་མཁའ་ནི་རྩྭ་དང་། ཤིང་གེལ་པ་དང་། སྨན་དང་། ནགས་ཚལ་ཐམས་ཅད་ཀྱི་སྣོད་ཅེས་ཀྱང་བྱ་ལ་གང་གི་སྣོད་ཀྱང་མ་ཡིན་ནོ། །བཙུན་པ་རབ་འབྱོར་དེ་བཞིན་དུ་བྱང་ཆུབ་སེམས་དཔའ་ཡང་སངས་རྒྱས་ཀྱི་ཆོས་ཐམས་ཅད་ཀྱི་སྣོད་
D117.051.0249b06.01ཅེས་ཀྱང་བྱ་ལ་གང་གི་སྣོད་ཀྱང་མ་ཡིན་ནོ། །བཙུན་པ་རབ་འབྱོར་འདི་ལྟ་སྟེ། དཔེར་ན་ས་ལས་སྐྱེས་པའི་ཤིང་རྣམས་ནི་སྣོད་ནམ་མཁའ་ཡིན་པས་རྣམ་པར་སྐྱེའོ། །བཙུན་པ་རབ་འབྱོར་དེ་བཞིན་དུ་ལྷག་པའི་བསམ་པ་ལས་སྐྱེས་པའི་བྱང་ཆུབ་སེམས་དཔའ་རྣམས་ཀྱང་སྣོད་
D117.051.0249b07.01