完整藏文原文 · 德格版页 当前仅加载第 51 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཆོས་ཐོས་ནས་འདུ་ཤེས་ཐམས་ཅད་དང་བྲལ་ཞིང་ཕྱི་ཕྱིར་ཞིང་མངོན་པར་མི་ཆགས་ཏེ། དེ་དག་བདག་ཏུ་འདུ་ཤེས་པ་སྤངས་ནས་ཆུ་བོ་ལས་བརྒལ་ཏེ། དེ་དག་བརྒལ་བ་དང་། ཕ་རོལ་ཏུ་ཕྱིན་པ་དང་། ཡོངས་སུ་མྱ་ངན་ལས་འདས་པ་ཞེས་བྱ་བའི་གྲངས་
D117.051.0275a01.01སུ་འགྲོའོ། །བཙུན་པ་འོད་སྲུང་ཆེན་པོ་འདི་ཇི་སྙམ་དུ་སེམས། དེ་ལ་བདག་གམ་སེམས་ཅན་ནམ། སྲོག་གམ་སྐྱེ་བ་པོའམ། གང་ཟག་གང་ཡོངས་སུ་མྱ་ངན་ལས་འདས་པར་གྱུར་པ་ཡོད་དམ། ཁོ་བོས་དེ་ལ་སྨྲས་པ། འཇམ་དཔལ་དེ་ནི་མ་ཡིན་ཏེ། འོན་
D117.051.0275a02.01ཀྱང་མཉམ་པ་ཉིད་ཡང་དག་པར་བསྟན་པས་ཕྱིན་ཅི་ལོག་སྤོང་ངོ་། །འཇམ་དཔལ་གྱིས་སྨྲས་པ། བཙུན་པ་འོད་སྲུང་ཆེན་པོ་འདི་ལྟ་བུའི་ཕྱིར་སངས་རྒྱས་འབྱུང་སྟེ། འདི་ལྟ་སྟེ། མཉམ་པ་ཉིད་ཡང་དག་པར་བསྟན་པའི་ཕྱིར་ཏེ། སྐྱེ་བའི་ཕྱིར་མ་ཡིན།
D117.051.0275a03.01འགག་པའི་ཕྱིར་མ་ཡིན་གྱི། ཀུན་ནས་ཉོན་མོངས་པ་མེད་པ་འབའ་ཞིག་རྟོགས་པར་བྱ་བའི་ཕྱིར་རོ། །ཁོ་བོས་དེ་ལ་འདི་སྐད་སྨྲས་སོ། །འཇམ་དཔལ་བྱང་ཆུབ་སེམས་དཔའ་གང་དག་རང་བཞིན་དེ་ལྟ་བུའི་ཆོས་ཀྱི་དབྱིངས་ལའང་རྟོག་ཅིང་། སེམས་ཅན་ཐམས་
D117.051.0275a04.01ཅད་ཡོངས་སུ་སྨིན་པར་བྱ་བའི་གོ་ཆ་ཡང་མི་འདོར་ལ། ཞུམ་པར་མི་འགྱུར། རངས་པར་མི་འགྱུར་ཞིང་རང་བཞིན་གྱིས་ཡོངས་སུ་མྱ་ངན་ལས་འདས་པའི་སེམས་ཅན་རྣམས་ཀྱི་ཕྱིར་གོ་ཆ་བགོས་པ་ནི་དཀའ་བ་བྱེད་པ་མ་ཡིན་ནོ། །དེས་སྨྲས་པ། བཙུན་པ་འོད་སྲུང་
D117.051.0275a05.01ཆེན་པོ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གོ་ཆ་ཆེན་པོ་བགོས་པ་ཡིན་ནོ། །དེ་ལ་ཁོ་བོས་འདི་སྐད་ཅེས་སྨྲས་སོ། །འཇམ་དཔལ་ཁྱོད་བྱང་ཆུབ་སེམས་དཔའི་གོ་ཆ་བརྩམ་པར་སྤོབས་པར་གྱིས་ཤིག །འཇམ་དཔལ་གྱིས་སྨྲས་པ། བཙུན་
D117.051.0275a06.01པ་འོད་སྲུང་ཆེན་པོ་བྱང་ཆུབ་སེམས་དཔའི་གོ་ཆ་ཆེན་པོ་ནི་སུམ་ཅུ་རྩ་གཉིས་ཏེ། གོ་ཆ་དེ་དག་བགོས་པའི་བྱང་ཆུབ་སེམས་དཔའ་རྣམས་བྱང་ཆུབ་སེམས་དཔའི་སྤྱད་པ་སྤྱོད་དོ། །སུམ་ཅུ་རྩ་གཉིས་གང་ཞེ་ན། བཙུན་པ་འོད་སྲུང་ཆེན་པོ་རྨི་ལམ་གྱི་རང་བཞིན་གྱི་
D117.051.0275a07.01