完整藏文原文 · 德格版页 当前仅加载第 51 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་ན་སྦྱིན་པའི་གནས་སོ། །གང་ཡང་ཉོན་མོངས་པ་ལས་གཡོ་བ་དེ་དག་ནི་རྟེན་པའོ། །གང་དག་རྟེན་པ་དེ་དག་ནི་འཇིག་རྟེན་ན་སྦྱིན་པའི་གནས་མ་ཡིན་ནོ། །དེ་ལ་གང་དག་རྩོད་པར་བྱེད་པ་དེ་དག་ནི་མངོན་པའི་ང་རྒྱལ་ཅན་དུ་རིག་པར་བྱའོ། །ཆོས་ཐམས་ཅད་ནི་འབྱུང་
D117.051.0285b01.01བའོ་ཞེས་བྱ་བའི་ཆོས་ཟབ་མོའི་ཚུལ་འདི་གང་གིས་མི་རྟོགས་པ་དེ་དག་ནི་མངོན་པའི་ང་རྒྱལ་ཅན་དུ་རིག་པར་བྱའོ། །ཆོས་ཐམས་ཅད་ཡོངས་སུ་ཤེས་པར་མི་བྱའོ། །སྤང་བར་མི་བྱའོ། །བསྒོམ་པར་མི་བྱའོ། །མངོན་དུ་མི་བྱའོ་ཞེས་བྱ་བའི་བདེན་པའི་ཚུལ་འདི་ལ་གང་
D117.051.0285b02.01མི་འཇུག་པ་དེ་དག་ནི་མངོན་པའི་ང་རྒྱལ་ཅན་དུ་རིག་པར་བྱའོ། །སྨྲས་པ། འཇམ་དཔལ་མངོན་པའི་ང་རྒྱལ་མེད་པའི་ཕྱག་རྒྱ་ཇི་ལྟ་བུ་ཡིན། སྨྲས་པ། འགལ་བ་མེད་པ་དང་། རྩོད་པ་མེད་པ་ནི་མངོན་པའི་ང་རྒྱལ་མེད་པའོ། །རིགས་ཀྱི་བུ་འདི་ལྟ་སྟེ། དཔེར་
D117.051.0285b03.01ན་{རི་དགས་,རི་དྭགས་}ཀྱི་རྒྱལ་པོ་སེང་གེ་ནི་སྒྲ་ཐམས་ཅད་ཀྱིས་མི་སྐྲག་གོ། །དེ་བཞིན་དུ་རིགས་ཀྱི་བུ་དགེ་སློང་མངོན་པའི་ང་རྒྱལ་མེད་པ་ནི་སྒྲ་ཐམས་ཅད་ཀྱིས་མི་སྐྲག་གོ། །དེ་ཅིའི་ཕྱིར་ཞེ་ན། འདི་ལྟར་དེས་ཆོས་ཐམས་ཅད་སྒྲ་བརྙན་ལྟ་བུར་རིག་སྟེ། སྒྲ་བརྙན་ལ་ནི་སེམས་མེད།
D117.051.0285b04.01ཡིད་མེད། རྣམ་པར་ཤེས་པ་མེད་ཀྱང་དེ་ལ་རྟེན་ཅིང་སྒྲ་འབྱུང་བར་འགྱུར་རོ། །དེ་བཞིན་དུ་དེས་སེམས་དང་ཡིད་ཀྱང་ཡང་དག་པ་ཇི་ལྟ་བ་བཞིན་དུ་ཤེས་ཏེ། དེ་སྒྲ་ཐམས་ཅད་རྐྱེན་ལ་རག་ལས་པར་རྟོགས་ནས་དེ་སྒྲ་ཐམས་ཅད་ལ་དགའ་བ་ཡང་མི་སྐྱེད་དོ། །དེ་སངས་
D117.051.0285b05.01རྒྱས་ཀྱི་སྒྲ་ལ་ཡང་རྗེས་སུ་ཆགས་པར་མི་བྱེད། མུ་སྟེགས་ཅན་གྱི་སྒྲ་ལ་ཡང་ཁོང་ཁྲོ་བར་མི་བྱེད། རྣམ་པར་བྱང་བའི་སྒྲ་ལ་ཡང་རྗེས་སུ་ཆགས་པར་མི་བྱེད། ཉོན་མོངས་པའི་སྒྲ་ལ་ཡང་ཁོང་ཁྲོ་བར་མི་བྱེད་ཅིང་དེས་སྒྲ་ཐམས་ཅད་ཀྱི་སྔོན་གྱི་མཐའ་དང་། ཕྱི་མའི་
D117.051.0285b06.01མཐའ་རྟོགས་པར་གྱུར་པ་འདི་ནི་རིགས་ཀྱི་བུ་མངོན་པའི་ང་རྒྱལ་མེད་པའི་ཕྱག་རྒྱ་ཞེས་བྱ་སྟེ། གཞག་པ་མེད་པ་དང་། གདེག་པ་མེད་པའི་ཕྱག་རྒྱའོ། །ཇི་ལྟ་བ་བཞིན་གྱི་ཕྱག་རྒྱའོ། །ཡང་དག་པར་བསྒྲུབ་པའི་ཕྱག་རྒྱའོ། །རང་བཞིན་གྱི་མཚན་ཉིད་ཀྱི་ཕྱག་རྒྱའོ། །
D117.051.0285b07.01