完整藏文原文 · 德格版页 当前仅加载第 51 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
ནུས་ཏེ། གང་དག་སངས་རྒྱས་ཀྱི་བྱིན་གྱིས་བརླབས་པ་དེ་དག་ནི་མོས་ཤིང་ཡིད་ཆེས་སོ། །འཇམ་དཔལ་འདི་ལྟ་སྟེ། དཔེར་ན་ཉི་མའི་འོད་ནི་གཙང་བ་དང་མི་གཙང་བ་གཉི་ག་ལ་འཆར་མོད་ཀྱི། གཙང་བ་ལ་ཡང་རྗེས་སུ་ཆགས་པར་མི་བྱེད། མི་གཙང་བ་ལ་ཡང་
D117.051.0255b01.01ཁོང་ཁྲོ་བར་མི་བྱེད་དེ། ཉི་མའི་དཀྱིལ་འཁོར་ནི་གང་དུ་ཡང་བརྗོད་པར་བྱ་བ་མ་ཡིན་ནོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའི་ཡེ་ཤེས་ཀྱི་འོད་ཟེར་ཀྱང་ཉན་ཐོས་དང་། སོ་སོའི་སྐྱེ་བོ་ལ་འཆར་མོད་ཀྱི། ཉན་ཐོས་རྣམས་ལ་རྗེས་སུ་ཆགས་པར་ཡང་མི་བྱེད།
D117.051.0255b02.01སོ་སོའི་སྐྱེ་བོ་རྣམས་ལ་ཁོང་ཁྲོ་བར་ཡང་མི་བྱེད། བྱང་ཆུབ་སེམས་དཔའ་ནི་གང་དུ་ཡང་བརྗོད་པར་བྱ་བ་མ་ཡིན་ནོ། །འཇམ་དཔལ་འདི་ལྟ་སྟེ། དཔེར་ན་ནམ་ཤིང་ཡོངས་འདུས་བརྟོལ་གྱི་ལོ་མ་ལྷགས་པར་གྱུར་པ་དེའི་ཚེ་སུམ་ཅུ་རྩ་གསུམ་པའི་ལྷ་རྣམས་རིང་པོར་མི་ཐོགས་
D117.051.0255b03.01པར་ཤིང་ཡོངས་འདུ་ས་བརྟོལ་འདི་མེ་ཏོག་དང་། འབྲས་བུ་དང་ལྡན་པར་འགྱུར་རོ་སྙམ་ནས་ཡིད་དགའ་བར་འགྱུར་རོ། །འཇམ་དཔལ་དེ་བཞིན་དུ་ནམ་བྱང་ཆུབ་སེམས་དཔའ་བདོག་པ་ཐམས་ཅད་ཡོངས་སུ་གཏོང་བར་གྱུར་པ་དེའི་ཚེ་རིང་པོར་མི་ཐོགས་པར་བྱང་ཆུབ་
D117.051.0255b04.01སེམས་དཔའ་འདི་ནི་སེམས་ཅན་ཐམས་ཅད་ལ་སངས་རྒྱས་ཀྱི་ཆོས་ཀྱི་མེ་ཏོག་དང་། འབྲས་བུ་སྦྱིན་པར་འགྱུར་རོ་ཞེས་སངས་རྒྱས་བཅོམ་ལྡན་འདས་རྣམས་བསྟོད་པར་འགྱུར་རོ། །འཇམ་དཔལ་འདི་ལྟ་སྟེ། དཔེར་ན་ཤིང་གང་དག་རླུང་གིས་བཏུད། ཀུན་དུ་བཏུད།
D117.051.0255b05.01རབ་ཏུ་བཏུད་པ་དེ་དག་འགྱེལ་བར་འཇིགས་པ་མེད་དོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་གང་དག་སེམས་ཅན་ཐམས་ཅད་ལ་འདུད། ཀུན་དུ་འདུད། རབ་ཏུ་འདུད་པ་དེ་དག་ཉན་ཐོས་དང་། རང་སངས་རྒྱས་ཀྱི་སར་ལྟུང་བར་འཇིགས་པ་མེད་
D117.051.0255b06.01དོ། །འཇམ་དཔལ་འདི་ལྟ་སྟེ། དཔེར་ན་ཆུ་ནི་གང་དུ་དམའ་བ་དེར་འབབ་བོ། །འཇམ་དཔལ་དེ་བཞིན་དུ་ང་རྒྱལ་མེད་པའི་བྱང་ཆུབ་སེམས་དཔའ་ང་ཐམས་ཅད་མཁྱེན་པ་ཉིད་ག་ལ་བ་དེར་འགྲོའོ། འཇམ་དཔལ་འདི་ལྟ་སྟེ། དཔེར་ན་ནམ་རྒྱ་མཚོ་ཆེན་པོ་དང་པོ་གནས་པ་དེའི་
D117.051.0255b07.01