完整藏文原文 · 德格版页 当前仅加载第 51 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེན་པ་དང་། ཁྱིམ་གྱི་གནས་ལ་དགའ་བ་དང་། ལེན་པ་དང་། འདོར་བ་དང་། སྟོང་པ་ཉིད་ཀྱིས་སྐྲག་པ་དང་། མཚན་མ་མེད་པ་ལ་གཡང་སར་འདུ་ཤེས་པ་དང་། སྨོན་པ་མེད་པ་ལ་གཤེད་མར་འདུ་ཤེས་པ་དང་། དམིགས་སུ་མེད་པ་ལ་དངོས་པོར་འདུ་
D117.051.0270a01.01ཤེས་པ་དང་། ངེས་པར་འབྱུང་བའི་ཁམས་ལ་ཁ་ན་མ་ཐོ་བར་ལྟ་བ་དང་། ཆུ་བོ་ལས་རྒལ་བར་འདུ་ཤེས་པ་དང་། བྱང་ཆུབ་ཀྱི་ཕྱོགས་ཀྱི་ཆོས་ལ་ཆོས་མ་ཡིན་པར་འདུ་ཤེས་པ་དང་། ཡང་དག་པའི་ལྟ་བ་ལ་ལོག་པར་ལྟ་བར་འདུ་ཤེས་པ་དང་། ལོག་པར་ལྟ་བ་ལ་ཡང་
D117.051.0270a02.01དག་པར་ལྟ་བར་འདུ་ཤེས་པ་དང་། དགེ་བའི་བཤེས་གཉེན་ལ་སྡིག་པའི་གྲོགས་པོར་འདུ་ཤེས་པ་དང་། སྡིག་པའི་གྲོགས་པོ་ལ་དགེ་བའི་བཤེས་གཉེན་དུ་འདུ་ཤེས་པ་དང་། སངས་རྒྱས་དང་མི་འཐུན་པ་དང་། ཆོས་སྤོང་བ་དང་། དགེ་འདུན་ལ་མ་གུས་པ་དང་། དགོན་
D117.051.0270a03.01པའི་གནས་ལ་མངོན་པར་མི་དགའ་བ་དང་། ང་རྒྱལ་དང་། ལྷག་པའི་ང་རྒྱལ་དང་། ངའོ་སྙམ་པའི་ང་རྒྱལ་མ་སྤངས་པ་དང་། རབ་ཏུ་འཛིན་པ་དང་། རྩོད་པ་འབར་བར་བྱེད་པ་དང་། བདེན་པ་ལ་{བརྫུན་,རྫུན་}པར་འདུ་ཤེས་པ་དང་། {བརྫུན་,རྫུན་}པ་ལ་བདེན་པར་འདུ་ཤེས་པ་དང་། འདོད་
D117.051.0270a04.01པ་ལ་ཡོན་ཏན་དུ་འདུ་ཤེས་པ་དང་། འདུས་བྱས་ལ་བདེན་པར་འདུ་ཤེས་པ་དང་། འཁོར་བ་ལ་ཕན་ཡོན་རྣམ་པ་བཅུར་འདུ་ཤེས་པ་དང་། མྱ་ངན་ལས་འདས་པ་ལ་འཇིགས་པ་རྣམ་པ་བཅུར་འདུ་ཤེས་པའི་ཆོས་དེ་ལྟ་བུ་དེ་དག་ནི་དུག་ཡིན་ཏེ། སྡིག་ཅན་དེ་དག་ནི་ལེགས་པར་
D117.051.0270a05.01གསུངས་པའི་ཆོས་འདུལ་བ་ལ་མེད་དོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་བསྟན་པ་ནི་བདུད་རྩི་བསྟན་པའོ། །སངས་རྒྱས་ཀྱི་བསྟན་པ་ནི་བདེ་བ་བསྟན་པའོ། །སངས་རྒྱས་ཀྱི་བསྟན་པ་ནི་སྤྲོས་པ་མེད་པ་བསྟན་པའོ། །སངས་རྒྱས་ཀྱི་བསྟན་པ་ནི་མ་སྨད་པ་བསྟན་པའོ། །
D117.051.0270a06.01སངས་རྒྱས་ཀྱི་བསྟན་པ་ནི་ཀུན་ནས་ལྡང་བ་མེད་པ་བསྟན་པའོ། །སངས་རྒྱས་ཀྱི་བསྟན་པ་ནི་འབྱུང་བ་བསྟན་པའོ། །སངས་རྒྱས་ཀྱི་བསྟན་པ་ནི་འཐབ་པ་མེད་པ་བསྟན་པའོ། །སངས་རྒྱས་ཀྱི་བསྟན་པ་ནི་རྩོད་པ་མེད་པ་བསྟན་པའོ། །སངས་རྒྱས་ཀྱི་བསྟན་པ་ནི་བདག་
D117.051.0270a07.01