完整藏文原文 · 德格版页 当前仅加载第 51 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་པ་དང་། གང་མེད་པའི་དབུས་དེ་ནི་འཕགས་པ་རྣམས་ཀྱི་སྤྱོད་ཡུལ་ལོ། །འཕགས་པའི་སྤྱོད་ཡུལ་གང་ཡིན་པ་དེ་ནི་འཕགས་པ་མ་ཡིན་པ་རྣམས་ཀྱི་སྤྱོད་ཡུལ་མ་ཡིན་ནོ། །རབ་འབྱོར་གྱིས་སྨྲས་པ། འཇམ་དཔལ་འཕགས་པ་ཞེས་བྱ་བས་
D117.051.0251a01.01ཅི་ཞིག་བསྟན་པར་འགྱུར། འཇམ་དཔལ་གྱིས་སྨྲས་པ། བཙུན་པ་རབ་འབྱོར་འཕགས་པ་ཞེས་བྱ་བ་དེ་ནི་རྡུལ་མེད་ཅིང་ཉོན་མོངས་པ་མེད་པ་ལ་ཡང་དག་པར་འདུ་བའི་གཞིའོ། །རབ་འབྱོར་གྱིས་སྨྲས་པ། འཇམ་དཔལ་རྣམ་གྲངས་གང་གིས་ཆོས་ཐམས་ཅད་རྡུལ་མེད་
D117.051.0251a02.01ཅིང་། ཉོན་མོངས་པ་མེད་པ་ལ་ཡང་དག་པར་འདུ་བར་འགྱུར་བའི་རྣམ་གྲངས་ཡོད་དམ། འཇམ་དཔལ་གྱིས་སྨྲས་པ། བཙུན་པ་རབ་འབྱོར་ཡོད་དོ། །རབ་འབྱོར་གྱིས་སྨྲས་པ། རྣམ་གྲངས་གང་ཡིན། འཇམ་དཔལ་གྱིས་སྨྲས་པ། བཙུན་པ་རབ་འབྱོར་འདི་ལྟ་སྟེ། དཔེར་
D117.051.0251a03.01ན་རྒྱ་མཚོ་ཆེན་པོར་ཆུ་ཐམས་ཅད་ཡང་དག་པར་འདུ་སྟེ། དེ་ཡང་འདི་ལྟ་སྟེ། ལན་ཚྭའི་རོར་རོ་གཅིག་གོ། །བཙུན་པ་རབ་འབྱོར་དེ་བཞིན་དུ་སངས་རྒྱས་ཀྱི་ཆོས་ཐམས་ཅད་ཀྱང་རྡུལ་མེད་ཅིང་ཉོན་མོངས་པ་མེད་པ་ཡང་དག་པར་འདུ་ཞིང་། དེ་ཡང་འདི་ལྟ་སྟེ་རྣམ་པར་གྲོལ་
D117.051.0251a04.01བའི་རོར་རོ་གཅིག་གོ། །རབ་འབྱོར་གྱིས་སྨྲས་པ། འཇམ་དཔལ་གང་ལས་རྣམ་པར་ཐར་བར་བྱ་བའི་ཕྱིར་རྣམ་པར་གྲོལ་བ་སྟོན། འཇམ་དཔལ་གྱིས་སྨྲས་པ། བཙུན་པ་རབ་འབྱོར་འདི་ཇི་སྙམ་དུ་སེམས། གང་ཡོད་ན་འཆིང་བར་འགྱུར། རབ་འབྱོར་གྱིས་སྨྲས་
D117.051.0251a05.01པ། འཇམ་དཔལ་མི་ཤེས་པ་ཡོད་ན་འཆིང་བར་འགྱུར་རོ། །འཇམ་དཔལ་གྱིས་སྨྲས་པ། བཙུན་པ་རབ་འབྱོར་དེ་བས་ན་མི་ཤེས་པ་ལས་རྣམ་པར་ཐར་བར་བྱ་བའི་ཕྱིར་རྣམ་པར་གྲོལ་བ་བསྟན་ཏོ། །རབ་འབྱོར་གྱིས་སྨྲས་པ། འཇམ་དཔལ་ཆོས་ཐམས་ཅད་
D117.051.0251a06.01ལ་ཐ་དད་པར་བྱ་བ་མེད་ན་ཤེས་པའམ་མི་ཤེས་པར་ཇི་ལྟར་བསྟན། འཇམ་དཔལ་གྱིས་སྨྲས་པ། བཙུན་པ་རབ་འབྱོར་འདི་ལྟ་སྟེ། དཔེར་ན་དཔྱིད་ཀྱིས་བསྲོས་པའི་ཆུ་ལ་ནི་དྲོ་བ་ཞེས་བསྟན་ཏོ། །ཆུ་དེ་ཉིད་གྲང་བའི་དུས་སུ་ནི་གྲང་བ་ཞེས་བསྟན་ཏོ། ཆུ་དེ་ལ་ནི་ཐ་དད་དུ་བྱ་བ་
D117.051.0251a07.01