完整藏文原文 · 德格版页 当前仅加载第 51 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་པ་རབ་འབྱོར་ཇི་ལྟ་བ་བཞིན་དུ་རྟོགས་པའི་ཕྱིར་རོ། །རབ་འབྱོར་གྱིས་སྨྲས་པ། འཇམ་དཔལ་ཇི་ལྟ་བ་བཞིན་ཞེས་བྱ་བས་ཅི་ཞིག་བསྟན་པར་འགྱུར། འཇམ་དཔལ་གྱིས་སྨྲས་པ། ཐོག་མ་ཇི་ལྟ་བར་ཐ་མར་ཡང་དེ་བཞིན་དུ་དེ་བཞིན་ཉིད་ལས་ཕྱིར་མི་ལྡོག་པས་དེའི་ཕྱིར་ཇི་
D117.051.0250b01.01ལྟ་བ་བཞིན་ཞེས་བྱའོ། །རབ་འབྱོར་གྱིས་སྨྲས་པ། འཇམ་དཔལ་ཐོག་མ་དང་ཐ་མ་ཞེས་བྱ་བས་ཅི་ཞིག་བསྟན་པར་འགྱུར། འཇམ་དཔལ་གྱིས་སྨྲས་པ། ཐོག་མ་ནི་སྟོང་པ་ཉིད། ཐ་མ་ནི་དབེན་པ་ཉིད་དེ་དེ་བས་ན་ཐོག་མ་དང་ཐ་མ་ཞེས་བྱའོ། །རབ་འབྱོར་གྱིས་
D117.051.0250b02.01སྨྲས་པ། འཇམ་དཔལ་སྟོང་པ་ཉིད་དང་། དབེན་པ་ཉིད་ལ་ཐ་དད་དུ་བྱ་བ་ཅི་ཡོད། འཇམ་དཔལ་གྱིས་སྨྲས་པ། བཙུན་པ་རབ་འབྱོར་འདི་ཇི་སྙམ་དུ་སེམས། གསེར་དང་ས་ལེ་སྦྲམ་ལ་ཐ་དད་དུ་བྱ་བ་ཡོད་དམ། རབ་འབྱོར་གྱིས་སྨྲས་པ། འཇམ་དཔལ་མིང་དུ་
D117.051.0250b03.01བཏགས་པ་ལ་ནི་ཐ་དད་པ་ཡོད་དོ། །འཇམ་དཔལ་གྱིས་སྨྲས་པ། བཙུན་པ་རབ་འབྱོར་དེ་བཞིན་དུ་འདི་ལྟ་སྟེ། སྟོང་པ་ཉིད་དང་། དབེན་པ་ཉིད་འདི་ནི་མིང་དང་བརྡ་ཙམ་དུ་ཟད་དེ། མིང་དང་བརྡ་ལ་ནི་མཁས་པ་རྣམས་མངོན་པར་ཞེན་པ་མེད་ཀྱི། བྱིས་པ་རྣམས་མངོན་
D117.051.0250b04.01པར་ཞེན་ཏོ། །རབ་འབྱོར་གྱིས་སྨྲས་པ། འཇམ་དཔལ་བྱིས་པའི་མཚན་ཉིད་ནི་ཇི་ལྟ་བུ། མཁས་པ་ཞེས་བྱ་བའི་མཚན་ཉིད་ནི་ཇི་ལྟ་བུ་ཡིན། འཇམ་དཔལ་གྱིས་སྨྲས་པ། བཙུན་པ་རབ་འབྱོར་བཅོམ་ལྡན་འདས་ཀྱིས་བྱིས་པ་ནི་ལས་ཀྱི་མཚན་ཉིད་དོ། །མཁས་པ་
D117.051.0250b05.01ནི་ཆོས་ཀྱི་མཚན་ཉིད་དོ་ཞེས་གསུངས་སོ། །རབ་འབྱོར་གྱིས་སྨྲས་པ། འཇམ་དཔལ་ལས་ཀྱི་མཚན་ཉིད་ཇི་ལྟ་བུ་ཡིན། འཇམ་དཔལ་གྱིས་སྨྲས་པ། བཙུན་པ་རབ་འབྱོར་རྟེན་ཅིང་འབྲེལ་བར་འབྱུང་བའི་མཚན་ཉིད་ནི་ལས་ཏེ། དེ་ལ་གང་དག་མངོན་པར་འདུ་བྱེད་པ་དེ་
D117.051.0250b06.01དག་གི་ནི་ཡོད་པར་མངོན་ནོ། །གང་དག་མངོན་པར་འདུ་མི་བྱེད་པ་དེ་དག་གི་ནི་མེད་པར་མངོན་ནོ། །དེ་ལ་བྱིས་པ་རྣམས་ནི་མངོན་པར་འདུ་བྱེད་པས་དེ་དག་གི་ནི་ཡོད་པར་མངོན་ནོ། །མཁས་པ་རྣམས་ནི་མངོན་པར་འདུ་མི་བྱེད་པས་དེ་དག་གི་ནི་མེད་པར་མངོན་ཏེ། དེ་ལ་གང་
D117.051.0250b07.01