完整藏文原文 · 德格版页 当前仅加载第 51 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་བྱང་ཆུབ་སེམས་དཔའི་གོ་ཆའོ། །མི་སྐྱེ་བའི་ཆོས་ལ་བཟོད་པ་ཐོབ་པའི་མཚན་ཉིད་ཀྱིས་ཆོས་ཐམས་ཅད་རང་བཞིན་གྱིས་སྐྱེ་བ་མེད་པའི་མཚན་ཉིད་ནི་བྱང་ཆུབ་སེམས་དཔའི་གོ་ཆའོ། །ཉན་ཐོས་དང་། རང་སངས་རྒྱས་ཐམས་ཅད་ཀྱི་ས་ལས་འདའ་བའི་མཚན་
D117.051.0276b01.01ཉིད་ཀྱིས་ཕྱིར་མི་ལྡོག་པའི་ས་ཐོབ་པ་ནི་བྱང་ཆུབ་སེམས་དཔའི་གོ་ཆའོ། །སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་སངས་རྒྱས་ཀྱི་ཆོས་ཐམས་ཅད་ཇི་ལྟ་བ་བཞིན་དུ་རྟོགས་པའི་མཚན་ཉིད་ཀྱིས་བྱང་ཆུབ་ཀྱི་སྙིང་པོ་བརྒྱན་པ་ནི་བྱང་ཆུབ་སེམས་དཔའི་གོ་ཆའོ། །
D117.051.0276b02.01བཙུན་པ་འོད་སྲུང་ཆེན་པོ་བྱང་ཆུབ་སེམས་དཔའི་གོ་ཆ་ཆེན་པོ་སུམ་ཅུ་རྩ་གཉིས་ནི་དེ་དག་ཡིན་ཏེ། གོ་ཆ་དེ་དག་བགོས་ན་འབྱུང་བ་ཆེན་པོ་བཞི་ནི་གཞན་དུ་འགྱུར་ཡང་སྲིད་ཀྱི། བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལྡོག་པའི་
D117.051.0276b03.01འཇིགས་པ་ནི་མེད་དོ། །དེ་ལ་ཁོ་བོས་འདི་སྐད་ཅེས་སྨྲས་སོ། །འཇམ་དཔལ་གོ་ཆ་དེ་དག་ལས་འགའ་ཡང་ཉན་ཐོས་དང་། རང་སངས་རྒྱས་རྣམས་ལ་མེད་དོ། །དེས་སྨྲས་པ། བཙུན་པ་འོད་སྲུང་ཆེན་པོ་དེ་བས་ན་ཉན་ཐོས་དང་། རང་སངས་རྒྱས་རྣམས་ནི་གོ་ཆ་
D117.051.0276b04.01ཆེན་པོ་མ་བགོས་པ་ཞེས་བྱའོ། །བཙུན་པ་འོད་སྲུང་ཆེན་པོ་འདི་ཇི་སྙམ་དུ་སེམས། གོ་ཆ་གང་མཐུ་དང་ལྡན་པའི་འཕོང་གི་སློབ་དཔོན་གྱིས་བགོ་བར་བྱ་བའི་གོ་ཆ་དེ་མི་ཕལ་གྱིས་བགོ་བར་བྱའམ། ཁོ་བོས་དེ་ལ་འདི་སྐད་ཅེས་སྨྲས་སོ། །འཇམ་དཔལ་དེ་ནི་མ་ཡིན་ཏེ། མི་
D117.051.0276b05.01ཕལ་གྱིས་གོ་ཆ་དེ་བགོ་བར་མི་ནུས་སོ། །སྨྲས་པ། བཙུན་པ་འོད་སྲུང་ཆེན་པོ་དེ་བཞིན་དུ་གོ་ཆ་གང་བྱང་ཆུབ་སེམས་དཔས་བགོ་བར་བྱ་བ་དེ་དག་ཉན་ཐོས་དང་། རང་སངས་རྒྱས་ཐམས་ཅད་མི་གྱོན་ནོ། །བྱང་ཆུབ་སེམས་དཔའི་གོ་ཆ་འདི་བཤད་པའི་ཚེ་ལྷའི་བུ་ཁྲི་ཉིས་སྟོང་
D117.051.0276b06.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །ཚེ་དང་ལྡན་པ་ཤཱ་རིའི་བུ་འཇམ་དཔལ་གཞོན་ནུར་གྱུར་པའི་རྫུ་འཕྲུལ་རྣམ་པར་འཕྲུལ་པ་དང་། ཆོས་སྟོན་པ་རྣམ་པར་འཕྲུལ་པ་གང་ཁོ་བོས་ཕྱོགས་ཙམ་ཞིག་མངོན་སུམ་དུ་གྱུར་པ་ནི་དེ་ལྟ་བུ་དེ་དག་
D117.051.0276b07.01