完整藏文原文 · 德格版页 当前仅加载第 51 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏོ།། །།བམ་པོ་གསུམ་པ། དེ་ནས་འཇམ་དཔལ་གཞོན་ནུར་གྱུར་པ་བདུད་སྡིག་ཅན་དང་ལྷན་ཅིག་ཏུ་ལྷུང་བཟེད་དེ་འཁོར་གྱི་ཁྱམས་སུ་བཞག་སྟེ་སོང་ཡང་ཁོ་བོས་མ་མཐོང་མ་ཐོས་ནས། གདུགས་ཚོད་ལ་བབ་པར་གྱུར་ཀྱང་འཇམ་དཔལ་གཞོན་ནུར་
D117.051.0268b01.01གྱུར་པ་གནས་ཁང་དེ་ནས་བྱུང་བའམ་ཞུགས་པར་ཡང་མ་མཐོང་ནས། དེ་ལ་ཁོ་བོ་འདི་སྙམ་དུ་གྱུར་ཏེ། འཇམ་དཔལ་གཞོན་ནུར་གྱུར་པས་དགེ་སློང་གི་དགེ་འདུན་མ་བསླུས་སམ། བདག་བཅོམ་ལྡན་འདས་ཀྱི་དྲུང་དུ་སོང་སྟེ་ཚུལ་དེ་དག་གསོལ་ལོ་སྙམ་དུ་གྱུར་ནས། ཁོ་བོ་
D117.051.0268b02.01བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གདུགས་ཚོད་ལ་བབ་ན་འཇམ་དཔལ་གཞོན་ནུར་གྱུར་པ་ནི་གནས་ཁང་དེ་ནས་མ་
D117.051.0268b03.01བྱུང་ངོ་། །བཅོམ་ལྡན་འདས་ཀྱིས་ཁོ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ཁྱོད་ཀྱིས་འཁོར་གྱི་ཁྱམས་ཟླུམ་པོ་དེར་ཅི་ཡང་མ་མཐོང་ངམ། བཅོམ་ལྡན་འདས་ལ་ཁོ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ན་ལྷུང་བཟེད་ཟས་ཀྱིས་གང་བ་
D117.051.0268b04.01གཅིག་ཅིག་གདའོ། །བཅོམ་ལྡན་འདས་ཀྱིས་ཁོ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་སོང་ལ་གཎྜཱི་རྡུངས་ཏེ་དགེ་སློང་གི་དགེ་འདུན་སྡུས་ཤིག །བཅོམ་ལྡན་འདས་ལ་ཁོ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་
D117.051.0268b05.01འདི་དག་མང་པོ་ཞིག་མཆིས་ན་ལྷུང་བཟེད་གཅིག་གང་བའི་ཟས་ཀྱིས་ཇི་ལྟར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་སྙིང་ལས་ཆུང་བར་བྱོས་ཤིག །ཀུན་དགའ་བོ་གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་གཏོགས་པའི་
D117.051.0268b06.01སེམས་ཅན་ཐམས་ཅད་ཀྱིས་ལོ་འབུམ་དུ་ལྷུང་བཟེད་གཅིག་པོ་དེ་ལས་ཟོས་ཀྱང་ལྷུང་བཟེད་དེ་ནི་ཡོངས་སུ་ཟད་པར་མི་འགྱུར་རོ། །དེ་ཅིའི་ཕྱིར་ཞེ་ན། ལྷུང་བཟེད་དེ་ནི་འཇམ་དཔལ་གཞོན་ནུར་གྱུར་པས་བྱིན་གྱི་རླབས་ཀྱིས་བྱིན་གྱིས་བརླབས་ཏེ། འཇམ་དཔལ་གཞོན་ནུར་
D117.051.0268b07.01