完整藏文原文 · 德格版页 当前仅加载第 51 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་འཇམ་དཔལ་གཞོན་ནུར་གྱུར་པས་གང་དགེ་སློང་དེ་དག་ལྷུང་བཟེད་རྣམས་ཀྱང་ཡོངས་སུ་གང་ལ་ལག་པ་ན་ཡང་ཁམ་ཐོགས་ཤིང་ཁར་བཅུག་པའི་ཁམ་ཡང་མིད་མི་ནུས་ལ། དེ་དག་(འགྲིན་,མགྲིན་)པ་བཙིར་བ་བཞིན་དུ་མིག་ལོག་སྟེ་ས་ལ་ལྷུང་བ་དེ་ལྟར་བྱིན་གྱིས་བརླབས་སོ། །དེ་
D117.051.0269b01.01ནས་འཇམ་དཔལ་གཞོན་ནུར་གྱུར་པས་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྡིག་ཅན་ཁྱོད་ཀྱི་དགེ་སློང་འདི་དག་ཅིའི་ཕྱིར་ཟས་མི་ཟ། བདུད་ཀྱིས་སྨྲས་པ། འཇམ་དཔལ་བདག་གི་དགེ་སློང་འདི་དག་ནི་ཤི་ལ་ཐུག་པར་གྱུར་ན་ཁྱོད་ཀྱིས་དུག་དང་བསྲེས་པའི་ཟས་
D117.051.0269b02.01མ་བྱིན་གྲང་། འཇམ་དཔལ་གྱིས་སྨྲས་པ། སྡིག་ཅན་དུག་མེད་པ་རྣམས་དུག་སྦྱིན་པར་ག་ལ་འགྱུར། གང་དག་དུག་སྲེལ་བ་དེ་དག་ནི་དུག་སྦྱིན་པར་བྱེད་ཀྱི། གང་དག་དུག་མི་སྲེལ་བ་དེ་དག་ནི་དུག་སྦྱིན་པར་མི་བྱེད་དོ། །སྡིག་ཅན་དུག་ཅེས་བྱ་བ་ནི་འདི་ལྟ་སྟེ། འདོད་ཆགས་
D117.051.0269b03.01དང་། ཞེ་སྡང་དང་གཏི་མུག་སྟེ། དེ་དག་ཀྱང་ལེགས་པར་གསུངས་པའི་ཆོས་འདུལ་བ་ལ་མེད་དོ། །དུག་ཅེས་བྱ་བ་ནི་མ་རིག་པ་དང་། སྲིད་པའི་སྲེད་པ་དང་། ང་དང་ངའི་ཞེས་བྱ་བ་དང་། རྒྱུ་དང་། ལྟ་བ་དང་། མིང་དང་གཟུགས་དང་། རྗེས་སུ་ཆགས་པ་དང་། ཁོང་
D117.051.0269b04.01ཁྲོ་བ་དང་། བདག་ཏུ་ལྟ་བ་དང་། གཞན་དུ་ལྟ་བ་དང་། སྒྲིབ་པ་དང་། ཀུན་ནས་ལྡང་བ་དང་། ཕུང་པོ་ལ་མངོན་པར་ཞེན་པ་དང་། ཁམས་ལ་རློམ་སེམས་སུ་བྱེད་པ་དང་། སྐྱེ་མཆེད་ལ་ཡོངས་སུ་འཛིན་པ་དང་། ཡུལ་ལ་ཆགས་པ་དང་། ཁམས་གསུམ་ལ་ཞེན་པ་དང་། བསྡུས་
D117.051.0269b05.01པ་དང་། གཡེངས་པ་དང་། གཞག་པ་དང་། གདེག་པ་དང་། ཤི་འཕོ་བ་དང་། སྐྱེ་བ་དང་། འོང་བ་དང་། འགྲོ་བ་དང་། ལུས་ལ་མངོན་པར་ཆགས་པ་དང་། སྲོག་ལ་ཞེན་པ་དང་། སྡུག་པ་ཡིད་ལ་བྱེད་པ་དང་། ཕྱིན་ཅི་ལོག་ཏུ་གནས་པ་དང་། རྟེན་ཅིང་འབྲེལ་བར་འབྱུང་
D117.051.0269b06.01བ་དང་མི་འཐུན་པ་དང་། ཆད་པར་ལྟ་བ་དང་། ཐེར་ཟུག་ཏུ་ལྟ་བ་དང་། འབྱུང་བར་ལྟ་བ་དང་། འཇིག་པར་ལྟ་བ་དང་། གཡོ་བ་དང་། རློམ་སེམས་དང་། རྟོག་པ་དང་། རྣམ་པར་རྟོག་པ་དང་། སོགས་པ་དང་། མདུད་པ་དང་། ཀུན་གཞི་དང་། ངེས་པའི་གཞི་དང་།
D117.051.0269b07.01