完整藏文原文 · 德格版页 当前仅加载第 51 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་ཅང་མི་སྨྲ་བར་གྱུར་ཏོ།། །།བམ་པོ་གཉིས་པ། དེ་ནས་འཇམ་དཔལ་གཞོན་ནུར་གྱུར་པས་ཚེ་དང་ལྡན་པ་རབ་འབྱོར་ཅང་མི་སྨྲ་བར་གྱུར་པ་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར་ཁྱོད་ཅིའི་ཕྱིར་བཅོམ་ལྡན་འདས་ཀྱིས་
D117.051.0258a01.01རྨས་པའི་ལན་གླན་པ་ལས་འདུག་པར་གྱུར། རབ་འབྱོར་གྱིས་སྨྲས་པ། འཇམ་དཔལ་གང་གི་ཚེ་སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མ་ཞུགས་པ་དེའི་ཚེ་ཁོ་བོ་འདུག་གོ། །དེ་ཅིའི་ཕྱིར་ཞེ་ན། ཉན་ཐོས་རྣམས་ཀྱི་སྤོབས་པ་ནི་ཐོགས་པ་
D117.051.0258a02.01དང་བཅས་པ། བར་ཆད་དང་བཅས་པའོ། །བྱང་ཆུབ་སེམས་དཔའ་རྣམས་ཀྱི་སྤོབས་པ་ནི་ཐོགས་པ་མེད་པ། བར་ཆད་མེད་པའོ། །འཇམ་དཔལ་གྱིས་སྨྲས་པ། ཅི་བཙུན་པ་རབ་འབྱོར་ཆོས་ཀྱི་དབྱིངས་ལ་ཐོགས་པའམ། བར་ཆད་པ་གང་ཡང་དམིགས་
D117.051.0258a03.01སམ། སྨྲས་པ། འཇམ་དཔལ་དེ་ནི་མ་ཡིན་ཏེ། ཆོས་ཀྱི་དབྱིངས་ལ་ནི་ཐོགས་པའམ། བར་ཆད་པ་མི་དམིགས་སོ། །སྨྲས་པ། འོ་ན་ཅིའི་ཕྱིར་ཚེ་དང་ལྡན་པ་རབ་འབྱོར་འཆད་པ་ལས་བར་ཆད་དུ་གྱུར། སྨྲས་པ། འཇམ་དཔལ་གང་གིས་ཆོས་ཀྱི་དབྱིངས་
D117.051.0258a04.01ལ་ཡོངས་སུ་ཆད་པའི་ཚུལ་གྱིས་ཡོངས་སུ་ཤེས་པ་དེ་དག་ནི་འཆད་པ་བར་ཆད་པ་ཡིན་གྱིས་གང་ཡང་ཆོས་ཀྱི་དབྱིངས་ལ་ཚད་མེད་པའི་ཚུལ་གྱིས་ཡོངས་སུ་ཤེས་པ་དེ་དག་ནི་ཆད་པར་མི་འཆད་དོ། །སྨྲས་པ། བཙུན་པ་རབ་འབྱོར་ཅི་ཆོས་ཀྱི་དབྱིངས་ལ་ཡོངས་སུ་ཆད་
D117.051.0258a05.01པ་གང་ཡང་ཡོད་དམ། སྨྲས་པ། འཇམ་དཔལ་དེ་ནི་མ་ཡིན་ཏེ། ཆོས་ཀྱི་དབྱིངས་ནི་ཀུན་གྱི་སྒོ་སྟེ། ཆོས་ཀྱི་དབྱིངས་ལ་ཡོངས་སུ་ཆད་པ་གང་ཡང་མེད་དོ། །སྨྲས་པ། འོ་ན་ཅིའི་ཕྱིར་བཙུན་པ་རབ་འབྱོར་ཆོས་ཀྱི་དབྱིངས་ལ་ཡོངས་སུ་ཆད་པར་སྟོན། སྨྲས་པ། འཇམ་
D117.051.0258a06.01དཔལ་ཉན་ཐོས་ཀྱི་ཡུལ་ཚད་མར་བྱས་ཏེ་ཆོས་ཀྱི་དབྱིངས་ཡོངས་སུ་ཆད་པར་སྟོན་ཏོ། །སངས་རྒྱས་ཀྱི་ཡུལ་ཚད་མར་བྱས་ཏེ། དེ་ནི་ཆོས་ཀྱི་དབྱིངས་ཚད་མེད་པར་སྟོན་ཏོ། །འཇམ་དཔལ་གྱིས་སྨྲས་པ། ཅི་བཙུན་པ་རབ་འབྱོར་ཆོས་ཀྱི་དབྱིངས་ཡུལ་ལས་བྱུང་ངམ།
D117.051.0258a07.01