完整藏文原文 · 德格版页 当前仅加载第 51 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན། མྱ་ངན་ལས་འདས་པ་མ་ཡིན་ཏེ། དེ་བས་ན་དག་པ་ཞེས་བྱའོ། །གསོལ་པ། བཅོམ་ལྡན་འདས་གལ་ཏེ་འཁོར་བ་ཡང་མ་ལགས། མྱ་ངན་ལས་འདས་པ་ཡང་མ་ལགས་ན་དེ་ལ་དག་པ་དེ་གང་ལགས། བཀའ་སྩལ་པ། རབ་འབྱོར་གང་མྱ་ངན་
D117.051.0257b01.01ལས་འདས་པར་ཡང་རློམ་སེམས་མེད་ལ་འཁོར་བ་ལ་མངོན་པར་ཞེན་པའང་མེད་པ་དེ་ཉིད་འདིར་དག་པའོ། །རབ་འབྱོར་འདི་ལྟ་སྟེ། དཔེར་ན་ནམ་མཁའ་དག་པ་ཞེས་བྱ་ཡང་ནམ་མཁའ་ནི་དག་པ་ཡང་མ་ཡིན་ཀུན་ནས་ཉོན་མོངས་པའང་མ་ཡིན་ཏེ་འོན་ཀྱང་ནམ་
D117.051.0257b02.01མཁའ་ནི་དག་པ་ཞེས་བྱའོ། །རབ་འབྱོར་དེ་བཞིན་དུ་མྱ་ངན་ལས་འདས་པ་དག་པ་ཞེས་བྱ་ཡང་མྱ་ངན་ལས་འདས་པ་ནི་དག་པའང་མ་ཡིན་ཀུན་ནས་ཉོན་མོངས་པའང་མ་ཡིན་ཏེ་འོན་ཀྱང་མྱ་ངན་ལས་འདས་པ་དག་པ་ཞེས་བྱའོ། །རབ་འབྱོར་འདི་ཅི་སྙམ་དུ་སེམས།
D117.051.0257b03.01ཁྱོད་ཅི་དག་པ་ཡིན་ནམ། གསོལ་པ། བཅོམ་ལྡན་འདས་ནམ་ཀུན་ནས་ཉོན་མོངས་པ་མ་མཆིས་པ་དེའི་ཚེ་བདག་དག་པའོ། །བཀའ་སྩལ་པ། རབ་འབྱོར་ཁྱོད་ཀྱི་ཀུན་ནས་ཉོན་མོངས་པ་མེད་པའི་རྣམ་པར་དག་པ་གང་ཡིན། རབ་འབྱོར་གྱིས་གསོལ་པ། བཅོམ་
D117.051.0257b04.01ལྡན་འདས་ཆོས་ཀྱི་དབྱིངས་ནི་རང་བཞིན་གྱིས་ཡོངས་སུ་དག་པ་སྟེ། བདག་གིས་དེ་ཡོངས་སུ་རྟོགས་པས་དེའི་སླད་དུ་ཡོངས་སུ་དག་གོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཆོས་ཀྱི་དབྱིངས་ཡོངས་སུ་ཤེས་པར་ནུས་སམ། རབ་འབྱོར་
D117.051.0257b05.01གྱིས་གསོལ་པ། བཅོམ་ལྡན་འདས་གལ་ཏེ་ཆོས་ཀྱི་དབྱིངས་མ་གཏོགས་པར་ཆོས་གཞན་འགའ་ཞིག་མཆིས་ན་ནི་དེས་ཆོས་ཀྱི་དབྱིངས་ཡོངས་སུ་འཚལ་བར་འགྱུར་གྱི། ཆོས་ཀྱི་དབྱིངས་ཉིད་ཀྱིས་ནི་ཆོས་ཀྱི་དབྱིངས་ཡོངས་སུ་མི་འཚལ་ཏོ། །བཅོམ་ལྡན་
D117.051.0257b06.01འདས་ཀྱིས་བཀའ་སྩལ་པ། རབ་འབྱོར་གལ་ཏེ་ཆོས་ཀྱི་དབྱིངས་མ་གཏོགས་པར་གང་ཆོས་ཀྱི་དབྱིངས་ཡོངས་སུ་ཤེས་པའི་ཆོས་དེ་ཡང་མེད་ན་ཆོས་ཀྱི་དབྱིངས་དེ་ཁྱོད་ཀྱིས་ཇི་ལྟར་ཡོངས་སུ་ཤེས། དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་རབ་
D117.051.0257b07.01