完整藏文原文 · 德格版页 当前仅加载第 51 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
འདྲེས་པར་འདུག་པ་དང་། གང་དགེ་སློང་བརྒྱད་བརྒྱ་པོ་དེ་དག་དང་། བྱང་ཆུབ་སེམས་དཔའ་ཁྲི་ཉིས་སྟོང་པོ་དེ་དག་ལ་ཁ་ཟས་ཇི་ཙམ་གྱིས་ཆོག་པ་ལྷུང་བཟེད་དེས་བླངས་པར་འགྱུར་བ་དེ་ལྟ་དེ་ལྟར་རང་གི་ལྷུང་བཟེད་དེ་བྱིན་གྱིས་བརླབས་སོ། །དེ་ནས་འཇམ་དཔལ་གཞོན་
D117.051.0267b01.01ནུར་གྱུར་པས་མཉན་ཡོད་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་སྤྱད་ནས་མཉན་ཡོད་ཀྱི་གྲོང་ཁྱེར་གྱི་ཕྱི་རོལ་དུ་བྱུང་སྟེ། ལམ་ལས་བྱོལ་ནས་ལྷུང་བཟེད་དེ་སའི་སྟེང་དུ་བཞག་སྟེ་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྡིག་ཅན་ལྷུང་བཟེད་འདི་ཁྱེར་ལ་མདུན་དུ་
D117.051.0267b02.01སོང་ཤིག །དེ་ནས་བདུད་སྡིག་ཅན་གྱིས་ལྷུང་བཟེད་དེ་ས་དེ་ལས་གདེག་པར་བྱས་ན་གདེགས་མ་ནུས་ནས། དེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ལྷུང་བཟེད་འདི་སའི་སྟེང་ནས་གདེག་པར་མ་ནུས་སོ། །སྨྲས་པ། སྡིག་
D117.051.0267b03.01ཅན་ཁྱོད་ཀྱང་རྫུ་འཕྲུལ་ཆེ་ཞིང་མཐུ་ཆེན་པོ་དང་ལྡན་པ་ཡིན་ན་རྫུ་འཕྲུལ་གྱི་སྟོབས་ཀྱིས་ལྷུང་བཟེད་འདི་སའི་སྟེང་ནས་གདེག་པར་གྱིས་ཤིག །དེ་ནས་བདུད་སྡིག་ཅན་གྱིས་རྫུ་འཕྲུལ་གྱི་སྟོབས་ཀྱི་ཆོ་འཕྲུལ་ཐམས་ཅད་བསྟན་ཀྱང་ལྷུང་བཟེད་དེ་ས་དེ་ལས་ཐ་ན་སྐྲའི་རྩེ་མོའི་ཆ་
D117.051.0267b04.01ཙམ་ཡང་གདེག་པར་མ་ནུས་ནས། དེ་ངོ་མཚར་དུ་གྱུར་ཏེ་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཁོ་བོ་ནི་འདོད་ན་རི་གཤོལ་མདའ་འཛིན་ཀྱང་ལག་མཐིལ་དུ་བླངས་ཏེ་ནམ་མཁའ་ལ་འདོར་ན་ཁོ་བོས་ལྷུང་བཟེད་ཆུང་ངུ་འདི་ལྟ་བུ་འདིས་འདིའི་
D117.051.0267b05.01སྟེང་ནས་གདེག་པར་མ་ནུས་ན་དེ་ཅིའི་ཕྱིར་དེ་ལྟར་གྱུར། འཇམ་དཔལ་གྱིས་སྨྲས་པ། སེམས་ཅན་ཆེན་པོ་རྣམས་དང་། གང་ཟག་ཆེན་པོ་རྣམས་ཀྱི་སྟོབས་དྲངས་པ་ལྷུང་བཟེད་འདིར་བཅུག་སྟེ། དེའི་ཕྱིར་ཁྱོད་ཀྱིས་གདེག་པར་མ་ནུས་སོ། །དེ་ནས་འཇམ་དཔལ་
D117.051.0267b06.01གཞོན་ནུར་གྱུར་པ་ཉིད་ཀྱིས་ལྷུང་བཟེད་དེ་ས་ལས་བླངས་ནས་བདུད་སྡིག་ཅན་ལ་བྱིན་ཏེ་འདི་སྐད་ཅེས་སྨྲས་སོ། །སྡིག་ཅན་ལྷུང་བཟེད་འདི་ཁྱེར་ལ་མདུན་དུ་སོང་ཤིག །དེ་ནས་བདུད་སྡིག་ཅན་དེ་སློབ་མ་བཞིན་དུ་ལྷུང་བཟེད་ཁྱེར་ཏེ་འཇམ་དཔལ་གཞོན་ནུར་གྱུར་པའི་
D117.051.0267b07.01