完整藏文原文 · 德格版页 当前仅加载第 51 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འབྱུང་སྟེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འདི་འབའ་ཞིག་འབྱུང་བར་འགྱུར་ཏེ། འདི་ནི་ལོག་པར་བསྒྲུབ་པའི་འདུ་བྱེད་ཀྱི་ལམ་ཞེས་བྱའོ། །མ་རིག་པ་འགགས་པས་
D117.051.0283a01.01འདུ་བྱེད་རྣམས་འགག །འདུ་བྱེད་འགགས་པས་རྣམ་པར་ཤེས་པ་འགག །རྣམ་པར་ཤེས་པ་འགགས་པས་མིང་དང་གཟུགས་འགག །མིང་དང་གཟུགས་འགགས་པས་སྐྱེ་མཆེད་དྲུག་འགག །སྐྱེ་མཆེད་དྲུག་འགགས་པས་རེག་པ་འགག །རེག་པ་འགགས་པས་
D117.051.0283a02.01ཚོར་བ་འགག །ཚོར་བ་འགགས་པས་སྲེད་པ་འགག །སྲེད་པ་འགགས་པས་ལེན་པ་འགག །ལེན་པ་འགགས་པས་སྲིད་པ་འགག །སྲིད་པ་འགགས་པས་སྐྱེ་བ་འགག །སྐྱེ་བ་འགགས་པས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་
D117.051.0283a03.01དང་། ཡིད་མི་བདེ་བ་དང་། འཁྲུག་པ་རྣམས་འགག་སྟེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འདི་འབའ་ཞིག་འགག་པར་འགྱུར་ཏེ། འདི་ནི་ཡང་དག་པར་སྒྲུབ་པ་འདུས་མ་བྱས་སུ་ངེས་པར་འཇུག་པའོ། །དེ་ལ་མ་རིག་པ་འགགས་པ་ནི་འདས་པ་མ་ཡིན། མ་འོངས་པ་མ་
D117.051.0283a04.01ཡིན། ད་ལྟར་བྱུང་བ་མ་ཡིན་མོད་ཀྱི་འོན་ཀྱང་གང་ཚུལ་བཞིན་མ་ཡིན་པ་ཡིད་ལ་བྱེད་པ་བྱུང་བས་མ་རིག་པ་འབྱུང་སྟེ། དེ་ཚུལ་བཞིན་ཡིད་ལ་བྱེད་པས་སོ་སོར་རྟོག་པ་ཡིད་ལ་བྱེད་ན་འབྱུང་བར་མི་འགྱུར་རོ། །མི་འབྱུང་བ་དེ་ནི་ཤིན་ཏུ་འགགས་པ་སྟེ། དེ་བས་ན་མ་རིག་པ་
D117.051.0283a05.01འགག་ཅེས་བྱའོ། །དེ་ལ་ཚུལ་བཞིན་ཡིད་ལ་བྱེད་པ་ནི་འབྱུང་བ་ཆེན་པོ་བཞི་ལས་བྱུང་བའི་ལུས་འདི་ལ་འདི་ལྟ་སྟེ། ལུས་འདི་ནི་བེམས་པོ་སྟེ། རྩྭ་དང་། ཤིང་དང་། རྩིག་པ་དང་། རྡོ་ལྟར་སྣང་བར་སོ་སོར་རྟོག་གོ། །གང་སེམས་སམ། ཡིད་དམ། རྣམ་པར་ཤེས་པ་ཞེས་བྱ་བ་
D117.051.0283a06.01དེའང་གཟུགས་མེད་པ། བསྟན་དུ་མེད་པ། ཐོགས་པ་མེད་པ། རྣམ་པར་མི་རིག་པ། སྒྱུ་མ་དང་། རྨི་ལམ་ལྟ་བུ་སྟེ། ནང་དང་། ཕྱི་དང་། གཉི་ག་མ་ཡིན་པར་ཡང་མི་དམིགས་སོ་ཞེས་དེ་ལྟར་ཚུལ་བཞིན་ཡིད་ལ་བྱེད་པ་ལ་བརྩོན་པའི་དགེ་སློང་གི་ཆོས་ཐམས་ཅད་རང་བཞིན་གྱིས་མ་
D117.051.0283a07.01