完整藏文原文 · 德格版页 当前仅加载第 51 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་བསྟན་པའི་ཕྱིར་ཡུལ་ཐམས་ཅད་དུ་ཟག་གོ། །འཇམ་དཔལ་འདི་ལྟ་སྟེ། དཔེར་ན་མཆོག་ཏུ་མཐུ་དང་ལྡན་པའི་རྟ་ཅང་ཤེས་ནི་རྟ་ཞོན་པ་ལ་སྲུང་བར་བྱེད་དེ། བདག་ལ་ནི་དེ་ལྟ་མ་ཡིན་ནོ། །འཇམ་དཔལ་དེ་བཞིན་དུ་སྙིང་རྗེ་ཆེན་པོ་ཐོབ་པའི་བྱང་ཆུབ་སེམས་དཔའ་
D117.051.0254b01.01མཆོག་ཏུ་མཐུ་དང་ལྡན་པ་དག་ནི་སེམས་ཅན་རྣམས་ལ་སྲུང་བར་བྱེད་དེ། བདག་ལ་ནི་དེ་ལྟ་མ་ཡིན་ནོ། །འཇམ་དཔལ་འདི་ལྟ་སྟེ། དཔེར་ན་{རི་དགས་,རི་དྭགས་}ཀྱི་རྒྱལ་པོ་སེང་གེ་ནི་མེ་འབར་བ་མ་གཏོགས་པར་ཅིས་ཀྱང་མི་འཇིགས་སོ། །འཇམ་དཔལ་དེ་བཞིན་དུ་བྱང་
D117.051.0254b02.01ཆུབ་སེམས་དཔའ་ཡང་ཉན་ཐོས་དང་། རང་སངས་རྒྱས་ཀྱི་སར་ལྟུང་བ་མ་གཏོགས་པར་ཅིས་ཀྱང་མི་འཇིགས་སོ། །འཇམ་དཔལ་འདི་ལྟ་སྟེ། དཔེར་ན་བལ་གླང་གི་རྒྱལ་པོ་ས་སྲུང་གི་བུ་ནི་དུད་འགྲོའི་སྐྱེ་གནས་སུ་གཏོགས་མོད་ཀྱི། སུམ་ཅུ་རྩ་གསུམ་པའི་ལྷ་
D117.051.0254b03.01རྣམས་དང་། ལྷ་རྣམས་ཀྱི་དབང་པོ་བརྒྱ་བྱིན་གྱི་བསོད་ནམས་བསགས་པའི་ཕྱིར་དགའ་བ་དང་རྩེ་བའི་ཚོགས་ཐམས་ཅད་སོ་སོ་ཅི་རིགས་པར་སྟོན་ཏོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་དུད་འགྲོའི་སྐྱེ་གནས་སུ་སོང་ཡང་འདི་ལྟ་སྟེ། སེམས་ཅན་
D117.051.0254b04.01རྣམས་སོ་སོ་ཅི་རིགས་པར་ཡོངས་སུ་སྨིན་པར་བྱ་བའི་ཕྱིར་ཆོས་ཀྱི་ཚོགས་ཐམས་ཅད་སྟོན་ཏོ། །འཇམ་དཔལ་འདི་ལྟ་སྟེ། དཔེར་ན་གང་གཙུབ་སྟན་ལས་བྱུང་བ་དང་། གང་ནོར་བུ་རིན་པོ་ཆེ་ལས་བྱུང་བའི་མེ་དེ་གཉི་ག་ཡང་ཚ་བའི་བདག་ཉིད་དོ། །འཇམ་དཔལ་དེ་བཞིན་
D117.051.0254b05.01དུ་བྱང་ཆུབ་སེམས་དཔའ་གང་སེམས་དང་པོ་བསྐྱེད་པ་དང་། གང་བྱང་ཆུབ་ཀྱི་སྙིང་པོ་ལ་འདུག་པའི་སེམས་ཐ་མ་བསྐྱེད་པ་དེ་གཉི་ག་ཡང་སེམས་ཅན་རྣམས་ཀྱི་ཉོན་མོངས་པ་སྲེག་པའི་བདག་ཉིད་དོ། །འཇམ་དཔལ་འདི་ལྟ་སྟེ། དཔེར་ན་དྲིའི་ཤིང་སྣ་ཚོགས་རྣམས་ནི་
D117.051.0254b06.01དེ་དག་ཐམས་ཅད་ཁམས་བཞིས་ཡོངས་སུ་བཟུང་སྟེ་སྐྱེའོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ་སྣ་ཚོགས་ཀྱི་ཚོགས་བསགས་པ་དེ་དག་ཐམས་ཅད་ཀྱང་། བྱང་ཆུབ་ཀྱི་སེམས་ཀྱིས་ཡོངས་སུ་བཟུང་ཞིང་ཐམས་ཅད་མཁྱེན་པ་ཉིད་
D117.051.0254b07.01