完整藏文原文 · 德格版页 当前仅加载第 78 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་ནི་ཡི་གེ་བསམ། །མེ་མར་གྱི་ནི་རྩེ་ལྟར་བྱ། །རྩེ་མོ་ལྟ་བུ་ཞེས་བྱ་བ་ལ། །ཤི་ཁ་ནི་མགོ་སྟེ་ཀླད་པའི་གོང་བུའོ། །རྩེ་མོ་ནི་མེའི་རྩེ་མོ་སྟེ། དེས་མར་སར་བུམ་པར་བཅོས་པ་ལྟར་ཐམས་ཅད་དུ་བཞུ་བར་བྱའོ། །དེ་ལྟར་བྱས་པས་འབྲས་བུ་ཇི་ལྟར་འགྱུར་ཞེ་ན། སྔགས་
D370.078.0122b01.01ཀྱི་མར་མེ་འདི་ཡིས་ནི། །སྐད་ཅིག་གིས་ནི་འདར་བར་འགྱུར། །བུ་མོ་ཆགས་པས་གདུངས་ནས་སུ། །ཇི་སྲིད་འཚོ་བར་དབང་དུ་འགྱུར། །ལྷ་མོ་ཀླུ་མོ་གནོད་སྦྱིན་མོ། །ལུགས་མ་འམ་ནི་བྲིས་པ་ལ། །དེ་ཡི་མིང་ནི་བྲིས་ནས་སུ། །བློ་ལྡན་སྙིང་གར་བཅུག་སྟེ་བསྒོམ། །ཉི་མ་
D370.078.0122b02.01བདུན་ནི་ཚུན་ཆོད་ཀྱིས། །མར་མེ་ཡི་ནི་ཆོ་ག་ཡིས། །འགྲུབ་འགྱུར་འདིར་ནི་ཐེ་ཚོམ་མེད། །གང་གི་དབང་པོ་རྫས་ཡིན་ཏེ། །ཤིན་ཏུ་མཉམ་པར་བཞག་སྟེ་བསྒྲུབ། །དབང་པོ་མིག་ལ་སོགས་པ་ཡིན། །རིགས་པའི་སྦྱོར་བ་ལམ་ཡིན་ཏེ། །གང་དང་གང་གི་རང་བཞིན་ཏེ། །
D370.078.0122b03.01དེ་དང་དེ་ཡི་དངོས་པོ་ཡིས། །བདེ་བ་ཉིད་དུ་བསྒྲུབ་པར་བྱ། །བདེ་བ་སེམས་ཞེས་བྱ་བ་སྟེ། །དེ་ཉིད་དུ་ནི་བདག་བདེ་སོགས། །སྡུག་བསྔལ་གྱིས་ནི་འགྲུབ་མི་འགྱུར། །བདེ་བ་ཡིས་ནི་འགྲུབ་པར་བཤད། །ཤིན་ཏུ་བདེ་བའི་སྒྲུབ་ཐབས་ནི། །ཐོས་དང་བསམ་གཏན་སོགས་
D370.078.0122b04.01སྤངས་པའི། །དམན་པ་དག་ནི་གང་གིས་ཀྱང་། །བསྒྲུབ་པར་ནུས་པ་མ་ཡིན་ཏེ། །སྐྱེ་བོ་ཐབས་དང་བྲལ་བས་ན། །ཚུལ་ངན་དམན་པ་དཀའ་བས་བསྒྲུབ། །བདག་ཉིད་སྒྲུབ་པ་དང་བྲལ་བས། །སྐལ་མེད་ངལ་བ་དོན་མེད་ཅིང་། །དེ་ལ་དངོས་གྲུབ་ཞེས་མི་བརྗོད། །
D370.078.0122b05.01ཨ་སམ་ཞེས་བྱ་བ་ནི་དཔེ་དང་ཟླ་མེད་པའོ། །ཨ་དྷི་ཏ་ཞེས་བྱ་བ་ནི་རྣལ་འབྱོར་པ་རྣམས་ཀྱི་སྦྱོར་བའོ། །སངས་རྒྱས་ཀུན་དུ་རང་ཉིད་འགྱུར། །ཞེས་བྱ་བ་ནི་དངོས་པོ་ཐམས་ཅད་གཉིས་སུ་མེད་པའི་ཡེ་ཤེས་སུ་མཚོན་ཅིང་འཇུག་པའོ། །པྲ་ཏ་ཧྃ་ཞེས་བྱ་བ་ནི་ཉི་མ་རེ་རེ་ཞིང་ངོ་། །
D370.078.0122b06.01ཡང་ན་ཟླ་རེ་སྟེ་ཟླ་བ་ཉ་ལའོ། །ཡང་ན་ལོ་རེ་ཞིང་སྟེ་གལ་ཏེ་མ་འབྱོར་པ་འབྱོར་པའམ། སྐལ་བ་མེད་པ་དང་། འདས་པའི་དབང་གིས་ཀྱང་རུང་སྟེ། དེ་དག་གིས་ནི་ལོ་རེ་ཞིང་བྱའོ། །དེ་བཞིན་ཞེས་བྱ་བ་ནི་དབང་བསྐུར་བའི་ཆོ་ག་ལྟར་བྱ་བའོ། །ཡང་ན་དེ་བཞིན་ཏེ་སློབ་དཔོན་གཞན་མེད་
D370.078.0122b07.01