rgyud kyi rgyal po chen po dpal rdo rje mkha' 'gro zhes bya ba/
当前为德格木刻版 71a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 71a
- 可引用原文
- 7 行
- 全文规模
- 全经 1733 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 78 函 · 德格 71a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ལས། །དཀར་པོ་ཡིས་ནི་དཀར་འགྱུར་ལ། །ནག་པོས་དེ་བཞིན་འབྲས་གནག་འབྱིན། །དེས་ན་དེ་དག་སྤང་བྱ་སྟེ། །སེམས་ཅན་རྣམས་ལ་ཚིག་རྩུབ་དང་། །ཚིག་འཁྱལ་སྨྲ་བ་སྤང་བར་བྱ། །སྙིང་རྗེ་ཡི་ནི་སེམས་ཀྱིས་སུ། །འཚེ་དང་གནོད་པ་སྤང་བར་བྱ། །བདག་ནི་ཤི་བར་གྱུར་ཀྱང་བླའི། །སྲོག་ཆགས་གསོད་པ་དེ་ལྟར་མིན། །རབ་ཏུ་འབར་མེར་མཚུངས་པས་ན། །གཞན་གྱི་ནོར་ལ་རེག་མི་བྱ། །རྣལ་འབྱོར་པ་ཡིས་{བརྫུན་,རྫུན་}སྲུང་ཞིང་། །བླ་མའི་བཀའ་སྩལ་ཐམས་ཅད་བྱ། །རྣལ་འབྱོར་པ་ཡི་རྣལ་
འབྱོར་པ། །{བརྫུན་,རྫུན་}དུ་སྨྲ་བ་ཐམས་ཅད་དང་། །སེམས་ཅན་ཀུན་ལ་སྐྱོན་བརྗོད་མིན། །གཞན་གྱི་བུད་མེད་སྤང་བྱ་ཞིང་། །ལོག་པས་འཚོ་དང་རྙེད་ལ་སོགས། །དེ་བས་ཐམས་ཅད་སྤང་བར་བྱ། །དགའ་བདག་ལ་སྤྱོད་པ་དང་། །གཏོར་མ་དག་གིས་དུས་སོགས་ལ། །དམ་ཚིག་སྤྱོད་བར་བྱེད་པ་ཡང་། །བཟའ་དང་བཅའ་སོགས་ཚོད་ཟིན་བྱ། །རྣལ་འབྱོར་དངོས་གྲུབ་འདོད་པ་རྣམས། །སེམས་ཅན་མགུ་ལས་དངོས་གྲུབ་འབྱུང་། །དེ་ལ་དང་པོར་རེ་ཞིག་སློབ་མས་བླ་གོས་ཕྲག་པ་གཅིག་ལ་གཟར་ཏེ། པུས་མོ་གཡས་པའི་ལྷ་ང་ས་ལ་
བཙུགས་ལ་ལག་པ་གཉིས་ཐལ་མོ་སྦྱར་ཏེ། འདི་སྐད་ཅེས་བརྗོད་པར་བྱའོ། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་གསང་སོགས་མཁའ་འགྲོ་མ། །ཐེག་པ་གསུམ་པོ་ཐམས་ཅད་དང་། །དཔའ་བོ་དཔའ་མོ་དབང་ལྷ་མོ། །བདག་ཉིད་ཆེན་མོ་རྣམས་དང་ནི། །ཁྱད་པར་དུ་ཡང་སློབ་དཔོན་ལ། །རྟག་པར་བདག་ནི་སྐྱབས་སུ་མཆི། །ཨོཾ་པཉྩ་ཌཱ་ཀི་ནཱི་པཱུ་ཛོ་པ་སྭཱ་ནཱ་ཡ་ཨཱ་ཏྨཱ་ནཱཾ་ནི་རྱ་ཏ་ཡཱ་མི་ཧཱུྃ། སརྦྦ་ཨཱ་ཙཱ་རྱ་པཱུ་ཛོ་བ་སྭཱ་ནཱ་ཡ་ཨཱཏྨཱ་ནཱཾ་ནི་རྱཱ་ཏ་ཡཱ་མི་ཧཱུྃ། སརྦྦ་ས་ཏྭ་པ་རི་ཏྲཱ་ཎ་ཨ་རྠེ་ཨཱ་ཏྨ་ནཱཾ་ནིརྱཱ་ཏ་
ཡཱ་མི་ཧཱུྃ། ཞེས་བྱ་བས་བྱིན་གྱིས་བརླབས་ལ། །སླར་ཡང་འདི་སྐད་ཅེས་བརྗོད་པར་བྱ་སྟེ། ཁྲོ་དང་བདག་ཏུ་འཛིན་པ་དང་། །ཚིག་རྩུབ་ཞེ་གཅོད་སྤང་བར་བགྱི། །སྡིག་པའི་གྲོགས་དང་སྲོག་གཅོད་དང་། །རྐུ་འཕྲོག་དག་ནི་སྤང་བར་བགྱི། །ལོངས་སྤྱོད་རྒྱ་ཆེན་སྤང་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D370
- 德格版页
- 71a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0370 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。