完整藏文原文 · 德格版页 当前仅加载第 78 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །ལག་གཡོན་ཐོད་པ་བཟུང་ནས་ནི། །བརྟུལ་ཞུགས་སྤྱོད་པར་ལྡན་པ་ཡིས། །ཆོ་ག་བཞིན་དུ་བསྐྱེད་བྱས་ན། །ཤ་ཟ་ལ་སོགས་ཅོ་མི་འདྲི། །ས་བོན་སྨིན་པ་བཟུང་ནས་ནི། །མཁས་པས་སྔོན་བཞིན་མཆོད་བྱས་ནས། །གྲུབ་པའི་རྫས་ཀྱི་ཕུད་དག་
D370.078.0076a01.01ནི། །ཁྱད་པར་དུ་ནི་བླ་མར་དབུལ། །སྒྲུབ་པོས་དེར་ནི་ཁར་བཅུག་ན། །སྣ་ཚོགས་པ་ཡི་གཟུགས་སུ་སྣང་། །ལྷ་དང་སྦྱིན་བདག་གནོད་སྦྱིན་སོགས། །ཇི་ལྟར་འདོད་བཞིན་གཟུགས་བསྒྱུར་ཏེ། །ལྷ་ཡི་བུ་མོ་རྣམས་དང་ནི། །ཇི་སྲིད་འདོད་ཀྱི་བར་དུ་རོལ། །དགོངས་མོ་
D370.078.0076a02.01གཏོར་མ་སྔོན་འགྲོ་བས། །ཇི་བཞིན་ལྷག་པར་གནས་བྱ་ཞིང་། །ཤིང་བསྐྱེད་ཆོ་ག་རྒྱས་པ་ལས། །འབྱུང་བཞིན་བསྲུང་བ་ལ་སོགས་བྱ། །གཞན་དུ་མེ་ཏོག་འབྲས་བུ་སོགས། །དྲག་པོའི་གདོན་གྱིས་གཙེས་པས་ན། །འགྲུབ་པ་ཉིད་དུ་མི་འགྱུར་རོ། །དེ་ནས་སྐྲ་གྲོལ་
D370.078.0076a03.01གཅེར་བུར་ནི། །གྱུར་པའི་བུ་མོའི་ལག་གཡོན་དུ། །གལ་ཏེ་སྨིན་པའི་འབྲས་བུ་དེ། །སྒྲུབ་པ་པོས་ནི་གཞག་པར་བྱ། །གང་དང་གང་གི་ཁྲག་གིས་ནི། །ཡང་དང་ཡང་དུ་འབྲས་བུ་བསྒོ། །དེ་ཡི་ཁྲག་གིས་བསྒོས་པ་ཡི། །ཤ་ལ་སོགས་པ་མཚོན་བྱ་ཞིང་། །དེ་ཡི་ཐལ་
D370.078.0076a04.01བས་བསྐྱེད་པར་བྱ། །དེ་ཡི་ཐོད་པར་གཟུགས་པ་དང་། །དེ་ཡི་ཤ་ཁྲག་ཞག་གིས་ནི། །ཡང་དང་ཡང་དུ་བཅུ་བར་བྱ། །དེ་ཡི་ཤ་སོགས་བདུག་པ་དང་། །བྱུག་པའང་ཡང་དང་ཡང་དུ་བྱ། །སྔོན་དུ་གཏོར་མ་བསྲུང་སོགས་བྱ། །ས་བོན་དེ་ནི་སྨིན་པ་དང་། །ཆོ་ག་བཞིན་དུ་
D370.078.0076a05.01བླངས་ནས་ནི། །ཁ་ཡི་ནང་དུ་བཞག་གྱུར་ན། །ཆོ་གས་ཇི་ལྟར་བསམ་པ་བཞིན། །དེ་དང་དེ་ཡི་གཟུགས་འགྱུར་ཏེ། །དེ་བཞིན་འདི་ཡི་མཐུ་ཡིས་ནི། །མི་སྣང་བར་ནི་ཐམས་ཅད་འགྱུར། །ས་བོན་མ་ཉམས་སྟོབས་ཀྱིས་སུ། །འུག་པ་ལ་སོགས་རྣམས་ཀྱིས་ཀྱང་། །ཆ་
D370.078.0076a06.01ཙམ་ཡང་ནི་མཐོང་མི་ནུས། །དེ་ནས་གཞན་ཡང་བཤད་བྱ་བ། །མཚོན་ཆ་ཐམས་ཅད་བཟློག་པའི་ཕྱིར། །ཉི་མ་གཟས་ནི་ཟིན་དུས་སུ། །པཎྜ་ར་ཀ་ཞེས་བྱ་དང་། །དཔའ་བོ་གཅིག་པ་སྟོབས་པོ་ཆེ། །སྔ་དྲོ་ཉི་མ་ཤར་དུས་སུ། །བྱང་ཕྱོགས་རྩ་བ་བརྐོས་ནས་ནི། །མཉམ་
D370.078.0076a07.01