完整藏文原文 · 德格版页 当前仅加载第 78 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད། །ཇི་བཞིན་གནས་སུ་སྦྱར་བར་བྱ། །རྡོ་རྗེ་ལྕགས་ཀྱུ་ཞགས་པ་དང་། །རྡོ་རྗེ་ལྕགས་སྒྲོགས་དྲིལ་བུ་ཉིད། །ལྷ་མོ་དག་ནི་བཞི་པོ་འདི། །ཕྱོགས་ཀྱི་པདྨར་ཡང་དག་གནས། །མཚམས་ནི་བཞི་པོ་དག་ཏུ་ཡང་། །སླར་ཡང་དེ་བཞིན་ལྷ་མོ་བཞི། །སྐུལ་བྱེད་རིན་ཆེན་སྒྲོན་མ་
D370.078.0068b01.01དང་། །དེ་བཞིན་རྡོ་རྗེ་ལྕགས་སྒྲོག་དང་། །དེ་བཞིན་གཞན་གྱིས་མི་ཐུབ་མ། །པདྨའི་འདབ་མ་ཀུན་ལ་དགོད། །རྩེ་མོ་དག་ནི་རྣམ་ལྔ་ལ། །མཁའ་འགྲོ་མ་ནི་ལྔ་ཉིད་དེ། །ཤར་དུ་རྡོ་རྗེ་མཁའ་འགྲོ་མ། །བྱང་དུ་དྲག་མོ་ཞེས་བྱ་བ། །རོ་ལངས་མ་ནི་ནུབ་ཏུ་གནས། །ལྷོ་རུ་དེ་
D370.078.0068b02.01བཞིན་ཙཎྜ་ལཱི། །དབུས་སུ་ཡེ་ཤེས་མཁའ་འགྲོ་སྟེ། །དམ་ཚིག་རྡོ་རྗེ་བསྒོམ་པར་བྱ། །གདུག་ལ་རྡོ་རྗེ་རྩེ་གསུམ་སྟེ། །རྩེ་མོ་དག་ནི་གདེངས་པར་བྱ། །དེ་བཞིན་རྩེ་མོ་གཅིག་པ་ནི། །ཀླུ་རྣམས་སྐྲག་པར་བྱེད་པའོ། །ཁྲོ་བོའི་རྡོ་རྗེ་གདེངས་པོ་སྟེ། །ལྷག་མ་རྣམས་ནི་འདུལ་
D370.078.0068b03.01བྱེད་པའོ། །ཞི་ལ་ཞི་བའི་ལྷ་ཉིད་དེ། །རིགས་ཀྱི་རིམ་པའི་ཆོ་གས་དབྱེ། །ལས་ཀྱི་ཆོ་ག་མཐོང་བ་ཡིས། །བྱ་བ་ཐམས་ཅད་བྱེད་པར་འགྱུར། །དེ་ནས་གཞན་ཡང་བཤད་བྱ་བ། །གསང་བའི་རྡོ་རྗེའི་མཚན་ཉིད་དོ། །ཆ་ལྔའི་ཚད་དང་ལྡན་པ་ནི། །སྤྱི་གཙུག་རྡོ་རྗེ་ཞེས་བྱར་
D370.078.0068b04.01གྲགས། །རྣ་ཆ་ཆ་དྲུག་ཚད་དུ་བྱ། །མགུལ་དོ་ཆ་ནི་བཞི་པ་སྟེ། །སྙིང་གར་ཆ་ལྔ་པ་ནི་གཟུང་། །གསང་བ་དང་ནི་ལག་པར་ཡང་། །ཆ་དྲུག་པ་ནི་གཟུང་བྱ་སྟེ། །ཇི་ལྟར་མཛེས་པར་བརྟག་པར་བྱ། །རྡོ་རྗེའི་རྒྱན་གྱིས་བརྒྱན་ནས་ནི། །རྣལ་འབྱོར་པ་ཡི་ཡེ་ཤེས་འཕེལ། །
D370.078.0068b05.01ཆོ་གའི་བྱ་བ་འདི་ཉིད་ཀྱིས། །རྣལ་འབྱོར་རིག་པས་རྟག་ཏུ་བསྒོམ། །དེ་ནས་དྲིལ་བུའི་མཚན་ཉིད་ཀྱི། །ཆུ་ཞེང་ལ་སོགས་བཤད་པར་བྱ། །རིན་ཆེན་སྣ་ཚོགས་འབར་བ་དང་། །རྡོ་རྗེའི་སྐ་རགས་ཕྲེང་གཉིས་བྱ། །ཤེལ་སྒོང་དྲི་མ་མེད་པ་ལྟར། །དྲ་བ་དྲ་བ་ཕྱེདཔས་
D370.078.0068b06.01བརྒྱན། །ཆ་གསུམ་མཚན་ཉིད་ལྡན་པ་ལ། །རྡོ་རྗེ་ལ་སོགས་མཚན་མས་བརྒྱན། །དབུས་ཀྱི་ཁོག་པ་ཟབ་པ་དང་། །ཐམས་ཅད་དགའ་བྱེད་བཅུད་ཀྱི་གནས། །དེ་ནས་པདྨ་རིན་ཆེན་དང་། །ཨུཏྤལ་ཀུ་མུ་ད་ཡིས་བརྒྱན། །ཕྱོགས་དང་ཕྱོགས་མཚམས་ཆ་བརྒྱད་དུ། །ལྷ་
D370.078.0068b07.01