完整藏文原文 · 德格版页 当前仅加载第 78 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
དགྲ་བཅིངས་པར་འགྱུར་བ་ལས་གཞན་དུ་མ་ཡིན་ནོ། །རཏྣ་བཛྲ་ཞེས་བྱས་ནས། །དེ་ནས་ཨོཾ་དང་བཛྲ་བརྗོད། །ཧྲཱི་དང་ཕཊ་ནི་མཐར་སྦྱར་བ། །སྔགས་འདི་དཔུང་ནི་འཆིང་བྱེད་ཡིན། ས་ནག་པོ་ལ་ལྷ་མོ་ཙ་མུ་ཎྜཱི་གདོང་བྱས་ལ། གོ་རོ་ཙ་ནས་བསྒྲུབ་བྱ་དུ་ཡོད་པའི་མིང་དང་སྤེལ་བའི་
D370.078.0013b01.01སྔགས་བྲིས་ཏེ་དེའི་ཁར་བཅུག་ལ། དེའི་ཁར་མཆོད་པ་རྣམ་པ་ལྔས་མཆོད་ཅིང་། ཁྱིམ་གྱི་ཕྱོགས་གཅིག་ཏུ་བཞག་ལ། ཉིན་གཅིག་བཞིན་དུ་མཆོད་པར་བྱས་ན་ཁ་བཅིངས་ཤིང་དབང་དུ་འགྱུར་རོ། །ཁམ་ཕོར་ལ་ལྡོང་རོས་ཀྱིས་བུད་མེད་ཀྱི་གཟུགས་བརྙན་བྲིས་ལ་དེའི་བྷ་གར་མཛུབ་
D370.078.0013b02.01མོ་བཙུགས་ཏེ། ཟླ་བ་གཟས་ཟིན་ནས་ཇི་སྲིད་གྲོལ་གྱི་བར་དུ་སྔགས་བཟླ་བའམ། ཡང་ན་བུད་མེད་དངོས་ཀྱི་བྷ་གར་ཡང་རུང་སྟེ། དེ་ལྟར་བསྒྲུབ་པའི་མཛུབ་མོ་དེས་མཛུབ་ཡུག་ཙམ་གྱིས་བུ་མོ་ཐམས་ཅད་འོང་བར་འགྱུར་རོ། །ནི་མ་པའི་ལོ་མ་ལ་དུག་དང་། རང་གི་ཁྲག་
D370.078.0013b03.01དང་། དྷ་དུ་རའི་ཁུ་བས་ཡི་གེ་ཕུཿབྲི། དེའི་དབུས་སུ་བསྒྲུབ་བྱའི་མིང་བྲིས་ལ་བག་ཟན་ནམ་ཟན་གྱི་རིལ་བུའི་ནང་དུ་བཅུག་སྟེ་དགོངས་མོ་བྱ་རོག་ཚང་དུ་འགྲོ་ཁ་མ་ལ་ཟར་བཅུག་ན་ངེས་པར་བསྐྲད་པར་འགྱུར་རོ། །རྩིག་ངོས་སམ་སྤང་ལེབ་ལ་ཡི་གེ་ཐ་བྲི། དེའི་ནང་དུ་དབྱངས་ཀྱི་
D370.078.0013b04.01ཡི་གེས་འཁོར་བར་བྲི་དེའི་ནང་དུ་ཕ་བྲི། དེའི་ནང་དུ་ཧ་བྲི། ཧའི་ནང་དུ་ཀ། དེར་བསྒྲུབ་བྱའི་མིང་བྲིས་ལ་དེ་ཁ་བཅད་དེ་བཞག་ན་དབང་དུ་འགྱུར་ཞིང་བཅིང་བས་བཅིངས་པར་འགྱུར་རོ། །ལྟེ་བའི་པདྨའི་དབུས་སུ་མིང་གི་ཡི་གེའམ། ཨ་བསྒོམས་ཏེ། པདྨའི་བསྡུ་བ་བྱས་ལ།
D370.078.0013b05.01སྙིང་གི་ཞགས་པས་བཅིངས་ན་བསྲུང་བར་འགྱུར་ཏེ། ཨ་ནི་སེམས་ཅན་ཐམས་ཅད་ཀྱི། །རང་གི་ཕྱག་རྒྱ་རྟགས་ས་བོན། །སྲོག་བསྲུང་ལ་སོགས་དོན་གྱི་ཕྱིར། །སྟོབས་ཀྱིས་ཡང་དག་བཅིང་བར་བྱ། །ཡང་ན་རྡོ་རྗེ་ལྟེ་བ་ཁ་སྦྱོར་གྱི་ནང་དུ་གངས་ཀྱི་འོད་ལྟ་བུའི་ཡི་གེ་ཨ་
D370.078.0013b06.01བསམས་ལ། དེའི་མཐའ་གཉིས་སུ་སྙིང་གི་ཞགས་པས་བཅིངས་ན་ཡང་སྲུང་བའི་དམ་པར་འགྱུར་རོ། །སྙིང་གའི་པདྨ་ལ་གནས་པར་ཡི་གེ་བ་ཁ་མཐུར་དུ་བལྟས་པ་བསམས་ལ། ལྟེ་བའི་པདྨར་ཡི་གེ་ཨ་ནས་ཀྱི་འབྲུ་ཚོད་ཙམ་བསམས་ཏེ། བ་ལས་བའི་འོ་མའི་རྒྱུན་
D370.078.0013b07.01