完整藏文原文 · 德格版页 当前仅加载第 78 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའི་རྐང་རྗེས་རྡུལ་དང་ནི། །གཅིག་ཏུ་བྱས་ནས་བཏག་པར་བྱ། །ལན་བརྒྱར་བཟླས་ཏེ་རབ་བསྒོམས་ན། །ས་བདག་སྐྱེ་བོའི་ནོར་དང་ནི། །བཅས་ཏེ་དབང་དུ་འགྱུར་བའམ། །དེ་ནི་འགུགས་འགྱུར་ཐེ་ཚོམ་མེད། །སྦྱོར་བ་འདི་ནི་གྲུབ་པ་སྟེ། །གཞན་དག་ཏུ་ནི་
D370.078.0043a01.01ང་མི་སྨྲ། །རྡུལ་དེ་ཉིད་ནི་བཟུང་ནས་སུ། །ལྕགས་ཕྱེ་དང་ནི་བསྲེ་བར་བྱ། །དུར་ཁྲོད་རས་ལ་གཏུམས་ནས་སུ། །ལན་བདུན་དུ་ནི་བཟླས་པར་བྱ། །ལམ་གྱི་བཞི་མདོར་སོར་བརྒྱད་ཙམ། །བརྐོས་ཏེ་དགྲ་ཡི་མིང་ནས་ནི། །བཟུང་ནས་ས་ཡིས་དགབ་པར་བྱ། །གང་གི་མིང་
D370.078.0043a02.01བཟུང་དེ་བཅིངས་འགྱུར། །ཕྱེ་མ་དེ་ཉིད་བཟུང་ནས་སུ། །འོ་མ་ཡིས་ནི་འབད་དེ་བཀྲུ། །སླར་ཡང་གྲོལ་འགྱུར་ཐེ་ཚོམ་མེད། །ཕྱེ་མ་དེ་ཉིད་བཟུང་ནས་སུ། །སྨྱོ་བྱེད་ལྔ་དང་ལྡན་པར་བྱ། །རོ་ཡི་གོས་ལ་བསྒྲུབ་བྱ་ཡི། །མིང་བྲིས་ནས་ནི་གཏུམ་པར་བྱ། །ལན་བརྒྱ་བཟླས་ཏེ་
D370.078.0043a03.01དུར་ཁྲོད་དུ། །སྦས་ན་སྐྱེས་བུ་འཕྲལ་དུ་ནི། །སྨྱོ་འགྱུར་འདི་ལ་ཐེ་ཚོམ་མེད། །ཕྱུང་ནས་བ་ཡི་འོ་མ་ཡིས། །འབད་དེ་སླར་ཡང་བཀྲུས་ན་ནི། །འགྲོལ་འགྱུར་འདིར་ནི་ཐེ་ཚོམ་མེད། །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །དེ་ནས་བཅོམ་
D370.078.0043a04.01ལྡན་དེ་བཞིན་གཤེགས། །རྡོ་རྗེ་དཔའ་བོའི་འཁོར་ལོ་གསུངས། །ཟླ་བའི་དབུས་འགྱུར་རྡོ་རྗེ་ནི། །རྩེ་གསུམ་དེ་བཞིན་ཁ་དྲུག་པ། །སླར་ཡང་ཟླ་བར་པདྨ་ནི། །འདབ་དྲུག་ལེགས་པར་གནས་པ་བྲི། །དེ་ཡི་དབུས་གྱུར་ས་བོན་ནི། །འདོད་དོན་ཐམས་ཅད་སྒྲུབ་བྱེད་པའོ། །
D370.078.0043a05.01སྔགས་པས་ལྟེ་བར་བྲི་བར་བྱ། །བསྒྲུབ་བྱའི་མིང་དང་སྤེལ་བར་བྱ། །རྡོ་རྗེ་སེམས་སོགས་ལྷ་རྣམས་ནི། །ཐམས་ཅད་སྣ་ཚོགས་བླ་ན་མེད། །སངས་རྒྱས་ཀུན་གྱི་གོ་ཆ་ཆེ། །མཛེས་མའི་གདོང་ཅན་ཁྱོད་ལ་བཤད། །དབུས་སུ་སྔ་མའི་གསང་སྔགས་བྲི། །པདྨའི་འདབ་
D370.078.0043a06.01མར་དེ་བཞིན་གཞན། །རིང་པོ་དྲུག་ནི་ཡོངས་སྤངས་པ། །རྡོ་རྗེ་ཡི་ནི་ལྟེ་བར་བྲི། །གུར་ཀུམ་སེན་རྩི་རང་ཁྲག་དང་། །རོ་ཙ་ན་ཡིས་གྲོ་ག་ལ། །ཆོ་ག་བཞིན་དུ་བྲིས་ནས་ནི། །དུས་གསུམ་དུ་ནི་བཟླས་བྱས་ལ། །མཆོད་ཆེན་བྱས་ནས་གཟུང་བར་བྱ། །ལན་བདུན་དུ་ནི་
D370.078.0043a07.01