完整藏文原文 · 德格版页 当前仅加载第 78 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་དེར་གནས་པར་གྲགས་པ་དེ། །ཏ་ལའི་ཤིང་ལ་བརྟེན་ཏེ་གནས། །གྱེན་དུ་འབར་སྐྲ་ཞེས་བྱ་བ། །ཀྵེ་ཏྲ་པཱ་ལ་གཙིགས་པ་ཆེ། །དེ་བཱི་ཀོ་ཊར་རྣ་མོ་ཆེ། །སྟོབས་པོ་ཆེ་ཡི་སྐྱེ་གནས་འབྱུང་། །ལྷ་མོ་ལག་ན་མདུང་ཅན་ཏེ། །རྣལ་འབྱོར་དབང་ཕྱུག་ཀུན་གྱི་མཆོག །
D370.078.0049a01.01གནས་དེར་ལྷ་མོ་དྲག་ཆེན་མོ། །བྷ་དྲའི་ཤིང་ལ་བརྟེན་ཏེ་གནས། །ཀྵེ་ཏྲ་པཱ་ལ་ལུས་ཆེན་པོ། །མཆོག་གི་དབང་ཕྱུག་རྒྱུ་ཞེས་བྱ། །བི་ར་ཛར་ནི་ཕྱི་མོ་སྟེ། །བ་དན་གྱི་ནི་ཕྱག་རྒྱ་བསྣམས། །ཞི་བའི་གཟུགས་ཅན་ལྷ་མོ་ཆེ། །འདོད་པའི་དབང་ཕྱུག་རབ་སྩོལ་བ། །ཞིང་དེར་
D370.078.0049a02.01གནས་པ་མེ་འབར་མ། །ཨ་མྲའི་ཤིང་ལ་བརྟེན་ཏེ་གནས། །ཧ་ཧར་དགོད་པ་སྒྲ་ཆེན་པོ། །སེམས་ཅན་ཐམས་ཅད་འཇིགས་པར་བྱེད། །ཨེ་རུ་དར་ནི་མེ་ལྕེའི་ཁ། །ཐོད་པ་དགེ་བའི་སྐྱེ་གནས་བྱུང་། །ལྷ་མོ་རྡོ་རྗེ་ཤཀྟི་བསྣམས། །ཞིང་དེར་ཤིན་ཏུ་མྱོས་པས་གནས། །
D370.078.0049a03.01གྲོང་ཁྱེར་དེར་གནས་ལྷ་མོ་དེ། །གསེར་ཤིང་ལ་ནི་བརྟེན་ཏེ་གནས། །དྲིལ་བུ་སྒྲ་ཞེས་བྱ་བ་ཡི། །ཀྵེ་ཏྲ་པཱ་ལ་དཔའ་བོ་ཆེ། །པྲེ་ཏ་པུ་རིར་དམར་སེར་ཏེ། །འཇིགས་པ་ཆེན་པོའི་སྤྱན་དང་ལྡན། །ལྷ་མོ་གཏུན་ཤིང་མཚོན་ཆ་བསྣམས། །གཅིག་པའི་སྐྱེ་གནས་ལས་བྱུང་བའོ། །ཞིང་
D370.078.0049a04.01དེར་གནས་པའི་ལྷ་མོ་དེ། །ཛཱ་ཏིའི་ཤིང་ལ་བརྟེན་ཏེ་གནས། །བྱིན་ཆེན་ཞེས་བྱའི་ཞིང་སྐྱོང་ནི། །ཤིན་ཏུ་གཙིགས་ཤིང་འཇིགས་སུ་རུང་། །ཨེ་ལ་པུ་རིར་བོང་ཞོན་མ། །རབ་ཏུ་གཏུམ་པའི་སྐྱེ་གནས་བྱུང་། །ཕྱག་ན་ཞགས་པས་འཇིགས་ཆེན་མོ། །ཞིང་དེར་མྱོས་པས་ཡང་
D370.078.0049a05.01དག་གནས། །ཕྱོགས་དེར་གནས་པའི་ལྷ་མོ་དེ། །སྟོབས་ཆེན་ཕ་རོལ་གནོན་པ་མོ། །གླང་ཆེན་རྣ་བ་ཞེས་བྱ་བའི། །ཞིང་སྐྱེས་མཆོག་ཆེན་ལས་སྐྱེས་པའོ། །ཁ་ཆེའི་ཡུལ་དུ་བ་ལང་རྣ། །གཏུམ་པའི་སྐྱེ་གནས་ལས་བྱུང་མ། །རྡོ་རྗེ་ལྕགས་སྒྲོག་ཐོགས་ནས་ནི། །དགྲ་རྣམས་
D370.078.0049a06.01འཇོམས་ལ་མཆོག་ཏུ་བརྩོན། །གནས་དེར་གནས་པའི་ལྷ་མོ་དེ། །རི་ཡི་རྩེ་ལ་བརྟེན་ཏེ་གནས། །སྦུ་གུའི་བྱིན་པ་ཅན་ཞེས་བྱ། །ཀྵེ་ཏྲ་པཱ་ལ་འཇིགས་ཆེན་པོ། །མ་རུའི་ཡུལ་དུ་རིམ་པ་མོ། །འཇིགས་གདོང་དཔའ་བོའི་སྐྱེ་གནས་འབྱུང་། །ལྕགས་ཀྱུ་ཞགས་ཐོགས་ལྷ་
D370.078.0049a07.01