完整藏文原文 · 德格版页 当前仅加载第 78 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
པ་གཡོན་པར་བཏགས་ན་ནི། །མདའ་དང་རལ་གྲི་ལ་སོགས་པའི། །མཚོན་ཆ་ཐམས་ཅད་བཅིངས་པར་འགྱུར། །སྒྱུ་མ་ཆེན་པོའི་རིག་པ་འདི། །རབ་ཏུ་འབད་དེ་གསང་བར་བྱ། །དེ་ནས་ཆོ་ག་གཞན་བཤད་པ། །ནགས་ཀྱི་ཤལ་མ་ལི་ཡི་ནི། །བལ་ནི་
D370.078.0078a01.01སྐར་མ་རྒྱལ་ལ་བླངས། །བུ་མོ་ཡི་ནི་གཅི་བ་ཡིས། །བཏགས་ཏེ་དེ་དང་བསྲེ་བར་བྱ། །བུ་མོ་ཡིས་ནི་བཀལ་བར་བྱ། །གཟའ་དང་སྐར་མ་དགེ་བ་དང་། །ཟླ་བ་སྟོབས་ཅན་དག་ལ་ནི། །མདུད་པའི་སྦྱོར་བ་བྱས་ནས་སུ། །སོ་སོ་ཞིང་ནི་རེ་རེ་ལ། །སྔར་གྱི་རིམ་པའི་སྦྱོར་བ་ཡིས། །
D370.078.0078a02.01ཤིན་ཏུ་མཉམ་པར་བཞག་སྟེ་བསྒྲུབ། །འདི་ཡིས་བཅིངས་པ་ཙམ་གྱིས་ནི། །སུམ་ཅུ་གསུམ་པས་ཀྱང་མི་འཆིང་། །ལས་ཀྱི་ཆོ་ག་མཐོང་བ་ཡིས། །མཚོན་ཆ་ཐམས་ཅད་འཆིང་འགྱུར་ཏེ། །འདི་ནི་བ་གླང་ལྷས་སུ་བསྒྲུབ། །སུ་རག་ཏ་དང་སེང་ལྡེང་དང་། །ནིམ་པ་དང་ནི་ཨར་
D370.078.0078a03.01ཀའང་རུང་། །སྐར་མ་རྒྱལ་དང་ཉི་མ་ལ། །ཤིང་བུ་དེ་གཉིས་བཟུང་ནས་ནི། །མྱོས་པར་བྱེད་པའི་རིག་པ་ཆེ། །རིག་པ་ཀུན་གྱི་གཙོ་མོ་སྟེ། །ལན་བརྒྱ་རུ་ནི་བཟླས་ནས་སུ། །ཤིང་བུ་ཕན་ཚུན་དྲུད་གྱུར་ན། །དགྲ་བོ་ནང་ན་འཐབ་པར་འགྱུར། །རྡོ་རྗེ་ཡི་ནི་ཆུ་དང་ནི། །མཛུབ་
D370.078.0078a04.01མོའི་ཁྲག་དང་བཅས་པ་ལ། །མྱོས་པར་བྱེད་མའི་རིག་པ་བཟླ། །སྔགས་ཀྱི་བཟླས་པ་སྔོན་འགྲོ་བས། །དཔྲལ་བར་ཐིག་ལེ་བྱས་ན་ནི། །ཆོམ་པོ་དང་ནི་རྐུན་པོ་དང་། །འཚེ་བར་བྱེད་པ་གཞན་ཡང་རུང་། །སྐྱེ་བོ་ཐམས་ཅད་རྨོངས་པར་བྱེད། །མཁའ་འགྲོ་ཀུན་དང་མཉམ་
D370.078.0078a05.01སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། སྟོབས་སྐྱེད་པའི་ཆོ་གའི་རིམ་པར་ཕྱེ་བ་སྟེ་སུམ་ཅུ་རྩ་དགུ་པའོ།། །།གང་གིས་
D370.078.0078a06.01སྒྲུབ་པ་པོ་འགྲུབ་པའི། །དེ་ནས་སྦྱོར་བ་གཞན་བཤད་བྱ། །རས་སྟེར་གྱི་ནི་ས་བོན་དག །སྙེ་མའི་རྩེར་གནས་བླང་བར་བྱ། །སྔོན་བཞིན་{ཡི་དགས་,ཡི་དྭགས་}ཟླ་ཕྱེད་ཀྱི། །འབྱུང་པོའི་ཉི་མ་གཟའ་བཟང་ལ། །གཽ་རི་ལ་སོགས་མཁའ་འགྲོ་མར། །བཅས་པའི་ཧེ་རུ་ཀ་མགོན་མཆོག །
D370.078.0078a07.01