完整藏文原文 · 德格版页 当前仅加载第 78 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོམས་ནས་ནི། །ཕྱི་ནས་མཆོད་པ་བརྩམ་པར་བྱ། །བདག་ཉིད་ཧེ་རུ་ཀར་བྱས་ནས། །དཔལ་ལྡན་ཧེ་རུ་ཀར་དྲན་བྱ། །དམ་ཚིག་ཡེ་ཤེས་གཅིག་གྱུར་ལས། །དེས་འདི་རྡོ་རྗེ་ཅན་དུ་བརྗོད། །རྣལ་འབྱོར་འདི་ནི་མཆོད་ཆེན་དང་། །དེ་བཞིན་སྔགས་ཀྱི་དགོད་པ་སྟེ། །དེ་ནས་དཔའ་
D370.078.0036b01.01བོ་མཆོད་ཤེས་ནས། །ལས་ནི་འབད་པ་ཉིད་ཀྱིས་བྱ། །སྔགས་པས་རང་དགར་དབྱེ་བྱ་སྟེ། །ཕྱིན་ཅི་ལོག་ཏུ་ངེས་པར་སྦྱར། །ཚར་གཅོད་པ་དང་ཕན་འདོགས་པའི། །ལས་ཀྱི་མདོག་ཏུ་རྣམ་པར་སྒོམ། །དེ་ཉིད་དབྱེ་བས་ཕྱེ་ནས་ནི། །རྩ་ཡི་ལམ་དུ་སྦྱར་བར་བྱ། །སྦྱོར་བ་ཡི་ནི་དོན་
D370.078.0036b02.01རྣམས་ལ། །དགའ་བ་ཆེན་པོས་འདིས་བསྒྲུབ་བྱ། །ཆོ་ག་འདི་ཡིས་བསྒྲུབས་ན་ནི། །ལྷ་དང་ལྷ་མིན་མིར་བཅས་འགྲུབ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་
D370.078.0036b03.01གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། །དཔའ་བོའི་གཉིས་སུ་མེད་པའི་མཆོད་པ་དང་། །ལས་ཀྱི་ཚོགས་རྣམས་འབྱུང་བའི་རིམ་པར་ཕྱེ་བ་སྟེ་བཅུ་གསུམ་པའོ།། །།དེ་ནས་སྐུ་གསུང་ཐུགས་ཀྱི་ནི། །འཁོར་ལོར་གནས་པའི་བྱེ་བྲག་དང་། །གནས་ཀྱི་
D370.078.0036b04.01རབ་ཏུ་དབྱེ་བ་དང་། །ཡུལ་གྱི་དབྱེ་བ་བཤད་པར་བྱ། །གོ་ནི་མ་ལ་ཡ་ཡུལ་ཏེ། །སྤྱི་གཙུག་ཛཱ་ལཾ་དྷ་ར་ཡིན། །ཨཽ་ཌྱན་རྣ་བ་གཡས་པ་སྟེ། །ཨར་བུ་ད་ནི་རྒྱབ་ཕྱོགས་ཡིན། །གནས་ཀྱི་མིང་ཅན་རྣམ་བཞིའོ། །གོ་ད་བ་རི་རྣ་གཡོན་ཏེ། །རཱ་མེ་ཤྭ་རི་སྨིན་དབུས་གསུངས། །མིག་
D370.078.0036b05.01ནི་དེ་བཱི་ཀོ་ཊི་སྟེ། །དཔུང་བ་མ་ལ་བ་ཞེས་བརྗོད། །འདི་དག་ཉེ་བའི་གནས་ཡིན་ཏེ། །གནས་ཀྱི་ཁྱད་པར་ཚུལ་གྱིས་ནི། །མཁའ་སྤྱོད་ཐུགས་ཀྱི་འཁོར་ལོར་གནས། །ཀཱ་མ་རུ་མཆན་ཁུང་དེ་བཞིན་དུ། །ནུ་མ་ཨོ་ཊེར་རབ་ཏུ་གྲགས། །དེ་དག་ཞིང་སྟེ་ལྟེ་བ་ནི། །ཏྲི་ཤ་ཀུ་ནི་
D370.078.0036b06.01ཞེས་བྱ་ཡིན། །སྣ་ཡི་རྩེ་མོ་ཀོ་ས་ལ། །དེ་དག་ཉེ་བའི་ཞིང་དུ་བརྗོད། །ཁ་ནི་ཀ་ལིང་ག་ཡིན་ཏེ། །མགྲིན་པ་ལམ་བཱ་ཀ་རུ་བརྗོད། །ཚན་དྷོ་ཧ་ཞེས་བྱ་བར་གྲགས། །སྙིང་ག་ཀཱན་ཙི་ཞེས་བྱ་སྟེ། །ཆུ་སོ་ཧི་མ་ལ་ཞེས་བྱ། །ཉེ་བའི་རོལ་སར་བརྗོད་པ་ཡིན། །གནས་ཀྱི་
D370.078.0036b07.01