完整藏文原文 · 德格版页 当前仅加载第 78 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྐང་དང་ནི། །ཤ་ལ་སོགས་པ་བསྐྱེད་པར་བྱ། །དེ་ཡི་པགས་པ་རུས་པ་ཡི། །ཕྱག་རྒྱས་ཡན་ལག་བརྒྱན་བྱས་ལ། །བློ་དང་ལྡན་པས་སྔར་བསྟན་བཞིན། །མཆོད་པ་བྱས་ཏེ་ཐལ་བ་གཏོར། །སྔགས་དང་བཅས་པའི་ཆུ་ཡིས་ནི། །མཁས་པ་ཡིས་ནི་རྟག་ཏུ་བཅུག །
D370.078.0079b01.01བགེགས་མཐར་བྱེད་དང་གཤིན་གཤེད་ཀྱི། །སྔགས་ནི་སྔགས་པས་རྟག་ཏུ་བཟླ། །ཤ་ཟ་ལ་ནི་གཏོར་མ་སྦྱིན། །གཞན་དུ་ན་ནི་བཏོན་ཏེ་ཁྱེར། །ས་བོན་དེ་ནི་སྨིན་པར་གཟུང་། །ལྕུག་མ་གསུམ་གྱིས་དཀྲིས་ནས་སུ། །ཁར་བཅུག་ན་ནི་སྦེད་འགྱུར་ཏེ། །ཉི་མ་ཟླ་བ་སོགས་པས་
D370.078.0079b02.01ཀྱང་། །འཇིག་རྟེན་གསུམ་འདིར་མཐོང་མི་འགྱུར། །མ་དུ་ལུང་ག་གཅིག་པུ་ནི། །ཁར་བཅུག་མ་དུ་ལུང་གར་འགྱུར། །བཏོན་ན་སླར་ཡང་སྣང་འགྱུར་ཏེ། །འབྲས་བསྐྱེད་ཐུན་མོང་ཆོ་གའོ། །དེ་ནས་སྔགས་ཀྱི་ཆོ་ག་བཤད། །སྤྱན་མའི་སྔགས་ཀྱིས་གཟུགས་པར་བྱ། །མཱ་མ་ཀཱི་ཡི་
D370.078.0079b03.01སྔགས་ཀྱིས་བཅུ། །སྒྲོལ་མའི་སྔགས་ཀྱིས་བསྐྱེད་པར་བྱ། །དེ་བཞིན་གོས་དཀར་མས་ནི་བསྲུང་། །འདི་དག་ས་ལ་སོགས་པ་སྟེ། །ཐམས་ཅད་འཛིན་ཅིང་གསོ་བ་ཡིན། །དེས་ན་འབད་པ་ཐམས་ཅད་ཀྱིས། །སྤྱན་ལ་སོགས་པས་བསྲུང་བར་བྱ། །དེ་ནས་དགོངས་མོའི་དུས་སུ་
D370.078.0079b04.01ནི། །ཀུ་བ་ཁན་དེའི་ས་བོན་དག །མི་ཡི་ཞག་སོགས་ཀྱིས་བྱུགས་ལ། །བཞི་མདོའི་སས་བཀང་ཐོད་པར་བསྐྱེད། །དེ་ཡི་དཔྲལ་བར་ཐིག་ལེ་བྱ། །བཟའ་དང་བཅའ་སོགས་རྣམ་པ་ལྔ། །མཐོང་བ་ཙམ་གྱིས་ཁ་བར་འགྱུར། །དེ་ནས་ཐིག་ལེ་ཕྱིས་ན་ནི། །དེ་ཡི་མོད་ལ་
D370.078.0079b05.01རྣལ་མར་འགྱུར། །འོལ་མ་སེ་ཡི་ས་བོན་ནི། །བྲམ་ཟེ་ཡི་ནི་ཐོད་པ་རུ། །སྐར་མ་རྒྱལ་ལ་སྔགས་པས་བསྐྱེད། །དེ་ནས་ཕྱུང་སྟེ་སླར་ཡང་ནི། །ཐ་མལ་སྐྱེས་བུའི་ཐོད་པར་བསྐྱེད། །ས་བོན་དེ་ནི་གྲུབ་གྱུར་ན། །ཁ་རུ་བཅུག་པས་དེ་གཟུགས་འགྱུར། །སྐྱེས་པ་བུད་མེད་མ་
D370.078.0079b06.01ནིང་སོགས། །བྱ་ཡི་ཆོ་ག་བཞིན་དུ་འགྱུར། །ཁ་ལས་བཏོན་ན་སླར་ཡང་ནི། །ཐ་མལ་གཟུགས་འགྱུར་ཐེ་ཚོམ་མེད། །སྦྱོར་བ་འདི་ནི་གྲུབ་པ་སྟེ། །གཞན་དག་ཏུ་ནི་ང་མི་སྨྲ། །སྔགས་པས་བུང་བའི་རྒྱལ་པོའི་སྨན། །གསལ་ཤིང་བསད་པའི་ཐོད་པར་བསྐྱེད། །ཞག་
D370.078.0079b07.01