完整藏文原文 · 德格版页 当前仅加载第 78 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་གཟའ་རྣམས་ཀྱི་རྒྱུ་བ་དང་སྡེ་ཚན་གྱི་ལྟས་ཀྱི་ཆོ་གའི་རིམ་པར་ཕྱེ་བ་སྟེ་ཉི་ཤུ་རྩ་བཞི་པའོ།། །།ད་ནི་གཟའ་དང་སྐར་མ་རུ། །བཅས་པའི་རྒྱུ་བ་བཤད་ཀྱིས་ཉོན། །ཉི་མ་རྒྱུ་བའི་ཉིན་མོ་ནི། །
D370.078.0063b01.01ཐུན་ཕྱེད་ལྔ་དང་བདུན་པ་ལ། །བྱ་བ་ཅི་ཡང་མི་འགྲུབ་བོ། །།ཟླ་བ་ཡི་ནི་བཞི་དང་དྲུག །མིག་དམར་གྱི་ནི་གསུམ་དང་ལྔ། །གཟའ་ལག་གཉིས་དང་བཞི་པ་ལ། །གདོན་མི་ཟ་བར་འཇོམས་པར་འགྱུར། །བླ་མས་དང་པོ་གསུམ་པ་ལ། །འཆི་བ་ཉིད་དུ་འགྱུར་བ་ཡིན། །
D370.078.0063b02.01ངན་སྤོང་གི་ནི་གཉིས་པ་དང་། །བདུན་པ་ལ་ནི་ཤེས་པར་བྱ། །དལ་བ་ཡི་ནི་དང་པོ་དང་། །དྲུག་པ་ལ་ནི་འཆི་བར་བྱེད། །རིགས་འཆར་བ་ནི་དེ་དག་གི། །དུས་ནི་ཡོངས་སུ་ཆད་པར་བསྟན། །དེ་དག་ཐུན་མོང་མཚན་ཉིད་དེ། །རྣལ་འབྱོར་པ་ཡིས་གཞན་བཤད་ཉོན། །ལྔ་
D370.078.0063b03.01ནས་ཉི་ཤུ་ལྔ་ཡི་བར་འདི་དག་ནི་བརྗོད་བྱ་སྟེ། །དེ་ལས་བཅུ་གསུམ་གསུམ་གྱི་བར་དུ་རེ་རེ་སྤེལ་བར་བྱ། །དགུན་ཟླ་ཐ་ཆུང་ས་ཉི་མ་ལ་མཚུངས་གསུམ་མིག་ཟླ་བ་དྲུག །གསུམ་ཟུང་ཟླ་སྟེ་ཟླ་ལྷག་ཚེས་ཕྱོགས་མདའ་ཡོན་ཏན། །ཐིག་ལེ་དེ་དག་གི་ནི་འཚོ་བ་ཡང་དག་བཤད་པ་
D370.078.0063b04.01ཡིན། །ལྔ་ལས་བཅུ་ཡི་བར་དང་དེ་བཞིན་བཅུ་ནས་ནི། །{བཅྭ་,བཅོ་}ལྔའི་བར་ཏེ་དེ་ནས་ཉི་ཤུའི་བར་དང་ནི། །དེ་ནས་ཉི་ཤུ་ལྔ་ཡི་བར་དུ་སྦྱང་བར་བྱ། །དེ་ནས་སྒྲུབ་པོས་ཤེས་བྱ་བ། །གནས་སྐབས་འགྱུར་བ་བཤད་པར་བྱ། །ཟླ་བ་གང་ལ་གནས་པ་ཡི། །དང་པོ་སྐར་མ་བགྲང་
D370.078.0063b05.01བར་བྱ། །ཉི་མ་ཡི་ནི་ཆུ་ཚོད་དག །ཇི་སྙེད་འདས་པ་དེ་སྙེད་ནི། །ཟླ་བའི་གནས་སྐབས་རྒྱུ་བའི་ཕྱིར། །དེ་ནི་དྲུག་ཅུར་བསྒྱུར་བར་བྱ། །སླར་ཡང་ཉི་ཚོད་ཟླ་བ་བསྣན། །དྲུག་ཅུ་རུ་ནི་བསྒྱུར་བྱས་ལ། །མདའ་དང་སྲེག་བྱེད་རོ་ཡི་ནི། །དབང་པོར་བཅས་པས་དེ་བཞིན་བཅད། །
D370.078.0063b06.01བཅུ་གཉིས་དག་གི་ནང་ནས་ནི། །ལྷག་མའི་ཆ་ཤས་གཟུང་བར་བྱ། །ལྷག་མའི་ཆ་ཤས་དེ་ཡིས་ནི། །སྐྱིད་སྡུག་གནས་སྐབས་མྱོང་བར་འགྱུར། །ཉིན་དང་མཚན་གྱི་སྦྱོར་བ་ཡིས། །ལྷག་མའི་ཆུ་ཚོད་དུ་ནི་བརྗོད། །དང་པོའི་ཟླ་བར་རབ་གནས་པ། །དེ་ཡི་བྱ་བ་ཉམས་པར་འགྱུར། །
D370.078.0063b07.01