完整藏文原文 · 德格版页 当前仅加载第 78 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
གྲོང་བརྟན་པར་བྱ་བའི་སྦྱོར་བ་གཞན་ཡང་རྫ་མཁན་གྱི་ལག་པ་ཕྱིས་པའི་འཇིམ་པ་ལ་སྣོད་བྱས་ལ་སྟོང་རྩ་བརྒྱད་ཡོངས་སུ་བཟླས་ཏེ། དབུགས་མི་འབྱིན་པར་ཆུའི་ནང་དུ་བཞག་ན་བརྟན་པར་འགྱུར་རོ། །ཇི་སྟེ་དགྲ་གསད་པར་འདོད་ན་སྤྲ་ཚིལ་ལམ། བག་ཟན་ལས་
D370.078.0015a01.01གཟུགས་བརྙན་བྱས་ལ། ཆོས་གོས་ཀྱི་གཟུགས་བརྙན་གྱི་གདོང་ནས་བརྩམས་ཏེ་རྐང་པའི་མཐར་ཐུག་པར་དཀྲིས་ལ་ལེགས་པར་སྦས་ཏེ། དེའི་སྟེང་དུ་ལག་པ་བཞག་ལ་མིང་དང་སྤེལ་བའི་སྔགས་སྟོང་དུ་གཅིག་གིས་མ་ཚང་བ་བཟླས་ནས་ལྷ་མཆོད་པའི་ཁྱིམ་གྱི་ཕྱོགས་གཅིག་ཏུ་
D370.078.0015a02.01བཞག་སྟེ། སྙིང་གར་སེང་ལྡེང་གི་ཕུར་བུ་བཏབ་ལ་ཕུར་བུའི་སྟེང་དུ་དུས་གསུམ་དུ་ཆུ་ཚན་བླུགས་ཤིང་ཡོངས་སུ་བཟླས་ན་བརླག་པར་འགྱུར་རོ། །ཉི་ཤུའི་ཕྱེད་ཀྱི་རྫས་དང་ཁ་ཆེར་སྦྱར་ལ་རྣལ་འབྱོར་པས་ཐིག་ལེ་བྱས་ན་སྐྱེ་བོ་སྐལ་བ་བཟང་པོར་འགྱུར་རོ། །རྫས་དེ་དག་མ་ལ་
D370.078.0015a03.01ཡ་སྐྱེས་དང་བཅས་པས་ཡན་ལག་ཐམས་ཅད་བྱུགས་ཏེ། གང་ལ་རེག་པ་དེ་ཤི་ཡང་མི་གཏོང་ངོ་། །རྫས་དེ་དག་ཉིད་དམར་པོ་དང་པ་ལ་ཤ་དང་། སྦྲང་རྩི་དང་། ནད་ཀྱི་དབང་པོ་དང་། འཚོད་བྱེད་དང་། ལྷན་ཅིག་ཏུ་བསྲེས་ཏེ་བྱས་ན་རྟག་ཏུ་ས་སྟེངས་པ་རྣམས་བྱམས་
D370.078.0015a04.01ཤིང་ཐམས་ཅད་དུ་རྒྱལ་བར་འགྱུར་ཏེ། རྒྱལ་པོ་དང་། རྒྱལ་པོའི་བློན་པོ་རྣམས་ཀྱིས་རྣལ་འབྱོར་པ་ཐམས་ཅད་དུ་བསྲུང་བར་འགྱུར་བ་ལ་ཐེ་ཙོམ་མེད་དོ། །རྩ་སྔགས་འབུམ་དུ་བཟླས་ནས་སུ། །དེ་འོག་ལས་རྣམས་བརྩམ་པར་བྱ། །གཞན་དུ་དུས་མིན་འཆི་བ་དང་། དམྱལ་
D370.078.0015a05.01བར་ངེས་པར་བསྲེག་འགྱུར་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། ལས་ཐམས་ཅད་ཀྱི་
D370.078.0015a06.01ཚོགས་རབ་ཏུ་འབྱུང་བ་ཞེས་བྱ་བའི་ཆོ་ག་རྒྱས་པའི་རིམ་པར་ཕྱེ་བ་སྟེ་བཞི་པའོ།། །།དེ་ནས་མཁའ་དབྱིངས་དབུས་གྱུར་པར། །ཉི་མའི་དཀྱིལ་འཁོར་བསམ་བྱ་བ། །ཕྱོགས་དང་ཕྱོགས་མཚམས་ནམ་མཁའ་ལ། །དཔག་མེད་རིགས་ཀྱིས་ཡོངས་གང་བའོ། །མཁའ་དབྱིངས་
D370.078.0015a07.01