完整藏文原文 · 德格版页 当前仅加载第 78 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
རོ་ནི་མི་མཆོག་གིས་རྟོགས་བྱ། །སྒོ་དགུ་ལས་ནི་བྱུང་བའི་རྫས། །སྦོམ་པོ་ཞེས་ནི་བྱ་བ་སྟེ། །རྫས་ནི་འཇུ་བར་བྱེད་པ་ཡིན། །བཅུད་ནི་དངུལ་གྱི་ལྷག་མ་ཡིན །།ལེན་པ་སྙིང་སྟོབས་ཞེས་བྱར་བཤད། །སྙིང་སྟོབས་རྫས་ཞེས་བྱ་བ་སྟེ། །དངུལ་ནི་ཞུ་བ་ཞེས་བྱར་བརྗོད། །དེ་ལྟར་རྫས་
D370.078.0114b01.01དང་ཞུ་བ་ནི། །བསྡུས་པ་ལེན་པ་ཞེས་བྱའོ། །མུན་པ་ཕྲ་མོ་ཞེས་བྱ་སྟེ། །ཕྲ་མོ་ནམ་མཁའི་ཁམས་མཚན་ཉིད། །ཕུང་པོ་ལ་སོགས་ཁྱད་པར་དང་། །ཁམས་རྣམས་ཐམས་ཅད་འཚོད་པ་ཡིན། །སྣ་ཚོགས་གཟུགས་རྣམས་འབྱིན་པ་ནི། །ང་ཡི་ཡེ་ཤེས་ཀྱིས་བསྐུལ་ཡིན། །
D370.078.0114b02.01དེ་དག་ལྷ་མོ་སྐལ་ཆེན་མོ། །རྫས་དང་ཁམས་ནི་བསྡུས་པ་སྟེ། །བརྩོན་འགྲུས་དམན་ཞིང་ཐ་ཤལ་དང་། །བསོད་ནམས་དམན་པས་མཐོང་མི་འགྱུར། །བརྩོན་འགྲུས་བཅུད་ཀུན་གནས་ཡིན་པས། །དེ་བས་བརྩོན་འགྲུས་བརྩམ་པར་བྱ། །བཅུད་ནི་བཅིང་དང་གསོ་བ་དག །མདོར་
D370.078.0114b03.01བསྡུས་ནས་ནི་བཤད་པ་ཡིན། །ཡོངས་སུ་སྨིན་པའི་མཆོག་གིས་ནི། །མཉམ་མེད་བཅུད་ལ་བརྟེན་པ་ཡི། །རྣམ་བཅིང་ལ་སོགས་ཉེས་པ་བརྒྱ། །བློ་དང་ལྡན་པས་དཔྱད་དེ་དགག །བཅུད་ནི་ནག་པོ་སྔོན་པོ་སྟེ། །བཅུད་ནི་ཡོངས་སུ་གྲུབ་བ་ཡིན། །དངུལ་ཆུ་ལྷང་ཚེར་ཆོ་ག་ཡིས། །
D370.078.0114b04.01ཇི་སྲིད་བཅུད་ཆེན་གྲུབ་ཀྱི་བར། །དེ་སྲིད་དུ་ནི་འབད་དེ་དཔྱད། །འཁྲུལ་འཁོར་གང་ཞིག་ཁ་ཆེ་བ། །དེ་ནི་ཀར་ན་རྒོད་མའི་ཁ། །འཁྲུལ་འཁོར་གང་ཞིག་རྫ་རྔ་འདྲ། །དེ་ཉིད་བོང་བུ་རྔ་མོའི་ཁ། །རྒོད་མའི་ཁ་ནི་འོད་མ་ཡི། །སྦུ་གུ་ཡིས་ནི་བརྒྱན་པར་བྱ། །ཀ་ར་ན་ད་ཡི་འཁྲུལ་
D370.078.0114b05.01འཁོར་ནི། །རལ་གྲི་ཤུབས་ཀྱིས་བརྒྱན་པར་བྱ། །འཁྲུལ་འཁོར་བོང་བུའི་ཁ་ཞེས་པ། །ཀང་ཀའི་མགྲིན་པའི་སྦུ་གུར་སྦྱར། །རྔ་མོའི་ཁ་ཡི་འཁྲུལ་འཁོར་ནི། །བྱ་རོག་མཆུ་དང་མཚུངས་པར་སྦྱར། །ཚར་གཅད་པ་ནི་སྦལ་བ་སྟེ། །འོད་མ་ཅན་གྱིས་སྦྲང་རྩིར་བཙོ། །བྱ་
D370.078.0114b06.01རོག་མཆུ་ཅན་བུང་བར་བཙོ། །རྡོ་ལེབ་འབར་ཞིང་འོད་དང་བཅས། །ཀང་ཀའི་མཆུ་ཅན་གླང་ཆེན་བཙོ། །རལ་གྲི་ཤུབས་ཅན་འཁྲུལ་འཁོར་གྱིས། །སེང་གེ་རུ་ནི་བཙོ་བ་ཡིན། །བཅུད་ཆེན་ཡི་བ་དང་ཁྲོས་པ་དང་། །འཐོར་ཞིང་ཤིན་ཏུ་ཚོས་པ་ཡིས། །ཆུ་ཡི་ནང་དུ་འབྲོས་པར་འགྱུར། །
D370.078.0114b07.01