完整藏文原文 · 德格版页 当前仅加载第 78 函德格 67a 版页；藏文 NFD、目录标记与异常页序保留在来源切片中，重复版页行以稳定序号区分。
དབུ་མ་རྣམས། །དེ་འོག་རྣལ་འབྱོར་བསྐྱེད་པར་བྱ། །ཡེ་ཤེས་ལ་སོགས་སེམས་ཀྱིས་ནི། །གང་ཞིག་སྟོང་ཉིད་ཤེས་བྱས་ན། །སེམས་ནི་མྱུར་དུ་ཐར་བར་འགྱུར། །ཡེ་ཤེས་ཀྱིས་ནི་ཤེས་བྱ་བརྟག །ཤེས་བྱས་འགྲོ་བ་བརྟག་པར་བྱ། །ཕ་དང་མ་ནི་བསད་བྱས་ཤིང་། །བྲམ་ཟེ་གཙང་མ་
D370.078.0067a01.01གཉིས་བཟུང་ནས། །རྒྱལ་པོ་ཡུལ་འཁོར་བཅས་བཅོམ་ན། །མི་དེ་དག་པར་འགྱུར་ཞེས་བྱ། །ཡེ་ཤེས་རང་བཞིན་ཀུན་དང་སྦྱོར། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་
D370.078.0067a02.01ཆེན་པོ་དཔལ་རྡོ་རྗེ་མཁའ་འགྲོ་ལས་ཡེ་ཤེས་འབྱུང་བའི་རིམ་པར་ཕྱེ་བ་སྟེ་ཉི་ཤུ་རྩ་དགུ་པའོ།། །།ཡེ་ཤེས་ཁྱད་པར་གང་གིས་ནི། །ཡེ་ཤེས་ཐུན་མོང་བྱིན་བརླབས་པ། །བྱེ་བྲག་ཅན་ནི་ཇི་ལྟ་བུ། །ལྷ་ལས་རོལ་མོ་མཉན་པར་འཚལ། །བཅོམ་ལྡན་
D370.078.0067a03.01འདས་ཀྱིས་བཀའ་སྩལ་པ། །ལྕི་བར་གྱུར་པ་སུམ་ཅུ་པོས། །དགེ་དང་སྡིག་པའི་འབྲས་འབྱུང་བ། །ང་རྒྱལ་གྱིས་ནི་བྱིན་བརླབས་པ། །སེམས་ཀྱིས་བྱས་པའི་ལས་ཚོགས་ཀྱིས། །བསྒོམ་པར་གྱུར་པའི་རང་རིག་པའི། །སེམས་ནི་འགྲོ་བ་དེ་རུ་འགྲོ། །སྲིད་པའི་ཞགས་
D370.078.0067a04.01པས་རྟག་འཇིགས་པས། །དེ་ཡི་འགྲོ་བ་མི་མཐོང་ངོ་། །འདུ་ཤེས་རྣམ་པ་ལྔ་དང་ནི། །ལྟ་བ་ལྔ་ཡིས་ཕ་རོལ་འགྲོ། །ལྷ་ཡི་ཡེ་ཤེས་གསལ་བར་བལྟ། །ལྷ་མིན་ཡེ་ཤེས་ཁྲོ་བའོ། །{ཡི་དགས་,ཡི་དྭགས་}ཡེ་ཤེས་ཞན་པ་སྟེ། །དམྱལ་བའི་ཡེ་ཤེས་འཇིགས་པས་ནོན། །བྱོལ་
D370.078.0067a05.01སོང་ཡེ་ཤེས་བླུན་པ་སྟེ། བརྟེན་པ་རྣམས་ནི་སེམས་མེད་པའོ། །རྒྱུ་ཡི་ཡེ་ཤེས་རྣམ་པ་ལྔ། །གླེན་པས་བསྒྲིབས་དང་ལྐུགས་པ་དང་། །བྱིས་པའི་ཤེས་པའི་ཤེས་པ་ཅན། །སེམས་ཅན་ཡོངས་སུ་མ་སྨིན་དང་། །བླ་མའི་ལམ་ནི་སུན་འབྱིན་པ། །དེ་དག་ཀུན་གྱིས་
D370.078.0067a06.01མི་ཤེས་ཏེ། །གསང་ཆེན་སངས་རྒྱས་སྤྱོད་ཡུལ་ལོ། །ཡེ་ཤེས་དེ་ཉིད་བྱེ་བྲག་དག །བདེ་བ་ཆེན་པོས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ཡེ་ཤེས་དེ་ཉིད་བྱེ་བྲག་དག །ཉོན་ཅིག་ཡང་དག་སྒྱུ་མ་ཆེ། །ལས་རྣམས་ཀྱི་ནི་བྱེ་བྲག་གིས། །
D370.078.0067a07.01