完整藏文原文 · 德格版页 当前仅加载第 78 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲ་ཆེན་པོས་སད་མཛད་ཅིང་། །རབ་ཏུ་བསྒྱིངས་པས་ལྷ་ཀུན་བསྲེག །གཡས་ཞལ་དཀར་པོའི་འོད་ཟེར་ནི། །གངས་ཀྱི་སྙིང་པོ་སྤུངས་པ་དང་། །ཤེལ་དང་བཻ་ཌཱུར་རྡོ་དང་ནི། །ངང་བ་ཀུན་ད་ཟླ་འདྲ་བའི། །དྲི་མེད་འོད་ཀྱིས་གསལ་མཛད་པ། །རྙོག་པ་མེད་
D370.078.0016a01.01པའི་གདེངས་ཀའི་བར། །རང་གི་ཆུ་རྒྱུན་འབབ་པ་བཞིན། །རྒྱལ་བའི་རིགས་ཀུན་གསལ་བར་མཛད། །ནུབ་ནི་སེར་པོ་གསེར་བཙོས་འདྲ། །ཀུ་སུམ་ཛ་ཡི་མེ་ཏོག་དང་། །མེ་འབར་སོལ་བ་སྤུངས་འདྲ་ཞིང་། །ཉི་མ་འཆར་ཀའི་འོད་འདྲ་བའི། །སྤྱན་ཟུར་བགྲད་པས་
D370.078.0016a02.01འཇིགས་པར་མཛད། །ཤིན་ཏུ་དྲག་པའི་གཟུགས་ཆེན་ལས། །ས་གཞི་རྣམས་ནི་མ་ལུས་པར། །སྐར་མདའི་འོད་ལྟར་ལྡིང་ཞིང་འཁྲུག །བལྟ་བར་དཀའ་ཞིང་གཟུང་བར་དཀའ། །མེ་ལྕེ་འཁྱིལ་པ་ལྟ་བུར་འབར། །དཔག་ཚད་སྟོང་ཕྲག་དུ་མ་རུ། །ཡངས་པའི་རྡོ་རྗེ་
D370.078.0016a03.01མདའ་ཡི་ནི། །དྲ་བ་ཆེན་པོས་འཁོར་ལོ་བཅིངས། །ཁྭ་གདོང་ལ་སོགས་སོ་སོ་ཡི། །བ་སྤུ་རེ་རེའི་ཁུང་ནས་ཀྱང་། །རི་རབ་དུ་མའི་རྡུལ་མཚུངས་པའི། །མཁའ་འགྲོ་མ་ཡི་འཁོར་ལོ་དང་། །རྡོ་རྗེ་གསུམ་གྱི་རང་བཞིན་རྣམས། །སྤྲོ་བས་ནམ་མཁའ་གསལ་མཛད་པ། །
D370.078.0016a04.01ཕྱག་བརྒྱད་སྤྱན་གསུམ་གྱེན་སྐྲ་འབར། །མཁའ་འགྲོ་ཉི་ཤུ་བཞི་ཕྱེད་བསྐོར། །དེ་ལྟར་སྔགས་པས་རྣམ་བསམ་བྱ། །གཡས་དང་པོ་ན་རྡོ་རྗེ་སྔོན་པོ་འབར་ཞིང་རྣོ་བ་གདེངས་པ་ལ་རིགས་ལྡན་གྱིས་དཀྲིས་པ་བསྣམས་པའོ། །གཉིས་པ་ན་པདྨས་བཅིངས་པའི་མདའི་མཆོག་
D370.078.0016a05.01གོ། །གསུམ་པ་ན་པདྨ་ཆེན་པོས་ཡུ་བ་དཀྲིས་པའི་རལ་གྲིའོ། །བཞི་པ་ན་དུང་སྐྱོང་གི་ཞགས་པས་དཀྲིས་པའི་ལྕགས་ཀྱུའོ། །གཡོན་གྱི་དང་པོ་ན་མཐའ་ཡས་ཀྱི་བ་དན་བཏགས་པའི་ཁ་ཊྭཱྃ་ག་བསྒྲེང་བའོ། །གཉིས་པ་ན་ནོར་རྒྱས་ཀྱི་བུ་ཡིས་རྒྱུད་བྱས་པའི་གཞུའི་མཆོག་
D370.078.0016a06.01གོ། །གསུམ་པ་ན་འཇོག་པོའི་ཞགས་པ་དག་སྡིགས་མཛུབ་བོ། །བཞི་པ་ན་ཚངས་པའི་མགོ་ཁྲག་འཛག་པ་སྟོབས་ཀྱི་རྒྱུས་བཅིངས་པ་བསྣམས་པའོ། །ཀླུའི་རྒྱལ་པོ་དེ་དག་ཐམས་ཅད་ཀྱང་མཆེ་བ་གཙིགས་ཤིང་ལྕེ་འདྲིལ་བ། ལྟ་བའི་དུག་ཅན་གདེངས་ཀའི་ནོར་བུའི་
D370.078.0016a07.01