完整藏文原文 · 德格版页 当前仅加载第 78 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་ཏུ་སེམས་ཅན་དོན་བརྩོན་པས། །འབར་མ་ཆུང་མར་བསྒྲུབ་པར་བྱ། །ཉོན་ཅིག་ལྷ་མོ་ཤེས་རབ་ཆེ། །གཞན་ཡང་མཁའ་འགྲོ་སྒྲུབ་པའི་ཐབས། །ཐང་ཀ་ཁྲུ་གཉིས་བྱས་ནས་སུ། །ལྷག་པར་གནས་ཏེ་མཆོད་གཏོར་ནས། །དེ་ནས་རི་མོ་འདྲི་རུ་གཞུག །
D370.078.0054a01.01དཀར་ཞིང་དམར་ལ་ཤིན་དུ་མཛེས། །ཞལ་གཅིག་ཕྱག་ནི་གཉིས་པ་སྟེ། །ཤིན་ཏུ་མཛེས་པའི་ན་བཟའ་གསོལ། །ལག་ནི་སྡིགས་མཛུབ་ལྕགས་ཀྱུ་ཐོགས། །སྐྲ་གྲོལ་བས་ནི་རྣམ་པར་མཛེས། །མེ་འབར་འོད་ཟེར་ཤིན་ཏུ་གསལ། །ཧ་ཧར་རྒོད་ཅིང་མིག་ཡོན་མ། །ས་ལ་
D370.078.0054a02.01ཁྲག་གིས་བྱུགས་ནས་སུ། །གནས་དེར་བྲིས་སྐུ་དགྲམ་པར་བྱ། །མེ་ཏོག་དམར་པོ་ལ་སོགས་དང་། །དྲི་དང་བདུག་པའི་ཁྱད་པར་གྱིས། །ཉེ་བར་མཆོད་པའི་གཏོར་མ་དགོད། །ཤ་དང་ཉ་དང་བཙོང་ལ་སོགས། །བདུད་རྩི་ལྔ་ཡིས་དགང་བར་བྱ། །རྣལ་འབྱོར་མ་ནི་སྒོམ་ཞིང་
D370.078.0054a03.01ཟློས། །འབུམ་ཕྲག་གཅིག་གིས་འགྲུབ་པར་འགྱུར། །ལག་གཉིས་ཐལ་མོ་སྦྱར་ནས་སུ། །ཁར་བཅུག་ནས་ནི་བགད་པར་བྱ། །ཨོཾ་ཌཱ་ཀི་ནཱི་ཧཱུྃ་ཕུཿཕུཿ། བསྒྲུབ་པའི་སྔགས་དང་ཕྱག་རྒྱའོ། །དང་པོ་ས་ནི་གཡོ་འགྱུར་ཏེ། །གཉིས་པ་ལ་ནི་མདུན་དུ་དགོད། །གསུམ་
D370.078.0054a04.01པ་མདུན་དུ་སྣང་འགྱུར་ཏེ། །བཞི་པ་ལ་ནི་བཀའ་ནོད་དོ། །བདུད་རྩི་ལྔ་ཡི་ཁྱད་པར་གྱི། །དམ་ཚིག་འབད་དེ་བྱིན་ནས་ནི། །གཡོག་མོ་རུ་ནི་བསྒྲུབས་པ་ཡིས། །ཅི་འདོད་བཀའ་ནི་བསྒོ་བར་བྱ། །དགྲ་རྣམས་བསད་ཅིང་སྨད་པ་དང་། །ཡན་ལག་གཟིར་བ་གང་འདོད་པའི། །
D370.078.0054a05.01ལས་ལ་སོགས་པ་ཐམས་ཅད་ནི། །གཡོག་མོའི་ལས་ཀྱིས་བསྒྲུབ་པར་འགྱུར། །གལ་ཏེ་འབུམ་གྱིས་གདོན་ཟ་ན། །རྡོ་རྗེ་མ་ཡི་ས་བོན་གྱིས། །སྔོན་དུ་བསྟན་པའི་ཆོ་ག་བཞིན། །མཁས་པས་གཟིར་བར་བྱས་ཏེ་བཟླ། །ར་དག་གི་ནི་པགས་པ་ལ། །འབད་དེ་ཐང་ཀ་བརྐྱང་
D370.078.0054a06.01བར་བྱ། །འཇིབ་བྱེད་མ་ནི་འདྲི་རུ་གཞུག །ཁ་དོག་དམར་པོ་ཤིན་ཏུ་མཛེས། །ལུས་ལ་རྒྱན་གྱིས་བརྒྱན་པ་དང་། །མཛེས་པའི་གོས་ནི་གྱོན་པར་བྲི། །གཡོན་པ་སྡིགས་མཛུབ་ཞགས་པ་དང་། །གཡས་སུ་དགྲ་སྟ་དགོད་པར་བྱ། །ལམ་གྱི་བཞི་མདོ་ཡིད་འོང་བར། །མཁས་
D370.078.0054a07.01