完整藏文原文 · 德格版页 当前仅加载第 78 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
མ་གསུམ་པའམ། ལྔ་པ་ལ་མ་ཤི་ན་ནད་ཅུང་ཟད་དང་བཅས་པར་འགྱུར་ཞིང་བརྒྱད་པ་ལ་ལྡང་ངོ་། །བཟང་པོ་ལ་ནི་ཉི་མ་བརྒྱད་པ་དང་བཅུ་པ་ལ་མ་ཤི་ན་དེ་ནས་གྲོལ་བར་འགྱུར་རོ། །གཏི་མུག་ལ་ནི་ཉི་མ་གསུམ་པའམ་བདུན་པ་ལ་མ་ཤི་ན་དེ་ནས་གྲོལ་བར་འགྱུར་རོ། །གང་གི་མཆེ་བས་མངོན་
D370.078.0029b01.01ཟིན་ན། །འཆི་བདག་དང་ནི་མངོན་པར་འགྲོགས། །དུག་བསྡུ་བ་ཡི་སྦྱོར་བ་ཡིས། །དེ་རྣམས་ཇི་ལྟར་འགྲུབ་འགྱུར་ཞིང་། །ཚེ་དང་ནད་མེད་སྤེལ་བའི་ཕྱིར། །གཞན་ལ་ཆོ་ག་ཇི་ལྟར་སྦྱར། བཀའ་སྩལ་པ། སེམས་ཅན་ཀུན་གྱི་ནད་རྣམས་ནི། །གཞོམ་ཞིང་བསྐྱང་བར་བྱ་བ་དང་། །
D370.078.0029b02.01ཤི་བ་རྣམས་ཀྱང་འཚོ་འགྱུར་ན། །གཞན་ལྟ་སྨོས་ཀྱང་ཅི་ཞིག་དགོས། །དེ་རྣམས་བསོད་ནམས་ཆེ་འགྱུར་བ། །ཆུ་ཡི་སྦྱིན་སྲེག་ཆོ་ག་ནི། །མདོར་བསྡུས་ནས་ནི་བརྗོད་བྱ་བ། །དེ་ནི་ང་ཡིས་བཤད་ཀྱིས་ཉོན། །ས་ཡི་ཆ་ནི་ཡིད་འོང་ལ། །ཁ་དོག་དཀར་པོ་དྲི་ཡིས་བྱུག །མེ་ཏོག་ཕྲེང་
D370.078.0029b03.01དཀར་གྱིས་བརྒྱན་ཅིང་། །རྒྱལ་མཚན་བླ་རེས་འབར་བྱས་པར། །རྩ་བ་ནག་པོ་ར་རི་མེད། །བུམ་པ་ཆུ་ཡིས་བཀང་སོགས་པ། །དེ་དབུས་ལྷ་མོ་བསམ་པ་ནི། །པདྨའི་སྟན་ལ་ཡང་དག་བཞུགས། །ཞལ་གཅིག་ཕྱག་ནི་གཉིས་པ་སྟེ། ཤིན་ཏུ་མཛེས་པའི་ན་བཟས་བཀླུབས། །རྒྱན་
D370.078.0029b04.01རྣམས་ཀུན་གྱིས་བརྒྱན་པ་སྟེ། །པདྨའི་ཕྲེང་བས་མཛེས་པར་བྱས། །མཁའ་འགྲོ་མ་ཡི་འཁོར་ལོ་སྤྲོ། །གང་དང་ཀུན་ད་ཟླ་འདྲ་བའི། །བདུད་རྩིའི་ཆུ་རྒྱུན་འབབ་པ་ཡིས། །དུག་གི་མཐུ་ནི་འཕྲོག་པར་མཛད། །ལྷ་མོའི་སྦྱོར་བ་འདི་ལྟ་བུས། །བསམས་ན་དུག་ནི་འཇོམས་པར་འགྱུར། །
D370.078.0029b05.01འོ་མ་ནག་པོར་གྱུར་གྱི་བར། །མུན་པས་རིང་དུ་ཟིལ་མནན་པ། །སླར་ཡང་བདུག་པས་བདུག་པར་བྱ། །དཔྱིད་ཟླ་ར་སོགས་རིམ་བཞིན་དུ། །ཉི་མ་བྱང་དུ་འགྲོ་བའི་ཚེ། །ཇི་ལྟའི་དུས་བཞིན་མཚན་མ་ནི། །རིམ་གྱིས་རིམ་གྱིས་སྦྱར་བར་བྱ། །ཉིན་མོ་ཡི་ནི་ཆུ་ཚོད་དག །མཁས་པས་
D370.078.0029b06.01བཞི་དང་བཅུ་གཉིས་བསྒྱུར། །མཚན་མོ་དྲུག་དང་བཅུ་གསུམ་བསྒྱུར། །ཆུ་ཚོད་མཁས་པས་བརྩམ་པར་བྱ། །རེའུ་མིག་དག་ནི་གཉིས་པ་ལ། །དུས་ལ་མཁས་པས་མཚན་མ་བྱ། །ཉིན་མོ་དྲུག་དང་བཅུ་གཉིས་བསྒྱུར། །ཆུ་ཚོད་ཀྱི་ནི་མཚན་མ་བྱ། །བཞི་དང་བཅུ་གསུམ་
D370.078.0029b07.01