完整藏文原文 · 德格版页 当前仅加载第 78 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡིས་རྣམ་པར་ཁྱབ་བྱེད་ཅིང་། །འོད་ཟེར་གློག་སྟོང་འཁྱུག་འདྲ་བ། །བསྒྲུབ་པར་བྱ་བའི་སྟེང་དུ་བསྒོམ། །འོད་ཟེར་བརྒྱ་ཡིས་བཀང་བས་ན། །མྱོས་ནས་སུ་ནི་བརྒྱལ་བར་འགྱུར། །དེ་ཡིས་ཇི་སྲིད་འཚོ་བར་དུ། །དེ་ནི་དེ་ཡི་དབང་དུ་འགྱུར། །ཏ་ཞེས་
D370.078.0085a01.01བྱ་བའི་ཡི་གེ་མཆོག །འོད་ཟེར་གློག་ལྟར་གསལ་བ་སྟེ། །མདོག་ནི་རྨ་བྱའི་མགྲིན་པ་འདྲ། །ཡི་གེ་འདི་ནི་བསྒྲུབ་བྱ་ཡི། །སྙིང་དང་མགྲིན་པ་གསང་བ་དང་། །ལྟེ་བར་བཀོད་དེ་འབུགས་པར་བསམ། །ཡི་གེ་དེ་ཡིས་རྨོངས་པས་ན། །བསྒྲུབ་བྱ་སེམས་དང་བྲལ་བ་
D370.078.0085a02.01དང་། །རྨོངས་ཤིང་བརྒྱལ་བར་གྱུར་ནས་སུ། །ཇི་སྲིད་འཚོ་ཡི་བར་དུ་ནི། །མྱོས་ཤིང་དབང་འགྱུར་གཞན་དུ་མིན། །དེ་ཡི་དྲུང་ན་གནས་པ་ཡི། །ཐ་ཞེས་བྱ་བ་ཡི་གེ་མཆོག །མུ་མེན་གྱི་ནི་མདོག་འདྲ་དང་། །ཨུཏྤལ་སྔོན་པོའི་འདབ་མའི་འོད། །བསྒྲུབ་བྱའི་སྙིང་ག་
D370.078.0085a03.01དཔྲལ་བ་དང་། །དེ་བཞིན་དུ་ནི་རྐང་པར་དགོད། །བསྒྲུབ་བྱའི་ལུས་ལ་དབང་པོ་ཡི། མཚོན་ཆ་བཞིན་དུ་ཐིམ་པར་བསམ། །ཡི་གེའི་རྒྱལ་པོས་མནན་པས་ན། །བསྒྲུབ་བྱ་སེམས་དང་བྲལ་འགྱུར་ཞིང་། །ས་འཛིན་གྱི་ནི་དབང་བོ་བཞིན། །འགྲོ་བ་དག་ཀྱང་བཅིངས་པར་
D370.078.0085a04.01འགྱུར། །རེག་བྱ་མི་ཤེས་དྲི་མི་ཤེས། །སྒྲ་མི་ཐོས་ཤིང་གཟུགས་མི་མཐོང་། །ལྕེ་ཡིས་རོ་རྣམས་མི་མྱོང་ཞིང་། །དུག་གིས་བརྒྱལ་བ་བཞིན་དུ་གནས། །གང་དང་གང་གི་སྟེང་དུ་ནི། །ཉི་འོད་ལྟ་བུའི་ཡི་གེ་བསམ། །ཡི་གེའི་རྒྱལ་པོ་ཐ་ཡིས་ནི། །སྐྱེས་བུ་བཅིངས་
D370.078.0085a05.01འགྱུར་ཐེ་ཚོམ་མེད། །དེ་ནས་གཞན་ཡང་ད་ཡི་ནི། །སྟོང་པའི་ལས་ཀྱི་ཆོ་ག་ཉོན། །ད་ཞེས་བྱ་བ་མདོག་སྔོན་ནི། །ཆར་སྤྲིན་ནག་པོའི་འོད་དང་མཚུངས། །འོད་ཟེར་འབར་བ་རྣམ་འཕྲོ་བ། །བསྒྲུབ་བྱ་ཡི་ནི་མགོར་བསམ་ལ། །མེ་སྟག་འཕྲོ་བ་བསྒོམས་པ་ནི། །ཕྱོགས་
D370.078.0085a06.01ཀུན་ཏུ་ནི་བསམ་པར་བྱ། །ཡི་གེའི་དབང་ཕྱུག་དེ་ཡིས་ནི། །བསྒྲུབ་བྱའི་མགོ་བོ་ཕུག་པར་བསམ། །འབར་བའི་སྤྲིན་ནི་སྟོང་ཕྲག་གིས། །དེ་ནི་ཀུན་ཏུ་བསྐོར་བར་བསམ། །དེ་ནི་བཀོད་པ་ཙམ་གྱིས་སུ། །སྡོང་གོག་དང་ནི་མཚུངས་པར་འགྱུར། །ཕུག་སྟེ་ཤིན་ཏུ་
D370.078.0085a07.01