完整藏文原文 · 德格版页 当前仅加载第 78 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
ལྔ་སྡེའི་ཐོག་མ་ཉིད་དང་ལྡན། །སྡེ་གཙོ་དེ་ནི་སླར་བཟླས་བྱ། །བྷཀྵ་བྷཀྵ་ཞེས་བྱ་དང་། །བ་ས་རུ་དྷི་ར་ཨནྟྲ། །མཱ་ལཱ་པ་ལཾ་བི་ནེ་དང་། །གྲྀཧྞ་གྲྀཧྞ་ས་པྟ་སྟེ། །པཱ་ཏ་ལ་ག་ཏ་བྷུ་ཛྃ་ག། །སརྦྦྃ་བཱ་ཏརྫ་ཡ་ཉིས་འགྱུར་བྱ། །ཨཱ་དང་ཀ་ཡི་ཡི་གེ་དང་། །
D370.078.0006a01.01གསུམ་པ་ཡི་ནི་གསུམ་པར་སྦྱར། །བཞི་པ་དང་ནི་རླུང་ལ་གནས། །ལན་གཉིས་སུ་ནི་བཟླས་པར་བྱ། །ས་ཡི་མཐའ་ནི་ཉི་མར་གནས། །ཡི་གེ་བཞི་པས་དགང་བར་བྱ། །སླར་ཡང་དེ་ནི་ལན་གཉིས་བཟླ། །ལྔ་སྡེ་མཐའ་ཡི་སྟན་བཞུགས་པ། །ཀ་ཥ་ཨ་དང་ཐིག་ལེར་
D370.078.0006a02.01ལྡན། །ས་བོན་དེ་ནི་གཉིས་བཟླས་བྱ། །ས་མཐའ་མདའ་གཉིས་དང་ལྡན་པ། །སླར་ཡང་ས་མཐའ་མདའ་གསུམ་སྦྱར། །དེ་བཞིན་ས་མཐའ་མདའ་ལྔའི་སྟན། །དེ་ཀུན་ཟླ་བའི་དུམ་བུ་དང་། །ཐིག་ལེ་ཡིས་ནི་ཅོད་པན་བརྒྱན། །དེ་དག་ཡང་ཡང་བསྒྱུར་བར་བྱ། །ཀ་ས་ཙ་
D370.078.0006a03.01དང་དྷ་རྣམས་ནི། །ཨི་སྒྲ་ཡི་ནི་མཆོག་གིས་གཟུང་། །ལི་ཡི་མཐའ་ནི་རེ་རེར་སྦྱར། །དེ་དག་ཀྱང་ནི་ཡང་ཡང་བསྒྱུར། །ཨུ་སྒྲ་ལ་ཞོན་ས་ཡི་མཐའ། །སླར་ཡང་ཟླ་དུམ་ཐིག་ལེས་སྦྱངས། །ཕཊ་ཅེས་བྱ་བའི་རིན་ཆེན་བསྒྲུབ། །ཆ་དང་ཆ་མིན་སྣ་ཚོགས་པའི། །མེ་ཏོག་
D370.078.0006a04.01མང་པོས་ཡང་དག་ཟིན། །དེ་དག་ལྷ་མོ་སྒྱུ་མ་ཆེ། །དངོས་གྲུབ་ཐམས་ཅད་རབ་སྟེར་བའོ། །འདི་ནི་གསུངས་པ་ཙམ་གྱིས་ཀྱང་། །འཇིག་རྟེན་ཁམས་ཀུན་གཡོས་གྱུར་ཅིང་། །དེ་བཞིན་གཤེགས་པ་ཀུན་སྐྲག་ནས། །སླར་ཡང་དེ་བཞིན་གཤེགས་པ་ཀུན། །བྱང་ཆུབ་ཏུ་
D370.078.0006a05.01ནི་མངོན་སངས་རྒྱས། །རི་བོ་ཐམས་ཅད་འདར་ཞིང་གས། །མ་མོའི་ཚོགས་དང་འབྱུང་པོའི་ཚོགས། །གདོན་དང་རིམས་དང་དབྱིག་དུག་དང་། །གནོད་སྦྱིན་སྲིན་པོ་ལོག་འདྲེན་སོགས། །སྡང་བ་ཐམས་ཅད་བཏུལ་ཞིང་བཅོམ། །ཞི་འགྱུར་བཀུག་སྟེ་དཀྱིལ་འཁོར་གྱི། །
D370.078.0006a06.01དབུས་སུ་བཅུག་སྟེ་དམ་ཚིག་གིས། །བཅིངས་ནས་ཀྱང་ནི་དབང་དུ་མཛད། །དམྱལ་བ་པ་ཡི་སྡིག་པ་ཀུན། །དྲལ་ཏེ་ངེས་བཅོམ་བ་སྙིལ་ལོ་ཞེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །
D370.078.0006a07.01