完整藏文原文 · 德格版页 当前仅加载第 78 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་དེ་ཁོ་ན་ཉིད་སྣང་བ་དམ་པའི་ཡུལ་ལ་འཇུག་པའི་ཡེ་ཤེས་ཀྱི་རིམ་པར་ཕྱེ་བ་དང་པོའོ།། །།དེ་ནས་བཅོམ་ལྡན་འདས་ལ་བཙུན་མོ་རྣམས་ཀྱིས་སླར་ཡང་མཆོད་ཅིང་ཕྱག་བྱས་ནས་འདི་སྐད་
D370.078.0005a01.01ཅེས་གསོལ་ཏོ། །བཅོམ་ལྡན་འདས་སྙིང་པོ་གང་གིས་དེ་བཞིན་གཤེགས་པ་ཐམས་ཅད་ཀྱི་བསྟན་པ་འདྲལ་བའི་ལྷ་ལ་སོགས་པའི་གདུག་པ་ཅན་རྣམས་དང་། སྐྱེ་བོ་གདུག་པ་ཅན་གཞན་དག་ཀྱང་གདུལ་བ་དང་། འཇོམས་པ་དང་། ཞུམ་པར་བྱེད་པ་དང་། ལྟུང་བ་དང་། ཞི་
D370.078.0005a02.01བར་བྱས་ཏེ། བྱང་ཆུབ་ཀྱི་སྙིང་པོའི་བར་དུ་གནོད་པ་བྱེད་པར་མི་འགྱུར་བའི་སྙིང་པོ་སྡང་བ་ཐམས་ཅད་རབ་ཏུ་འཇོམས་པ་ལྷ་ཡིས་བཤད་དུ་གསོལ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེའི་བདག་པོས། གླུར་བླངས་
D370.078.0005a03.01ཏེ་འདི་སྐད་ཅེས་གསུངས་སོ། །དང་པོར་རྣམ་པར་སྣང་མཛད་ནས། །དེར་ནི་སྡེ་ཚན་རྣམས་ཀྱི་མཐར། །ཏ་དང་པོ་ཡི་དྷ་བྷའི་མཐའ། །དབྱངས་ཀྱི་གསུམ་པས་སྤྱིར་བརྒྱན་པའི། །ས་ཡི་མཐའ་ནི་རང་གིས་བལྟ། །ལ་སའི་དབུས་ཀྱི་སྟན་བཞུགས་པའི། །ས་ཡི་མཐའ་ནི་སྦྱར་
D370.078.0005a04.01བར་བྱ། །མཐའ་གཉིས་ཀྱིས་ནི་རྣམ་པར་སྦྱང་། །ཨ་སྟན་གནས་པ་ས་ཡི་མཐའ། །སླར་ཡང་ས་མཐའ་མདའ་ལྔ་བསྟན། །ཟླ་བའི་དུམ་བུ་ཐིག་ལེས་བརྒྱན། །ལ་སའི་དབུས་གནས་ས་བོན་ནི། །མདའ་བཅུ་ཡིས་ནི་ཡོངས་སུ་སྦྱངས། །ཤ་དང་ས་ཡི་དབུས་གནས་ལ། །
D370.078.0005a05.01ཞལ་གསུམ་གྱིས་ནི་བརྒྱན་པ་དང་། །རླུང་གི་ཕྱོགས་གནས་ས་བོན་ལ། །རུ་ཏ་ཡིས་ནི་རྣམ་པར་བརྒྱན། །ཧཱུྃ་ཧཱུྃ་ཧ་ནི་བཟུང་ནས་སུ། །དབྱངས་ཀྱི་དགུ་པས་ཡང་དག་དགང་། །ཕཊ་ཅེས་བྱ་བ་དགོད་པར་བྱ། །ལྷག་མ་ཧ་ཡི་རྐང་པ་དགང་། །ལྔ་བའི་དབུས་གནས་དེ་ཉིད་དེ། །
D370.078.0005a06.01དེ་ལ་ཧ་ཛོ་ཞེས་བྱའོ། །ར་སྟན་ལ་གནས་ས་ཡི་མཐའ། །ཨི་ཞེས་བྱ་བའི་མདའ་དང་སྦྱར། །སླར་ཡང་པ་ཞེས་བྱ་བའི་མཐའ། །མདའ་ནི་སར་བས་ཡོངས་སུ་སྦྱངས། །ས་མཐའ་དེར་ནི་ར་ཡིག་ཞོན། །ཨེ་ཞེས་བྱ་བར་རྣ་བའི་རྒྱན། །ཨི་དབྱངས་ཟླ་དུམ་ཐིག་ལེས་བརྒྱན།།
D370.078.0005a07.01