完整藏文原文 · 德格版页 当前仅加载第 78 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུའི་བདུད་རྩིའི་ཆུ་རྒྱུན་འབབས་པས་ཨ་ལ་ཁྲུས་ཆབ་གསོལ་བ་རྟག་ཏུ་བསམས་ན། པདྨ་ཁ་སྦྱོར་གྱི་བསམ་གཏན་གྱི་སྦྱོར་བ་འདིས་ནི་ལུས་བརྟན་པར་འགྱུར་བ་དང་། སྲོག་བསྲུང་བ་ལ་སྙིང་གར་དབང་བསྐུར་ཞིང་རྒྱས་པ་ཕུན་སུམ་ཚོགས་པར་འགྱུར་རོ། །
D370.078.0014a01.01ཤིང་ཏ་ལའི་འདབ་མ་ལ་བསྒྲུབ་བྱའི་མིང་གི་ཡི་གེ་གདང་སྤེལ་བ། ཐོག་མ་དང་ཐ་མར་ཨོཾ་ཁ་སྦྱར་བའི་རི་མོ་བྲིས་ལ་རི་མོ་དེ་དུར་ཁྲོད་ཀྱི་སོལ་བས་བཀང་ལ་བུམ་པ་ལ་སོགས་པའི་ནང་དུ་བཅུག་སྟེ། སྤྲ་ཚིལ་ལ་སོགས་པས་ཁ་བཅད་ལ་དབུགས་ནང་དུ་རྔུབ་ཅིང་མི་གཙང་བའི་
D370.078.0014a02.01ཕུང་པོའི་ནང་དུ་བཅུག་ན་རྒྱུ་བ་དང་མི་རྒྱུ་བ་ཐམས་ཅད་བཅིངས་པར་འགྱུར་རོ། །ཤིང་ཨར་ཀའི་རྩ་བ་ལ་ཚོགས་ཀྱི་དབང་ཕྱུག་གི་གཟུགས་ལག་པ་བཞི་དང་ལྡན་པ་བྱས་ཏེ། ས་བོན་དང་། དགུག་པ་དང་། དམ་ཚིག་སྦྱིན་པ་ལ་སོགས་པ་བྱས་ནས། ལན་ཚྭ་དང་། མ་རི་
D370.078.0014a03.01ཙི་དང་། བཅའ་སྒ་དང་། སྔོན་པོ་དང་། སྐེ་ཚེ་དང་། སྤུན་པ་དང་། ཆུ་རྣམས་ཀྱིས་ལེགས་པར་བྱུགས་ཏེ་ཉི་མ་ཕྱེད་ན་ཁྱིམ་གྱི་ཆུའི་ནང་དུ་སྐེ་མན་ཆད་ཁ་ལྷོར་བསྟན་ཏེ་བཅུག་ལ་མཆོད་པ་རྣམ་པ་ལྔས་མཆོད་དེ། སྔགས་པས་འདི་སྐད་ཅེས་བརྗོད་པར་བྱའོ། །ཁྱོད་ཀྱིས་
D370.078.0014a04.01བདག་ལ་སོགས་པའི་ལས་འདི་ཞེས་བྱ་བ་བྱས་ན། དེ་ནས་ཅི་ནུས་པའི་རྗེས་སུ་མཐུན་པའི་མཆོད་པ་ཁྱོད་ལ་སྦྱིན་ནོ་ཞེས་བརྗོད་ལ་ཉི་མ་བདུན་གྱི་བར་དུ་བྱའོ། །དེ་ནས་བྱ་བ་བྱས་པ་དང་། དེ་ནས་བཏོན་ལ་འོ་མས་བཀྲུ་ཞིང་ཅི་ནུས་པའི་མཆོད་པ་བྱིན་ལ་བཟོད་པ་གསོལ་བར་
D370.078.0014a05.01བྱའོ། །བུམ་པ་དྲིའི་ཆུས་བཀང་སྟེ་རིན་པོ་ཆེ་དང་། སྨན་དང་། འབྲུ་དང་ལྡན་པར་བྱས་ཤིང་སྟོབས་པོ་ཆེའི་སྔགས་བརྒྱ་རྩ་བརྒྱད་བཟླས་ནས་མཎྜལ་གྲུ་བཞི་པར་བྱས་པའི་སྟེང་དུ་སྐྱེས་བུའི་གཙོ་བོ་བཞག་སྟེ། བུམ་པ་དེས་ཁྲུས་བྱས་ལ་སྔགས་དེ་གྲོ་ག་ལ་གོ་རོ་ཙ་ནས་བྲིས་
D370.078.0014a06.01ནས་གཙུག་པུད་ལ་བཏགས་ཏེ་གཡུལ་དུ་ཞུགས་ན་ཕ་རོལ་གྱི་གཡུལ་ལས་རྒྱལ་བར་འགྱུར་རོ། །དུར་ཁྲོད་ཀྱི་རས་སམ། ཨ་བ་དྷཱུ་ཏཱིའི་རས་ལ་དུག་དང་། ཁྲག་དང་། ནི་མ་པའི་ལོ་མའི་ཁུ་བ་རྣམས་ཀྱིས་སྔགས་ཀྱི་ཡི་གེ་རེ་རེ་ཞིང་། བསྒྲུབ་བྱའི་མིང་དང་སྤེལ་བ་
D370.078.0014a07.01